جحيم السوشيال ميديا بقلم إيمان كريم 2

و نورهان ندمانة أنها كانت طماعة و تبص ديما لحياة غيرها و ضيعت شخص بيحبها زي عامر
////////

و بدأ الماتش و للاسف مصر خسرت و كانت ليلة حزينة على مصر كلها..

/////////
بعد اسبوع
في كافية على النيل
كانوا قاعدين عامر و نورهان

نورهان : اخيرًا وافقت اننا نتقابل

عامر : عادي يا نورهان ادينا اتقابلنا، ها عايزة تقولي اي

نورهان : عايزة اقول انك وحشتني اوي يا عمار

عامر : مش هينفع تاني يا نورهان خلصت لحد كده.

نورهان بدموع : هو اي اللي مش هينفع انت مالك بتقولها بكل بساطة كدا ازاي؟انت نسيت أننا حبينا بعض من الجامعة ،لازم ناخد فرصة تانية علشان البيت و علشان ابننا.

عامر : انتي السبب في كل اللي حصل دا مش انا يا نورهان، طبعك صعب و انا اتحملت اكتر من اللازم.

نورهان بندم: وانا عارفة ان انا السبب و اني غلطانة ،و عشان كدا حاولت معاك مرة و اتنين و تلاتة عشان نتقابل

عامر بلا مبالاة: و بعد ما اتقابلنا اي الجديد اللي عندك عايزة تقوليه.

نورهان : عايزة اسألك سؤال واحد بس يا عمار ممكن؟

عامر بهدوء: ممكن طبعا ,اتفضلي

نورهان بتوتر ورعشة ظهرت في صوتها و خوف من الإجابة : انت لسة بتحبني ولا لا يا عمار؟

عامر خد نفس و قال : انتي شايفة اي

نزلت دموعها و قالت : بعد اذنك انا عايزة اسمع الاجابة منك انت، مش باللي انا شيفاه

عامر بحزن: للاسف لسه بحبك ، و مش عارف اعيش من غيرك و مش حابب حياتي من غيرك انتي و ابننا ، انتي حب سنتين يا نورهان و عشرة سنتين يعني سنين طويلة عشنا فيهم حاجات كتير اوي و حقيقي انتي بنت اصول و مش هنكر ده، مشكلتك أنك ديما تبصي لحياة الغير، و مقتنعة أن البلوجر حياتهم وردي و اي انسان يمر بيوم حلو و يوم مر.

نورهان بندم : فاهمة و عارفة انك حاولت معايا كذا مرة ابعد عن السوشيال وانا مكنتش موافقة، بس انا اهو بقولك انا هقفل السوشيال كلها وحياتنا هتتقفل علينا احنا بس انا وانت و بلدنا اوعدك بكد

عامر : ولادنا ايه، ده هو حتة عيل واحد

ضحكت نورهان و قالت: انا حامل يا عامر

عمار : بجد يا نورهان

هزت راسها بنعم و قالت: أيوة ، رجعني بقي

عامر بحب:هرجعك علشان انا حياتي وقفة في الاسبوع ده، و على فكرة بقي انا لما جيت عندكم و اتكلمت مع عمي ،عرفته اني هرجعك بس شوية علشان تفهمي ،بحبك يا اجمل نورهان في الدنيا .

نورهان بحب : وانا بحبك يا نصي الحلو ، و خليك جنبي على ما اتعالج من التعلق المرضي بالسوشيال ميديا

عامر: هكون جنبك و انتي لازم تضغطي على نفسك، علشان حبك للشوشيال ميديا مش عادي ،ده مرض

نزلت دموع نورهان و قالت: من و أنا صغيرة مكنتش كل حاجه مسموحه على حسب ظروف بابا، فكنت لما اشوف حياة البلوجر ابقي نفسي اعيش زيهم، انا عارفة اني غلطت كتير ، و جرحتك أكتر و انت قلبك طيب و ديما كنت بتسامحني

عامر : علشان بحبك يا نورهان ،و بجي على نفسي علشان خاطرك.

نورهان: مهما اقول ،هفضل مكسوفة منك ،انا اسفة

عامر : انا قبلت اسفك و اتمني تعيشي معي على قد ظروفي

نورهان بهدوء: حاضر يا عامر،صدقني انا عرفت غلطي و اتعلمت من اللي حصل ..

عامر: خلينا نقفل الموضوع و نفكر في الجاي

ابتسمت نورهان بسعادة و حمدت ربها أن عامر سامحها عن اللي حصل..

و مشيوا من الكافية على الماذون و بعيدين على شقتهم..
////////////
في شقة عامر

رجعت نورهان شقتها مع عامر و ابنها

و اتفاجات اول ما دخلت أن ديكور البيت متغير ،سالت بصدمة: ايه ده يا عامر،،و عملت كل دا امتي و ازاي.

عامر: الاسبوع اللي فاتت ، علشان خاطرك و نبدا حياة جديدة..

نورهان: حبيبي يا ابو اسر، بتحبني يا عامر؟

عامر : أنتي بتسالي ،ما انتي عارفة اني بحبك و محبيتش غيرك و عايز نكمل مع بعض حياتنا في هدوء، و نربي أسر و الطفل اللي الجاي بينا ، انا لما طلقتك عملت كده و أنا قلبي بيتقطع بس انتي جيتي على كرامتي

نورهان: انا اسفة يا عامر، و ياريت نبدا من جديد و نحاول ننسي الماضي..

عامر: حاضر يا نورهان ،و يلا اتفرجي على الشقة و قولي رايك

بدأت تتفرج عليها و هي طايرة من الفرحة…

و كانت مع ديكور الشقة الجديدة بداية حياة جديدة ل عامر و نورهان…
///////((//
عودة في شقة غسان

غسان: شوفت بقي يا رامي ازاي تأثير السوشيال ميديا بقي سئ

رامي بهدوء:: انا فاهم كلامك يا عمي، بس انا رأى أن لو كل الناس مشيت وراء مخوفيها،يبقي محدش هيعمل حاجة ، في فرق بين اللي يختار الصح أو الغلط، و السوشيال ميديا سلاح ذو حدين زي اي حاجه، انا واثق أن بنتك هتكون زوجة و أم ممتازة .

غسان: طيب اسمع منها الاول

و كمل بصوت عالي: يا ام لمياء هاتي لمياء و تعالي

خرجت لمياء مع امها و هي تبص على الارض بخجل،وقعدت جنب ابوها اللي قال: اظن انتي سمعتي كلامنا صح

لمياء: أيوة يا بابا سمعت و عرفت حضرتك ليه رافض الجواز، بس بعد اذنك انا من رأي رامي، صحيح أنا متعلقه با السوشيال ميديا، و ديما مبهورة بحياة البلوجر،بس موصلتش للهوس، و أن شاء الله هنشوف تغيري جزري في شخصيتي بعد ما سمعت حكايتك، مش عايزة ابقي زي نورهان اللي كانت هتخسر جوزها بسبب الطمع، و لا عايزة اكون زي اسراء اللي شايفة أن طالما هما عايزنا مساعدة ،يبقي عادي يجربوا التسول بس على الإنترنت، و لا اكون زي أسماء اللي الكل كان فاكر أنها عايشة مبسوطة و هي في الحقيقة حياتها عذب، انا عجبني شيماء و سلوى كانوا فاهمين أن حياة البلوجر تخطف العين من برة بس من جوة ضلمة ، انا عايزة أكون أنا مش هبص على حياة حد

ضحك غسان و قال: و بعد ما سمعت كلامك، عرفت انك هتكوني ست عاقلة و تحافظي على بيتك..

و بعد خمس شهور خطوبة

النهاردة فرح رامي و لمياء،

غسان: خلوا بالكم من بعض.

رامي: اوعدك يا عمي اعمل كل حاجه علشان لمياء تكون مبسوطة.

غسان: انا واثق فيك يا رامي و علشان كده وافقت على الجواز…

أم لمياء: خلي بالك من جوزك يا لولو

لمياء: حاضر يا ماما

غسان: البيت هيكون فاضي من غيرك

لمياء: يا بابا أنا ساكنة قريب منكم ،يعني كل يوم هتلقوني عندكم

غسان: لا مش عايزنا..

ضحك رامي. قال : شايفة باعوكي في لحظة

لمياء: ليه كده يا بابا ،ده أنا بنتك الوحيدة

أم لمياء: يا حبيبتي بابا بيهزر، البيت هيفضل بيتك و تنوري في أي وقت

ضحكت لمياء و قالت: حبيت قلبي يا ماما، هتوحشني و الله

عيطت ام لمياء و قالت: خلي بالك من نفسك..

لمياء: حاضر

أم لمياء: اوعي تزعلها يا رامي

رامي بحب: انا بحب لمياء و هشيلها في عيني

و خلص الفرح اللي كانت الأجواء مريحة

و عاشت لمياء زي اي ست عاقلة و عايزة تحافظ على بيتها بعيد عن جحيم السوشيال ميديا و الهوس أننا نعيش زي حياة البلوجر..

و تمت و ليس للحديث بقية
رايكم يا حلوين بعد القراءة ♥️🥰

#جحيم_السوشيال_ميديا
#بقلم_إيمان_كريم
#روايات_بقلم_منال_كريم
❤️❤️❤️❤️❤️❤️❤️❤️❤️❤️❤️❤️❤️
سبحان الله وبحمده سبحان الله العظيم
استغفر الله العظيم و اتوب اليه
لا إله إلا الله وحده لا شريك له له الملك وله الحمد وهو على كل شيء قدير
اللهم صل وسلم وبارك على سيدنا محمد
لا حول ولا قوه الا بالله العلي العظيم
حسبي الله ونعم الوكيل
اللهم انك عفو كريم تحب العفو فاعف عنا
اللهم احفظ مصر واهلها من كل شر
اللهم احفظ اولادنا وبناتنا من كل شر
❤️❤️❤️❤️❤️❤️❤️❤️❤️❤️❤️❤️❤️❤️❤️❤️