امبراطوريه سين بقلم منال كريم 2

دخل الاوضة و خرج بالورد و الشكولاتة و قال: اتفضلي

ضحكت بسعادة و قالت::و ايه المناسبة

قعد و قال: المناسبة اني اقولك أنتي اجمل بنت في العالم و تستحقي كل خير، و اسف على الظروف اللي حرمتك من حقك.

سماء: شكرا على الهداية ، و بلاش تعتذر تاني علشان أنت ملكش ذنب في اللي حصل.

ساهر خد نفس و سال بإحراج:

طيب و ايه رايك نبدا حياتنا من جديد و كنا متجوزين عن حب.

بصت على الأرض بخجل من غير رد

قال ساهر: انا محتاج اعرف رايك في الموضوع.

فركت ايديها بتوتر و قالت: انا موافقة على كلامك، احنا لازم نبدا من جديد ،خلينا نعيش كل اللي كان. المفروض نعيش، فترة خطوبة و بعدين كتب الكتاب، ايه رايك.

ساهر بسعادة: موافق طبعا.

سماء: تمام كده، تصبح على خير يا خطيبي

و دخلت سماء الاوضة، قال ساهر بصوت عالي: على فكرة أنتي أسمك جميل اوي..

ضحكت من غير رد…

////////////

في بيت حازم

كان قاعد قدم روفيدة و جن جنونه من الغضب و الغيرة و سال بصوت عالي: ردي عليا،انا بقالي ساعة بكلمك و انتي خرساء ،كنتي فين و عاملة في نفسك كده؟

ردت ببرود: مش عايزة ارد أو مليش مزاج ارد ، انت عايز ايه؟

حازم: عايز أعرف ايه سبب التغير المفاجئ…

روفيدة بكل هدوء: مفيش حاجه يا حزومي، انا بس قولت زي ما أنت فكرت في نفسك انا كمان فكرت في نفسي

سأل بتوتر: قصدك ايه؟؟؟

روفيدة: قصدي اعيش حياتي و مش هبكي على اللي فاتت، و متخافش انا مش خاينة زيك

قالت كده و قامت من مكانها و قالت: ياريت ترجع لمراتك علشان انا داخلة انام

دخلت اوضتها و هي حاسة بالانتصار، و هو خرج من الشقة و هو مرعوب أنها اتعرفت على حد و قررت تتطلق…..

////////////////

عدت الليلة ،و كانت صعبة على حازم اللي غيران على مراته و على روفيدة اللي النار في قلبها هديت شوية، و ساهر و سماء حاسين بالسعادة بالبداية الجديدة…

////////

تاني يوم

سماء معندهش محاضرات و علشان كده ساهر خد إجازة من الشغل و يقضوا اليوم سوه

في المطبخ

كانت سماء تحضر الفطار و ساهر يلعب مع سيف