حكايات روماني مكرم ٢

بعد الجملة اللي قالها حسام… البيت كله اتقلب لصمت مرعـ,ـب. أنا بصيت على آدم… وبعدين على ليلى. طفلين صغيرين… واقفين مش فاهمين حاجة من اللي بيحصل حواليهم. لكن إحنا الكبار… كنا حاسين إن في كارثة بتتفك قدامنا. سماح كانت بتتنفس بسرعة… كأنها مخنوقة. صرخت فجأة: “كفاية كدب!

” لكن حسام كان هادي بشكل غريب. قال: “يبقى قولي الحقيقة.” كريم بص لها… وصوته كان مليان صدمة: “الكلام ده صح؟” سماح سكتت. وأنا حسيت إن قلبي هينفجر. قلت بصوت واطي: “يعني إيه واحد منهم مش ابنه؟” حسام رد بهدوء: “يعني واحد منهم… ابن سامر.

” الجملة نزلت علينا زي الصـ,ـاعقة. كريم رجع خطوة لورا… كأنه اتضـ,ـرب. “إنت بتقول إيه؟!” لكن حسام كمل: “أنا اكتشفت الموضوع قبل الطلاق.” سماح صرخت: “كذاب!” لكن حسام طلع موبايله من جيبه. وقال: “تحبي أوريهم الرسائل؟” وشها اتغير فجأة. اللون اختفى من وشها. أنا بدأت أفهم إن في حاجة فعلاً.

قلت لها بصدمة: “ده حقيقي يا سماح؟” سماح بصتلي… بعينين مليانين خوف وغضب. لكنها ما ردتش. حسام فتح الموبايل… وقرّب الشاشة لكريم. كريم مسكه… وقعد يقرأ. ثواني… لكنهم كانوا أطول ثواني في حياتي. وش كريم بقى أحمر. وبعدين قال بصوت مخنوق: “يا نهار أبيض…” قلبي وقع.

قلت: “في إيه؟!” لكن كريم ما قدرش يرد. حسام قال بدلًا منه: “دي رسائل بينها وبين سامر… قبل الطلاق بسنة.” سماح حاولت تخـ,ـطف الموبايل. لكن كريم بعده عنها. قال بعصبية: “إنتِ خنتيه مع صاحبه؟!” سماح صرخت: “إنت مالكش دعوة!” لكن حسام قال بهدوء: “الموضوع مش خـ,ـيانة بس.

” أنا حسيت إن في حاجة أسوأ جاية. قلت: “أمال إيه؟” حسام بص على الطفلين. وبعدين قال: “بعد ما شفت الرسائل… عملت تحليل.” الجو كله اتجمد. “تحليل إيه؟” رد بهدوء: “تحليل DNA.” أنا حسيت إني مش قادرة أتنفس.

كريم قال بسرعة: “والنتيجة؟” حسام سكت لحظة… وبعدين قال: “آدم ابني.” بصيت على آدم… اللي كان ماسك إيد أبوه. وقلبي اتقطع. لكن السؤال الأهم خرج من فمي: “وليلى؟” حسام رد بصوت تقيل: “مش بنتي.” سماح انهارت فجأة. قعدت على الكرسي وهي بتعيط.

صرخت: “كفاية!” لكن حسام كمل كلامه… وقال الجملة اللي صدمتني بجد: “وليلى بنت سامر.” الدنيا لفت بيا. يعني… خطيبها الجديد… هو أبو بنتها؟! كريم قال بذهول: “إنت بتتجوز أبو بنتك؟!” لكن المفاجأة الأكبر كانت رد سماح. رفعت رأسها… وقالت بعصبية: “أيوه!