أنت العوض بقلم منال كريم

في فيلا ادهم

منار بتبص على الفيلا و قالت: الحمد لله يارب على العوض الجميل، اتجوزت انسان محترم و حنين عليا و على ولادي، اكتر من ابوهم اللي نسي اوده خالص، و و لادي بقوا في مدرسة خاصة و انا عايشة في فيلا مكنتش احلم ان كل ده يحصل، تجربة جوزي الاولى كانت صعبة و قاسية ، كان راجل متخ،لف و ابن امه، و الحمد لله ربنا عوضني بزوج زي ادهم .

و خرجت منار الجنينة ،كان ادهم يلعب مع اسر و أسيل ،مشيت منار ناحيتهم و قالت: الكيك وصل

جريوا الولاد على منار و كل واحد خد طبقه و ياكل و هو مبسوط

قربت منار من ادهم و قالت: شكرا

ادهم: على ايه

منار: على معاملتك الطيبة لولادي كنت خائفة ،بس انت طمنتني.

ادهم: منار انا بحبك و ولادك هما ولادي، كفاية اني حسيت أنهما العوض عن حرماني من الأطفال ، و زي انتي تجربتك الاولى كانت صعبة انا كمان تجربتي كانت صعبة.

منار: ممكن اسالك حاجة

ادهم: اتفضلي

منار: عايزة اعرف تفاصيل علاقتك مع مراتك الاولى

ادهم: كانت بنت عمي، قصة حب جمعتنا من الطفولة، عاشنا مع بعض خمس سنين و كنا نسعى في موضوع الحمل لحد ما عرفت أن المشكلة فيا، هي قالت اكمل، بس انا رفضت علشان تشوف حالها

منار:هي اتجوزت

ادهم: لا

منار: يبقي لسه بتحبك

ضحك ادهم و قال: مش مهم هي بتحب مين ،المهم انا بحب مين

منار : بالسرعة دي نسيت حب الطفولة

ادهم: انا بحبك يا منار و اقفلي على الموضوع.
،/////////////////
عدى شهور و كانت العلاقة بين أهل ادهم و منار مش كويسة مكنش حد فيهم موافق على الجواز ،علشان هي طبقة متوسطة و هما اغنياء ،علشان كده اي مناسبة يتقابلوا معها لازم يعملوا مشكلة
////////
خرج ادهم من الحمام و قال: جاهزة يا منار

منار: ما بلاش اجي يا ادهم

ادهم: يعني ينفع تكون عزومة عائلية و مراتي مش فيها.

منار: علشان محدش بيحبني و لا بيحب ولادي

ادهم: ١٠٠ مرة اقولك كبري دماغك منهم و اي كلمة تسمعيه من حد ،اعملي نفسك مش سمعها، هما يعملوا كده علشان تبقي متغاظة،لما انتي تسكتي خالص هما اللي يتغاظوا.

منار: و ليه وجع الدماغ خليني في البيت على ما ترجع

ادهم: يلا يا منار.

خرجت منار هي ولادها مع ادهم
/////((/
في بيت جد ادهم

كانت العيلة متجمعين على السفرة و الكل يبص على منار أنها أقل منهم.

أم ادهم: كل يا حبيبي شكلك مش بتاكل كويس.

ادهم: انا باكل كويس يا ماما

رباب بنت عم ادهم و طليقته: عامل ايه يا ادهم

ادهم: الحمد لله

رباب: بعد الاكل عايزك ثواني

هز ادهم رأسه بنعم.
////(//
بعد الاكل ادهم يتكلم مع رباب في الجنينة و منار قاعدة غيرانة بس محروجة تقوم من مكانها

أسر: ماما عايز اقوم العب

منار: لا عيب خليك قاعد جنبي

ام ادهم: هو عايز ايه

منار: عايز يلعب

ام ادهم: لا يا حبيبي ولادنا مبيلعبوش مع عيال زيكم

منار: و مالهم ولادي

سالي( اخت ادهم): في فرق كبير بينا و بينكم

قررت منار تسمع كلام أدهم و متردش على حد فيهم

أسيل: ماما عايزة شكولاته

منار : لا ،و استكوا بقي

سالي: حرام عليكي يا منار دي طفلة، تعالي خدي

رحت أسيل عند سالي، و خدت شوكولاته من سالي

و مصدقت جريت تلعب مع العيال و أسر معها
و ثواني و دخلت بنت سالي و تعيط

سالي: مالك يا حبيبتي

نغم: أسر و أسيل ضربوني.

منار: ايه اللي حصل يا أسر.

سالي:انتي ليه بتسالي ،ابنك قليل الادب ضرب بنتي.

و ضربت أسر قلم على وشه ،مشيت منار ناحيتها بكل هدوء ، و مسكت دراعها و ضربتها قلم جامد و خدت و ولادها و مشيت من غير ما تعرف ادهم .

////(////////
عند ادهم: عايزة ايه يا رباب

رباب: مش قادرة اعيش من غيرك. و عايزة نرجع لبعض

ادهم: انا طلقتك علشان تشوفي حياتك

رباب: انا حياتي معك ،طلق منار و ارجعلي

ادهم: انتي كنتي ماضي و منار حاضر.

و سابها و مشي

مجرد ما ظهر ادهم ،صرخت سالي: تعال شوف مراتك عملت فيا ايه؟

ادهم : ايه اللي حصل ؟ و فين منار و الولاد.

ام ادهم: اسال الاول ،مراتك عملت ايه في اختك؟

ادهم : عملت ايه

سالي بغضب: ضربتني بالقلم

ادهم: و ايه السبب

زعقت ام ادهم و قالت: هو مهم السبب

ادهم: اكيد مهم، ، و الاهم اعرف فين مراتي و ولادي

دخلت رباب و قالت::هما مش ولادك

ادهم: هما ولادي.

طلع موبايلها و رن على منار ،بس هي مردتش

ادهم: ايه اللي حصل و فين مراتي؟

حكت سالي اللي حصل

أدهم بعصبية: أنا غلطان اني جيت و جبت مراتي و ولادي هنا..

و مشي ادهم و هو بيرن على منار اللي مش بترد.

رجع البيت مكنتش منار موجودة ،توقع أنها في بيت اهلها.
////////////
وصلت بيت اهلها و رفضت تتكلم و كلمت نفسها: اكيد السببب فيا انا، مش عارفة انجح في أي جوزه،يبقي انا الغلطانة ، ياريتني ما تجوزت تاني..

محمد: هتفضلي ساكتة يا منار

منار: مش عايزة اتكلم يا بابا.

مراد: بس احنا عايزين نعرف ايه اللي حصل.

منار: بجد مش قادرة اتكلم

خبط الباب ،فتح مراد و قال بعتاب: هي دي الأمانة يا ادهم، عملت ايه في اختي

ادهم بحزن: صدقني انا مكنتش اعرف حاجة،خلني اتكلم معها.

دخل ادهم بصت منار عليها بعتاب من غير ما تتكلم

ادهم: ممكن اتكلم معاكي على انفراد

منار: انا مش عايزة

ادهم برجاء: لو سمحتي يا منار

قام محمد و مراد و قال: اتكلموا براحتكم.

ادهم : اسف ليكي ول الولاد ،و حقك عليا، وبحبك يا منار و مقدرش استغنى عنك انتي و الولاد

منار بزعل: بجد يا ادهم

ادهم: بجد يا روح ادهم..

منار: انا مليش علاقة بأهلك تاني.

ادهم::حقك

منار بغيرة: رباب كانت عايزك ليه

طارق: هقولك كل حاجه لما نرجع البيت

رجعت منار البيت هي و الولاد مع ادهم
//////(
مر سنة و نص على جواز ادهم و منار و كان عايشين في سعادة

لحد ما جاه يوم منار كانت فاكرة هيكون يوم السعد، بس ادهم كان له رأي تاني.

كانت منار تمشي في الاوضة مستني رجوع ادهم على نار ،اول ما دخل الاوضة جريت عليه و قالت بابتسامه: حمد لله على السلامه يا حبيبي.

ادهم: الله يسلمك يا حبيبتي ،لسه صاحية لحد دلوقتي

منار: عندي ليك خبر حلو

ادهم: ايه هو

منار: انا حامل

انصدم ادهم و سال تاني: بتقولي ايه ؟

منار: بقولك حامل ، الحمد لله ربنا ارد يكمل سعادتنا بطفل يربط بينا

ادهم: حامل ازاي و انا عقيم

منار: ارداة ربنا فوق كل شيء

ادهم: و نعم بالله ، بس لما يكون اكتر من دكتور قال إني لا يمكن اكون أب.

منار : انا خايفة يكون قصد كلامك اللي فهمته.

أدهم بعصبية: و انتي فهمتي ايه

منار بحزن: فهمت انك بتشك فيا، و انا فهمت غلط صح، انت لا يمكن تشك فيا.

مردش ادهم ، قالت : ادهم انت بتشك فيا.

مردش عليها و فضل ساكت، قالت : رد عليا يا ادهم

ادهم: انا مش عايز اتكلم دلوقتي.

و خرج من الاوضة، و هي قعدت بحزن و ضياع..

أما عند ادهم يكلم نفسه: حامل ازاي، و انا عقيم، معقول منار تخوني، بعد كل الحب اللي حبيته ليها و ل ولادها تعمل فيا انا كده، طيب ما يمكن ابني فعلا ، ربنا قادر على كل شيء.

كانت ليلة صعبة على ادهم و منار..
//////////((/

عدى يومين و مفيش كلام بين ادهم و منار كل واحد في حاله، هو دماغه هتنفجر من كتر التفكير و هي زيه بتفكر تعذره أو لا

أسر و أسيل كانوا يلعبوا و عاملين دوشة

ادهم: العبوا بصوت واطي

لسه صوتهم عالي، قال مرة كمان: يا ولاد براحة انا عندي صداع

لما محدش فيهم سمع الكلام، زعق بصوت عالي و قال: بس خلاص مش عايز اسمع صوت حد فيكم، ادخلوا جوة.

خرجت منار من اوضتها و سالت بعصبية: انت بتزعق ل ولادي ليه

ادهم: هما ولادي انا كمان

منار: لا مش ولادك، دول ولادي انا و ملكش حق ترفع صوتك عليهم، و طالما مش طايق حد فيهم، اخدهم و نمشي من هنا.

ادهم: انا مقولتش كده، كل الحكاية طلبت منهم يلعبوا من غير دوشة.

منار: أسر خدت اختك و ادخل الاوضة، و بلاش تعملوا دوشة.

ادهم: استنوا يا ولاد ، انا اسف.

دخلوا الولاد و منار قالت بهدوء: ادهم ،اختار المستشفى اللي تناسبك، علشان نعمل DNA

ادهم بصدمة: ايه الكلام ده

منار:انت نفسك في كده بس محرج تقول، انا وفرت عليك الطريق، اختار انت المستشفى ،اصل ممكن انا اختار و اكون متفقة مع حد نزور التحاليل و كمان عرفني قبل المعاد بدقايق بس، احسن اتفق مع حد و نجي تقول اني زورت التحاليل.

كانت واقفة قدمها قلبها يتقطع من جوه أنه يشك فيها

دخلت منار عند اولادها و ادهم خرج من البيت ،كان ماشي في الشوراع تايه لحد ما دخل جامع

بعد الصلاة ،قعد يتكلم مع نفسه: أنا عارف لو عملت كده، ممكن اخسر منار، و هيكون عندها حق، هو ده اللي مخوفني ، انا بحبها و بحب الولاد زي ولادي
و بعدين ازاي افكر التفكير ده، انا مؤمن و عارف أن ربنا قادر على كل شيء ،استغفر الله العظيم يارب،فوق يا ادهم الشيطان بيلعب في دماغك..

و خرج من الجامع و هو مقرر ميسمعش كلام شيطانه.
/////////
تاني يوم

صحيت منار لقت الولاد مش موجودين جنبها، مسكت التلفيون: كل المكالمات دي من اهلي و اصحابي و كمان أهل ادهم ،خير يارب.

فتحت رسالة من ادهم و كان فيها: صباح الخير يا حبيبتي ، انا اسف و بحبك.

ابتسمت بحزن،و طلبت رقم امها و قالت: ازيك يا ماما

ثريا: الحمد لله ،الف مبروك

منار: الله يبارك فيكي ،بس على ايه

ثريا: اخس عليكي انتي ناوية تخبي علينا

منار: اخبي ايه

ثريا: انك حامل

منار: حضرتك عرفتي منين

ثريا: ادهم منزلة على الفيس

منار: تمام ،معلش يا ماما هفقل دلوقتي و أكلمك بعدين.

قفلت منار و فتحت الفيس و لقت ادهم كاتب: الحمد لله ،ربنا عوض صبري خير و زوجتي حامل،و في انتظار طفل ينور حياتي.

استغربت منار خرجت من الاوضة، كان ادهم قاعد مع العيال على السفرة، و قال: انا اسف لو اتعصبت عليكم امبارح

أسر::احنا اللي غلطانين و مسمعنش الكلام

أسيل: انا مش عايزة اقولك عمو ادهم

ادهم : اومال عايزة ايه

أسيل: بابا

أسر:: و انا كمان ،احنا مش بنشوف بابا و لا نعرف عنه حاجة.

ادهم: انا بحبكم اوي

جت منار و قعدت معهم و قالت: صباح الخير

ادهم: صباح النور

منار: عايزة اتكلم معك

ادهم: اتفضلي

منار: انت ليه قولت اني حامل

ادهم: مش دي الحقيقة

منار: ايه اللي حصل

ادهم: عرفت غلطي ،انا اسف يا منار

منار: بس أنا مصممة

ادهم: و انا لا يمكن اعمل كده

منار: لو سمحت يا ادهم انا هكون مرتاحة و متخافش انا مش زعلانة منك او افكر اسيبك، انت ابو ولادي و جوزي و حبيبي ، كفاية انك عوضت ولادي عن ابوهم اللي ملوش لازمة،أنت العوض يا ادهم..

ادهم: بلاش يا منار

منار: علشان خاطري.

و فعلا عملت التحاليل و طلعت النتيجة أنه ابن ادهم.

و عدت شهور و خلفت منار ولد، و الولد ده خلى أهل ادهم يتعاملوا مع منار كويس ، علشان فرحتهم أن ادهم خلف عندهم بالدنيا..

و رباب ندمت أنها أطلقت من ادهم علشان الخلفة و لحد دلوقتي مستنية حد يتقدم لها يكون نفس مستوى ادهم المادي  بس مفيش.

و عادل جوز منار الاول عايش ضايع و كأنه ملوش ولاد

و ادهم و منار كانوا عوض للبعض..

#أنت_العوض
#قصة_كاملة
متابعة هنا👇
#روايات_بقلم_منال_كريم
♥️♥️♥️♥️♥️♥️♥️♥️♥️
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل وسلم وبارك على سيدنا محمد
لا حول ولا قوه الا بالله العلي العظيم
لا اله الا انت سبحانك اني كنت من الظالمين
♥️♥️♥️♥️♥️♥️♥️♥️♥️♥️