أحببت مجهول بقلم منال كريم

و خرج من الشقة و المرة دي رح على مديرة أمن القاهرة ، و الكل يحيه التحية العسكرية

دخل مكتب رئيسه

اللي قال و هو بيضحك: اهلا يا باشا

و بص على باقي الفريق( عمر و محمود و احمد) و قال بسخرية: شايفين اللي قدمكم ده ،مراته بلغت الشرطة عنه النهاردة

حاولوا يكتموا الضحكة علشان حربي رئيسهم

قال نعمان : هو رئيسكم و انا رئيسه و رئيسكم،و ده أمر مني اضحكوا عليه

مجرد ما قال كده، ضحكوا عليه.

قعد حربي بعصبية و قال: مخلص يا باشا بقي، انا مش ناقص اصلا.

نعمان: كفاية ضحك يا ولاد.

بطلوا ضحك و كمل نعمان بجدية: انا عارف أنت بتمر بايه، و الفترة دي صعبة عليك، بس في كل ده في حاجات تفرحك

حربي بحزن: ايه الحاجات دي ، انا مش شايفة اي حاجه حلوة في حياتي، الفترة دي صعبة اوي عليا،و حاسس بالخنقة، و انا شايف نظرة الخوف في عينه مراتي اللي المفروض اكون امانه، و بموت علشان هي شايفني مجرم و قاتل.

الكل كان حزين عليه،خصوصا معروف عنه جامد و مفيش حاجة تأثر فيه،و جت زينب هزت كيانه و خلته يظهر ضعفة من غير خجل…

نعمان : صدقني حاسس بيك، و أنا اكتر واحد عارف كده،بس خد عندك الحاجات الحلوة،قبضنا على اللي بيعملوا كده في البلد و هانت و هنقبض على الشبكة كلها، و الاجمل انك عرفت أن اختيارك لمراتك كان صح ، علشان لما عرفت انك مجرم حاولت تهرب منك و تبلغ عنك..

حربي: بس انا فعلا خايف،،، تعمل حاجه في نفسها على ما الحقيقة تظهر، بفكر اقولها الحقيقة

نعمان: لو واثق أنها مش هتكلم عرفها، لاني انا دلوقتي واثق فيها

حربي: هعرفها و هي اكيد مش هتتكلم،علشان مفيش حد تتكلم معه…
/////////
في البيت

كانت زينب زي العادة بتحاول تهرب من اي مكان، و حاولت تكسر الشباك و هي بتصرخ، وصل حربي و جري عليها مسكها و قال: هتعوري نفسك يا مجنونة..

صرخت و هي بتقول: ابعد عني ،حرام عليك ،انا عملت فيك ايه علشان تعمل فيا كده، انا بكرهك ،بكرهك يا حربي، ياريتك ما جيت البلد عندنا و لا شوفتك و لا حبيتك

حربي بحزن: طيب تعالي عايز اتكلم معاكي و بعدها اوعدك اللي انتي عايزاه هيحصل.

بصت عليه بصدمة و قالت: بجد و لا بتكذب عليا.

حربي: أيوة بجد يا زينب ،يلا تعالي انا متاكد هتغير رايك بعد كلامي ليكي .

قعدوا على السفرة و هو حط كل أوراقه قدمها و قال: شوفي الاوراق دي كده.

بدأت تشوف و هي مصدومة و مستغربة و قالت: البطاقة مكتوبة فيها انك ظابط انا مش فاهمة حاجة .

حربي بهدوء: الحقيقة اني مش مدرس العاب انا ظابط شرطة و جيت البلد عندكم علشان احقق في قضايا ق\تل الاطفال و فعلا عرفت اقبض على المتهمين بس كان لازم اخفي شخصيتي الحقيقي لحد ما اقبض على باقي الشبكة و انا قربت من الخطوة دي

زينب: كاذب ، و عادي جدا أن الأوراق دي تكون مزورة

حربي: عندك حق بتحصل بس انتي ممكن تتاكدي بسهولة و انتي عارفة كده

زينب: وليه عملت فيا كل ده

حربي: المفروض مكنتش حبيتك علشان اكمل المهمة بدون اي تاثير، بس انا حبيتك من اول نظرة لما دخلتي متعصبة على المدير، و قررت امشي وراء قلبي، و لما اكتشفتي حقيقتي،كان لازم أخدك معايا علشان بحبك و ده الاهم و كمان علشان نجاح العملية.

زينب: و لو انا مش مصدقة كلامك.

حربي: هطلب منك تهدي بس و تصبري لحد ما اقبض على العصابة و هاخدك المديرية علشان تطمنيي

زينب: ممكن تكون عايزني اهدي علشان عندك خطة

قام من مكانه و مشي فتح الباب،. و قال: لو عايزة تمشي اتفضلي

زينب مش فاهمة اي حاجه و قالت: طيب على فكرة أنا شوفت المشهد ده في افلام كتير و يكون تمويه و خدعة علشان المجرم يخلص من الضحية.

ضحك و قال: بلاش شغل أفلام، عندي حاجه تانية،تعالي معي

زينب: على فين: الشقة اللي تحت فيها امي

زينب: امك،حتي دي كدبت عليا فيها

حربي: كان لازم اعمل كده علشان سلامتي و نجاح المهمة

زينب: بس انا برضو مش مصدق كلامك ، ممكن تكون ماجر ست تمثل انها امك علشان أصدقك و اسكت و بعد مالمهة تخلص تق\تلني…

ضحك حربي و قال : ما شاء الله عليكي ، دماغك مخرج سينمائي مش عازفة موسيقى، الحل الاخير كلمي مدير المدرسة و عمدة البلد الاتنين دول عارفين حقيقتي

زينب : و لما هما عارفين الحكاية من الاول ليه محدش فيهم عرفني حاجة.

حربي: ما انا قولتك مية مرة ،علشان سرية المهمة و نجاحه

و كلمت زينب عمدة البلد و مدير المدرسة اللي أكده لها أنهم عارفين الحقيقة من اول يوم

قفلت التلفيون و قالت: يعني انا متجوزة ظابط شرطة قد الدنيا

ضحك حربي و قال: بلاش كلامك ده أنا كده هيبقي مغرور

زينب: انا اسفة على كل حاجه عملته و قولته

حربي: انتي مش غلطانة انتي عملتي الصح و انا فخور بيكي قد الدنيا، و انا لسه عند وعدي اخلص من المهمة دي، و هعمللك فرح الكل يتكلم عنه،علشان انتي تستاهلي كل حاجه حلوة..

زينب: انا كل اللي عايزاه من الدنيا ،هو وجودك في حياتي

حربي: انا هفضل معاكي لآخر يوم في عمري علشان انتي كل احلي حاجة في حياتي.

ابتسمت بخجل و خدها و نزلوا اتعرفت على أم حربي و حبيتها جدا و كان صالحة شافت فيها الزوجة الصالحة

و من هنا تبدأ حياة زينب تغير،تقضي وقتها كلها في شقة صالحة لحد ما حربي يرجع من الشغل
و حربي بعد تعب هو فريقه قبض على العصابة، و للاسف القبض على عصابة و في غيرهم كتير و مش خائفين من الحساب يوم القيامة
//////
بعد شهور

قرر حربي يعمل كل اللي المفروض كان يحصل في الاول،،بحث في جوجل عن اشهر محل مجوهرات في القاهره ،و جاب لها اغلي شبكة و اختار قاعة كبيرة علشان تاخد كل الضيوف اللي جاينا من البلد..

يوم الفرح

حربي باعجاب : ما شاء الله،ما شاء الله، ايه الجمال و الحلاوة دي يا اجمل زينب في الدنيا..

ابتسمت زينب بسعادة و قالت: ده عيونك اللي حلوة يا حربي.

ضحك حربي وقال : اتفق جدا أني عيوني حلوة علشان اختارت اجمل زهرة في وسط الزهور.

الوصف دخل قلبها من غير استأذن ،و سالت للتأكيد: بجد انا جميلة في عيونك

حربي: انتي جميلة الجميلات

ابتسمت بخجل و قالت: بحبك

حربى بحب : أنا بعشقك و بحبك اكتر من نفسي و من النهاردة بداية جديدة، مبنية على الصراحة و اسف على كل اللي فاتت

زينب: بلاش نتكلم في الماضي، خلينا في دلوقتي،يا احسن ضابط في الدنيا….

////////
بعد سنة كانت زينب تعزف في الاوبرا و حققت حلمها بمساعدة حربي اللي كان سندها في كل خطوة

و عاش حربي و زينب حياة جميلة و خلفوا صبيان و بنات…

و تمت و ليس للحديث بقية

بحب اعرف رايكم بعد القراءة ♥️ ♥️
#أحببت_مجهول
#روايات_بقلم_منال_كريم
نختم بذكر الله و بلاش تنسوا اختكم في دعوة حلوة من القلب🥺🥺🥺
❤️❤️❤️❤️❤️❤️
سبحان الله وبحمده سبحان الله العظيم
استغفر الله العظيم و اتوب اليه لا اله الا الله وحده لا شريك له له الملك وله الحمد وهو على كل شيء قدير
لا حول ولا قوه الا بالله العلي العظيم
لا اله الا انت سبحانك اني كنت من الظالمين
حسبي الله عليه توكلت وهو رب العرش العظيم
اللهم احفظ مصر وشعبها وارضها من كل سوء
اللهم انصر فلسطين والسودان وكل البلاد العربيه والاسلاميه
♥️♥️♥️♥️♥️