لا بس بسكويت النشادر بالبرتقال داه فى حته تانيه خااالص 😍🍊💃

لا بس بسكويت النشادر بالبرتقال داه فى حته تانيه خااالص 😍🍊💃
المقادير :
١٦٠ جرام سمنه ساقعه من الثلاجه يعنى نصف كوبايه و عليها معلقتين كبار ممكن نستبدلها بالزبده الصفراء بس تكون طريه بدرجه حراره الغرفه بالنسبه للزبده الفلاحى علشاز بتسأل عليها كتير🤦‍♀️مينفعش نستخدمها كده لان فيها سوايل هتنشف البسكويت بناخدها نسيحها و نحولها لسمنه و نسقعها و نستخدمها
١٥٠ جرام سكر بودره منخول يعنى كوبايه و ناخد بالنا لان السكر البودره لو زاد البسكويت هيفرش مننا
٢ بيضه بدرجه حراره الغرفه
فانيليا
رشه ملح
نصف م ص بيكنج بودر
نصف م ص نشادر هندوبها فى ربع كوب عصير برتقال طبيعى بدون اى اضافات و يكون دافى
م ك بشر برتقال
نصف كيلو دقيق يعنى ٤ كوب
الطريقه :
اول حاجه هندوب النشادر فى عصير البرتقال و نسيبهم على جنب حوالى ١٠ دقايق
فى بوله هنخفق السمنه و السكر كويس لغايت لونهم ما يفتح و يهيشوا و يبقى قوامهم كريمى و بعدين هنضيف البيض بيضه بيضه و الفانيليا و نخلط كويس و بعدين بالتبادل هنضيف شويه من عصير البرتقال و شويه من الدقيق اللى حاطين عليه الملح و البيكنج بودر و بشر البرتقال المقادير هتكون مظبوطه معاكم بس برضو خدوبالكم لان انواع الدقيق بتختلف طبعا دى عجينه بسكويت ماكينه و لازم نشتغل بيها ساقعه علشان السمنه ماتسيحش و تخرج باره العجينه اثناء التسويه بنغطيها و ندخلها الثلاجه حوالى ربع ساعه و مش بنطلع العجينه كلها بنطلع الجزء اللى هنشكله بس و بنسيب الباقى متغطى فى الثلاجه بنشكلها بالحجم و الشكل اللى نحبه مش بندهن الصينيه اى حاجه و بنسيب مسافه بسيطه ما بين كل واحده و التانيه بندخله فرن سخن عالرف اللى فى النص الفرن شغال من تحت بس درجه حراره اقل من المتوسط ١٦٠ / ١٧٠ سيبوه ياخد وقته علشان يستوى و يقرمش من باره و جواه كويس و كل كام دقيقه حركوا الصاج فى اتجاه مختلف عبشان ياخد لون و تسويه مظبوطه ممكن ماتحتاجوش تشغلوا الشوايه لما بيستوى بنطلعه و بنسيبه زى ما هو عالصينيه لغايت ما يبرد تماما و بنحتفظ بيه فى علبه محكمه الغلق
ملحوظه مهمه😎
لو عايزين تعملوه بكيس الحلوانى هتقللوا مقدار الدقيق شويه يعنى الكوبايه الرابعه مش هتحطوها كلها ضيفوها بالتدريج لغايت ما يبقى عندكم عجينه فيها سنه تلزيفه بسيطه علشان تنزل معاكم من الكيس بسهوله و طبعا مش بتدخل الثلاجه بنشكلها على طول
و بالهنا و الشفا