أخترت نفسي بقلم آيه كريم
كانت قاعده مع جوزها و اولادها على السفرة بياكلوا ،وفجاه جوزها مسك طبق الشوربه ورماه عليها
صرخت بوجع: ليه كده حرام عليك
عادل: يا شيخة حرمت عليكي عشتك، علشان تلمي لسانك.
بصت منار على ولادها و قالت: من غير عياط يا ولاد انا كويسة.
و قامت دخلت الحمام و هو ياكل بكل ببرود ،و حتي مش فارق معه ولاده اللي بطلوا اكل و يعيطوا ( أسيل ٦ سنين و أسر ٩ سنين )
///////
في الحمام
كانت منار تغسل مكان الشربة و قالت بدموع: كويس أن الشربة مش ساخنة اوي، هو ده الراجل اللي بحبه،،أنا و هو متجوزين عن قصه حب كبيرة، كنت لسه صغيرة عندي١٨ سنة ،ياريتني سمعت كلامي اهلي و رفضت اتجوز عادل…
//////////
فلاش باك
في بيت أهل منار
ابو منار: يا حبيبتي انتي لسه صغيرة على الجواز.
منار: انا عندي ١٨ سنة يعني مش صغيرة.
ام منار: لا صغيرة يا منار ،و شيلي الموضوع ده من دماغك، و ادخلي معهد و كملي تعليمك.
منار بحزن: انا مش عايزة اكمل تعليمي ،كفاية اني خدت الدبلوم
ابو منار: احنا بنتكلم لمصلحتك.
منار: انا عارفة يا بابا، بس انا مش عايزة اكمل تعليمي
ابو منار: احنا علينا النصحية و انتي حرة.
ام منار: انا عارفة عادل و أهله ناس مش كويسين بلاش الجوزة دي.
سكتت منار و هي مكسوفة تقولهم أنها بتحب عادل ،فقروا يوفقوا علشان خاطرها.
و اتجوزت منار عادل جارها و كانت حياتهم في الاول هاديه و جميله و كلها حب واحترام
…. ربنا رزقهم باطفال، بس كل المشكلة كانت حماتها اللي مش بتحبها ، هما اربع سلايف في البيت،،،،
حماتها تفضل سلايفها عنها و عادل يسمع كلام امه
////////////
كانت في المطبخ تغسل الاطباق
دخلت زينب و قالت بتريقة: خلصتي يا معدولة..
نفخت منار ، و قالت بضيق: بخلص يا ماما ،عايزة حاجة
سعدية: عايزة حاجات كتير و انتي بقالك ساعة تغسلي شوية اطباق
منار: معلش عايزة ايه بقي.
سعدية: اعملي كوبية شاي و تعالي.
منار : حاضر
و خرجت سعدية و كلمت منار نفسها : ياريتني سمعت كلام بابا و ماما ، قالوا بلاش الجوزة دي و انا اقول بحبه يا بابا،حبني برص.
/////(((﴿
عدت الايام و دايما اهل عادل شايفين ان منار غلطانه دايما مقصره حتى في حق اولادها اللي هم ما شاء الله احسن حاجه في الدنيا.
/////////
في شقة منار
كانوا قاعدين على الغداء و قالت منار بهدوء : شوفت مرات اخوك و أمك عملوا معايا ايه النهاردة
عادل بعصبية: استغفر الله العظيم و هو انتي معندكيش حاجة تعمليها غير الشكوي
منار بدموع: من اللي يحصل فيا، أسيل كانت تلعب مع بنت اخوك و علشان البنت وقعت خرجت امك و مرات اخوك وضربه البنت
عادل: معلش
منار بعصبية: هو كل حاجه معلش امك ست ظالمة
مسك طبق الشوربة و رماه عليها..
/////////
عودة
مسحت دموعها و هي تكلم نفسها: انتي اللي غلطتي و عملتي في نفسك كده يبقي تتحملي..
///////
بعد يومين
في شقة منار
منار: عايزة اتكلم معك
عادل: خير
منار:انا مش عايزة أنزل عند امك تحت تاني
عادل: ليه .
منار: علشان هي مش بتعمل حاجة غير أنها تنقد تصرفاتي انا و عيالي ،امك مش بتحبني علشان مكنتش موافقة عليا، و علشان كده بتحب سلايفي اكتر مني .
عادل: مش بتزهقي من الكلام في الموضوع ده
منار: دي الحقيقة
عادل: أنا أمي مفيش احسن منه،و غصب عنك تنزلي تخدمي أمي
و قام دخل الاوضة و سابها و هي تاكل في نفسها من الغيظ.
//////////
تاني يوم
كانت سعدية عازمه العيله كلها ،،،
و هما قاعدين على الاكل
سعدية: انا محظوظة بيكم كلكم الا منار
منار بحزن: ليه كده يا حماتي،
سعدية : هو كده ,لله في الله بكرهك.
بصت منار على جوزها و نفسها يدفع عنها بس هو كان يضحك زيه زي كل اللي قاعدين و كنا الموضوع نكتة.
سابت الاكل و طلعت الشقة.
قفلت باب الشقة و مسكت التلفيون و رنت على ابوها و هي مقررة تعرف ابوها أنها عايزة تتطلق.
ابو منار: ازيك يا منار
منار: ازيك يا بابا، عامل ايه
ابو منار: الحمد لله ،مال صوتك
مقدرتش منار تقول حاجة لابوها،علشان ما يزعلش عليها…
فقالت بهدوء: مفيش حاجة ،انا لازم اقفل دلوقتي
و قفلت منار ،و قالت لنفسها: طيب اقولك ايه يا بابا أن كلامك صح و انا طلعت غلطانة ،ده مصيري و لازم أتحمل.
/////////////
بعد يومين
كانت منار في شقتها ،و خرجت من اوضتها بفزع و هي سماعة عياط أسر ابنها.
نزلت جري على شقة حماتها، و لقت المفاجأة أن ابنها وقع على الارض و مسك أيديه و يتألم ،قعدت منار و سالت: مالك يا أسر
أسر: عمو ضربني و أيدي توجعني
بصت منار على محمود و سالت: انت تمد ايدك على ابني ليه
سعدية ببرود: عمو و يعمل اللي هو عايزاه
بصت منار على ابنها و سالت: مالك يا حبيبي
أسر : تعبان يا ماما
شالت منار ابنها و رحت على دكتور جنبهم و ايد أسر كانت مكسورة.
رجعت البيت ،دخلت شقة حماتها، لقت جوزها مستني
عادل بعصبية: كنتي فين
منار: امك مقالتكش
عادل: ردي على قد السؤال.
منار: روحت اجبس ايدك ابنك اللي اخوك كسره،و امك كانت بتفرج
عادل: انتي ازاي تخرجي من غير آذاني.
منار بصوت عالي: انت سماع نفسك بتقول ايه، بقولك ابنك أيده مكسورة
عادل: ابنك اللي قليل الادب ،علشان مش بيسمع الكلام
منار بعصبية: يا شيخ ينتقم منك أنت و أهلك
عادل بصدمة: بتقولي ايه
و كانت لحظة الانفجار عند منار : انا خلاص جبت اخري ، كل يوم خناق، ونفس المشكله هي أهلك اللي مش سايبني في حالي..
سعدية: عجبك كلامك مراتك
عادل: أسكتي يا منار
منار: سكتت كتير ، عارف أنت ،وصلتني للدرجه اني أنا و ابنك نتعالج نفسيا ، و انت مش حاسس بحاجة، و انا عملت المستحيل علشان احافظ علي البيت و مينفعش احارب لوحدي علشان البيت ده، انا خلاص جبت اخري
سعدية: و عايزة نعمل ايه يا اختي.
منار: مش عايزة حاجة منكم، انا خلاص مش هاجي على نفسي تاني علشان علاقة سامة زي دي، أنا قررت اشتري نفسي،علشان أنا غالية مش رخيصة .
حس عادل أن ممكن يخسر مراته و ولاده، قال: طيب تعالي نطلع شقتنا و نتكلم
اخدت منار نفس و قالت: خلاص يا عادل انا خسرت كتير في البيت ده ، أنا مش هقعد لحظه واحده ثانيه في البيت
كفايه لحد كده ظلم و افتراء و كفايه تضحيات و تنازل،،،، انا بسبب اللي يحصل في البيت ده ،و ولادي مش اسوياء نفسياً ، و كل ده بسببك انت و أهلك
خدت أسر و أسيل و مشيت على بيت اهلها
////////////
و بعد اسبوعين أطلقت منار و اشتغلت و بدأت حياتها تستقر.
كانت واقفة في البلكونة و مستمعة بالجو و بعدين قالت: انا غلطت اني مستعمتش كلام اهلي ،الاهل ديما يهمهم مصلحة ولادهم بس انا غلطت و ندمت و الحمد لله دلوقتي حياة مستقرة مع ولادي بمساعدة اهلي، لو هدي نصيحة للبنات ،هتكون يسمعوا كلام اهلهم علشان هما اكتر ناس يخافوا عليكم،و لازم في النهاية أشكر نفسي لاني أخترت نفسي..
و تمت و ليس للحديث بقية
#أخترت_نفسي
#بقلم_آيه_كريم
#روايات__بقلم_منال_كريم
♥️♥️♥️♥️♥️♥️♥️♥️
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل وسلم وبارك على سيدنا محمد
لا حول ولا قوه الا بالله العلي العظيم
♥️♥️♥️♥️♥️♥️♥️♥️♥️
