أحببت زوجة أخي بقلم منال كريم

قبل ما يتحرك جاسر قام حسام مسك فيها

و صرخت صفاء: منك لله يا علا الاخوات هيموتوا بعض بسببك

بس علا كانت بتضحك بسعادة

و فجأة ضرب جاسر حسام بوكس جامد على الأرض

و مسك جاسر ايد علا و طلعوا شقتهم و الكل هينفجر من الغضب

حسام بجنون و غيرة: احنا هنسكت يا امه على كده

صفاء: هنعمل ايه يعني ضحكت على اخوك علشان يتجوزها و ترجع تننقم مننا تاني

سها : تبقي تفكر تقرب من حد فينا

حور: لا المرة دي هتقدر،علشان ده جاسر اللي البيت كله عايش بفلوسها و شكلها مسيطرة عليه

قام حسام خرج و هو مش متقبل اللي كانت مراته تكون ل اخوه.
////////////
في شقة جاسر اللي فوق شقة حسام و حور

قعدت علا بتوتر ،قال جاسر: علا اتصرفي على طبيعتك و من غير توتر..

علا : شكرا يا جاسر على كل حاجه

جاسر: العفو، على العموم انا مش طالب منك اي حقوق خدي وقتك و لما تحسي أن قلبك و عقلك بقوا ملكي وقتها نبدا حياتنا ،و على ما يجي اليوم ده كل واحد هيكون في اوضة.

خلص كلامه و دخل الاوضة .

و هي بصت عليه بإعجاب ،بس كل تفكيرها في الانتقام.

و من هنا الأدوار انقلبت و بقت علا ست البيت بحكم أن جاسر جوزها هو اللي يصرف على البيت ،بقت تقعد زي الهانم و كلهم شغالين حواليها بأمر منهم..

///////////((/
بعد اسبوع من الجواز

دخلت اوضة سها و خدت كل حاجتها اللي عندها و قطعت الهدوم بالمقص ، شافت سها كده و صرخت و هي بتقول: بتعملي ايه في حاجتي

علا ببرود: لا قصدك حاجتي انا و لا نسيتي، الحاجة دي خاسرة فيكي

صرخت سها زي المجنونة ،و تجمع كل اللي في البيت و علا بتضحك ببرود.

صفاء: في ايه يا سها

مسكت سها هدومها و قالت: شايفة يا ماما علا عملت ايه

صفاء: عملتي كده ليه..

علا ببرود: واضح انكم نسيتوا ،الهدوم دي هدومي و أنا حرة و اعمل اللي يريحني.

حسام بعصبية: ما تشوف مراتك يا جاسر.

اتكلم جاسر بهدوء: علا أنتي اللي عملتي كده.

علا: اه

ضحك جاسر و قال: براحتك يا قمر، انتي حرة

و بص على حسام و قال: أنا مراتي تعمل اللي هي عايزاه.

ضحكت علا بسعادة، على عكس الكل اللي ينفجر من الغضب و كمان ضغطهم وصل السماء لما جاسر مسك ايديها و قال :غمضي عينك.

غمضت عيونها و هو طلع السلسلة و قال: هدية بسيطة لاجمل حاجة في حياتي