لارا بقلم إيمان كريم
يوم العيد كان الكل مبسوط و فرحان الا لارا الطفلة اللي عندها خمس سنين ،زعلانة انا ابوها و امها اتطلقوا و اللي هي مش عارفها أنها امها قررت تتجوز واحد تاني
///////////
كانت سمر تعيط و هي بتقول لاخوها: انا مش عارفة اعمل ايه يا احمد هو مصمم ان احنا لو هنتجوز اسيب بنتي
أحمد اخو سمر الكبير والوحيد: يعني اي تعملي اي يا سمر انتي بتفكري هتسيبي بنتك عشانه؟
سمر: انا مقولتش كدا يا احمد، بس أنت عارف انا و عصام كنا بنحب بعض من صغرنا وجه هو اتجوز وانا اتجوزت والدنيا فرقتنا وانت شوفت ان مراته ماتت في نفس الوقت اللي اتطلقت فيه من الزفت عصام، فَ حسيت ان ربنا اراد يجمعنا من تاني
احمد بعصبية: انتي كده محترمة ، و بعدين عصام ده اللي سابك زمان و اتجوز غيرك، و دلوقتي عندك استعداد ترمي بنتك علشانه.
سمر: انا مقولتش ارمي بنتي
قام احمد من غير ما يرد على كلامها..
///////////
في اوضة احمد
أحمد: مش عارف اعمل اي يا اسماء، سمر محتارة بين حبها القديم وبين بنتها مش قادرة تسيب بنتها ومش عارفة تسيبها فين، وفي نفس الوقت حاسة ان عصام هيعوضها عن اللي فات.
اسماء مرات أحمد: مش عارفة اقولك اي يا احمد ولله، سمر شافت كتير مع محمود اوي واستحملت عشان بنتها وعلى يدي كان بيض*رب ويهين فيها وهي ساكتة ومستحملة.
احمد: انتي شوفتي أن محمود بيض*ربها
اسماء: لا من كلام سمر
احمد: انا حاسس أن سمر كانت تتعمد تظهر محمود بصورة وحشة قدمهم، انا شوفت ازاي كان متمسك بيها و مش عايز يطلق..
اسماء: الله واعلم بللي كان بينهم خلينا في الحاضر.
احمد بعد تفكير ثواني،قال : بقولك اي يا اسماء انا جت في دماغي فكرة كدا هتريح كل الاطراف، اي رأيك ناخد لارا احنا نربيها، و منها سمر تتجوز وتعيش حياتها، ومنها لارا تعوضنا عن اللي ربنا حرمنا منه
اسماء: ولله فكرة دايرة في دماغي من وقت ما اتكلمت معايا، بس خايفة اقولك تفهموني غلط انت وسمر
احمد: نفهمك غلط ليه بس يا حبيبتي وبعدين انا وسمر عارفين ان انتي بتحبي لارا ،و لارا بتحبك زي امها بالظبط ومتعلقة بيكي اوي
اسماء بفرحة : يعني تفتكر سمر هتوافق يا احمد ولا هتعشمني على الفاضي
احمد: لا انا واثق انها هتوافق بأذن الله، هو صعب عليها انا عارف بس هي هتفضل بنتها وكدا كدا البيت بتاع عصام جمبنا يعني وقت ما تحب تشوفها هتشوفها
اسماء: يارب توافق يا احمد بجد هيبقي ربنا عوضنا ، بس تفتكر يا احمد هو عصام كدا كويس وينفع نأمن على سمر معاه ولا لا اصله غريبة انه يشرط عليها تسيب البنت
احمد: عصام كويس يا اسماء وانا عارفه معرفة شخصية بس الفكرة كلها عصام عنده ولدين واحد عنده 6سنين والتاني عنده12سنة ولارا عندها 5سنين يعني مش صغيرة والدنيا مش مضمونة دلوقتي هو خايف ياخد بنت مع ولدين، وغير ان عصام ظروفه على قدها خالص فَ اكيد خايف من المصاريف وخصوصًا ان اكيد سمر قيلاله ان لارا مدلعة واللي بتطلبه لازم يحضر فورًا
أسماء بضحك: انت هتقولي دا لو مجبناش الحاجة اللي هي عيزاها وقت ما تطلبها بتفضح الدنيا
////////////
تاني يوم الصبح
قاعدين كلهم بيفطروا.
احمد: بعد الفطار عايزك في كلمتين يا سمر
سمر: خير يا احمد في ايه
احمد: خير يا حبيبتي ان شاء الله متقلقيش، نفطر بس وبعدين نتكلم
بعد الفطار
احمد: سمر انا جالي اقتراح امبارح عايز اقولهولك
سمر: خير يا احمد قول انا سامعاك
احمد: بصي يا سمر اسمعي اللي هقولهولك وموافقة ماشي مش موافقة خليكي متأكدة ان عمري ما هزعل منك دا قرارك
سمر بخوف: خير يا احمد في اي قول متقلقنييش
احمد: انا عارف ان انتي شايفة ان عصام هيعوضك و كمان انتي ميالة لعصام وموافقة على جوازك منه، بس في نفس الوقت هو حطك في اختيارين اصعب من بعض ومش قادرة ولا عارفة تبعدي عن بنتك ، فَا أنا فكرت أن انا واسماء ربنا مكرمناش بالذرية، فَا ناخدها تعيش معانا و بيت عصام جمبنا فَا كأنها معاكي بالظبط ومتقلقييش عليها انتي عارفة اسماء بتحبها ازاي هنعاملها زي بنتنا واكتر
سمر: يا حبيبي انا عارفة انكوا بتحبوها وبتخافوا عليها وهي بتحب اسماء يمكن اكتر مني، بس بردوا القرار مش سهل يا احمد دي بنتي اسيبها ازاي، وبعدين بصراحة انا مش فاهمة عصام ازاي يخيرني بينه وبين بنتي
احمد: هو ميخيركييش يا اسماء هو عشان ظروفه عصام ظروفه على قدها زي ما انتي عارفة يا سمر، وكمان عنده ولدين والدنيا مش مضمونة انا عن نفسي مأمنش على البت عند حد غريب
سمر بعياط: طيب انا لو وافقت يا احمد لارا هتشوفني ازاي، اكيد هتكرهني
احمد: هي لارا فاهمة حاجة اصلا يا سمر دي عيلة صغيرة
سمر: لا فاهمة يا احمد لارا عندها خمس سنين يعني مش صغيرة، وكمان ابوها بعد عنها من وقت الطلاق هيبقي ابوها وامها
احمد: انتي مش هتسبيها يا سمر انتي هتفضلي معاها يا حبيبتي، وانا هخلى اسماء تتكلم معاها وتفهمها بالراحة متقلقييش
سمر: لا معلش خليني انا اكلمها واشوف ردة فعلها هيكون اي وبناءًا عليه هاخد القرار ان شاء الله
احمد : خير بأذن الله يا حبيبتي وربنا يقدملك اللي فيه الخير، و اي حاجه وحشه مريت بيها ربنا يعوضك عنها خير.
/////////////////
في اوضة سمر
سمر: لارا حبيبتي انا عايزة اتكلم معاكي في حاجه
لارا: اي يا ماما
سمر: اي رأيك لو تعيشي مع خالو احمد وطنط اسماء
لارا بفرحة: موافقة يا ماما انا بحبهم اوي
سمر: اي دا يا حبيبة ماما مش تعرفي هتعيشي معاهم لي وماما هتروح فين الاول
لارا: هتروحي فين يا ماما
سمر: عارفة عمو عصام يا لارا
لارا: ايوا يا ماما عارفاه
سمر: لو روحت عيشت معاه وسيبتك هنا مع خالو وطنط اسماء هتزعلي
لارا: هتسبيني لي يا ماما طيب ما احنا بقالنا شوية قاعدين هنا معاهم انا وانتي
سمر: عشان هتجوزه يا حبيبتي
لارا: يعني هتسبيني زي ما بابا سابني يا ماما
سمر بدموع و خدت لارا في حضنها، و قالت: مقدرش اسيبك يا حبيبتي انا هجيلك كل يوم وهوديكي المدرسة وهنعمل مع بعض كل حاجة زي ما احنا
سمعهم احمد ودخل الاوضة و هو بيقول : مين حبيبت خالو
جريت لارا عليها و قالت: أنا
احمد: اي يا ست لارا مش عايزة تقعدي معايا ليه
لارا: عايزة اقعد معك و كمان مش عايزة ماما تسيبني
احمد: هي مش هتسيبك يا حبيبة خالو هي هتفضل معانا بردوا متقلقيش
لارا: ماشي يا خالو موافقة اقعد معاكوا
احمد: يلا يا سمر على خيره الله، هكلم عصام النهاردة عشان يجي ونتفق على كل حاجة
سمر بامتنان : ماشي يا حبيبي ربنا يخليك ليا يارب، انا مش عارفة من غيرك كنت هعمل اي
احمد: ويخليكي ليا يا قلب اخوكي
//////////
في الصالة
اسماء بغمزة: ها بقا يا سوسو هتعملي فرح
سمر: فرح اي يا اسماء انتي فايقة ورايقة لي كدا
اسماء: يا بت احنا عايزين نفرح
سمر: ولا فرح ولا غيره انا خايفة اوي على لارا يا اسماء
اسماء بزعل: خايفة عليها مننا يا سمر
سمر: لا ولله ابدًا يا اسماء دا انا اطمن عليها معاكي اكتر مني كمان، بس خايفة اتشغل عنها مع ولاد عصام والمسؤلية واقصر معاها
اسماء: لا ولله متخافييش خير بأذن الله وكل حاجة هتبقي كويسة، وكمان احمد بيشكر في عصام اوي وبيقول انه طيب وابن اصول
سمر: يارب يكون خير يا اسماء يارب
اسماء: خير بأذن الله يا عروسة
////////////((/(
يوم قراية الفاتحة
سمر قاعدة مع عصام و اتفقوا أن الجواز بعد شهرين
سمر: انا خايفة يا عصام
عصام: خايفة من اي يا سمر بس مالك
سمر: خايفة على لارا وخايفة اسيبها وابعد عنها حاسة انها هتكرهني بسبب بعدي عنها
عصام: متخافيش يا سمر، انا ولله مش رافض اننا ناخدها تعيش معانا عشان حاجة، انا بس عشان خاطر زياد وسليم مش هيتقبلوا دا، انا لحد دلوقتي بقنعهم بأن حد جديد هيجي يقعد معانا في البيت وحتى هما زعلانين من التغيرات اللي بعملها في الشقة شايفين ان انا كدا نسيت مامتهم وبعمل كل دا عشانك
سمر: بس برغم كل دا ولادك معاك وهيكونوا عايشين معاك، لكن انا هسيب بنتي وامشي
عصام: معلش يا سمر وبعدين انتي مش هتسيبها في الشارع يعني انتي سيباها مع اخوكي وبعدين يا ستي ان شاء الله هتبقي تيجي هنا على طول وتقعدي معاها وكمان هي ممكن تيجي تبات معانا خميس وجمعة
////////////
في الاوضة
لارا: هو انتي لي عايزة تسبيني وتمشي يا ماما
سمر: انا عمري ما اسيبك يا حبيبتي ولا اقدر على دا يا لارا ، انا هجيلك هنا كل يوم وهنعمل كل حاجة مع بعض مفيش حاجة هتتغير
لارا: طيب وبابا
سمر: ماله بابا يا لارا
لارا: مينفعش نرجع نعيش معاه تاني ونعيش مع بعض كلنا
سمر: لا يا حبيبتي مينفعش نرجع تاني، بابا خلاص مبقاش عايزنا يا لارا انسيه بقا
لارا: بس هو وحشني ونفسه اشوفه يا ماما
سمر بعصبية: قولتلك مينفعش يا لارا خلاص بقا مش عايزة كلام كتير في الموضوع دا، نامي بقا
لارا: حاضر هنام يا ماما ،بس عايزة اقولك الحقيقة ، انتي ظاهرة للكل أن باب وحش و كان يعذبك و دي مش الحقيقة.
و نامت لارا بعد ما وجههت سمر بالحقيقة.
سمر سندت دماغها على السرير وافتكرت اللي حصل وسبب الطلاق ايه
////////
فلاش باك
محمود: مالك يا سمر في اي متغيرة معايا لي كدا
سمر: متغيرة ازاي يعني، ما انا عادية اهو
محمود: لا مش عادية يا سمر انتي مش شايفة نفسك بتتعاملي معايا ازاي؟
سمر: ولله انت عارف انا بتعامل معاك كدا ليه
محمود: لو اعرف مش هسألك
سمر: مش شايف ان كل ما اطلب منك حاجة تقول مفيش فلوس في اي انا زهقت من العيشة دي
محمود بهدوء: وانا اعمل اي يا سمر هو بمزاجي ولا هي هينة عليا ان اقول مفيش فلوس بس غصب عني
سمر بعصبية وصوت عالي: اة هي اسطوانة كل مرة تقوله.
محمود: وانا هقولك اسطوانه ليه يا محترمة
سمر: بص بقي غصب عنك مش غصب عنك لو مش قادر تصرف على بيتك مكنتش اتجوزت من الاول
محمود: لي هو انا كدا مش قادر اصرف على بيتي
سمر: اة مش قادر يا محمود
محمود بغضب: لا قادر يا سمر، وبصرف وبجيب كل اللي محتاجه البيت اللي اختلف بس ومبقتش اجيبه الحاجات اللي حضرتك بتتفشخري بيه لكن بتاكلي احسن اكل وتلبسي احسن لبس انتي وبنتك، من يوم ما رفدوني من الشركة واشتغلت في شركة خاصة والظروف بقت على القد معايا وانتي متغيرة وعمال اكدب نفسي عشان مكرهكييش لان الست اللي متوقفش جمب جوزها وهو عنده ظروف تبقي مستاهلش انها تكمل معاه
سمر بضحكة: ولله كويس انها جت من عندك بركة يا جامع دا انا نفسي في دا من زمان بس مش عايزة اقول عشان متشوفنييش بياعة
محمود: بالسهولة دي يا سمر تضحى بَ بيتك وجوزك وبنتك عشان قرشيين قلوا من المرتب؟
سمر: مش قصة قرشيين بس يا محمود انا مش مرتاحة معاك ومش حابة اكمل معاك خلاص بقا خلصت كدا
محمود: انتي متأكدة من كلامك دا يا سمر؟
سمر ببرود: اة متأكدة يا محمد وياريتك تطلقني ونخلص
محمود: وماله من عنيا اكلم اخوكي بس احكيله اللي حصل عشان يبقي عارف ان عندي حق فَ اللي انا هعمله
سمر: كلم اللي تكلمه المهم تخلصني من العيشة القرف دي
محمود: وماله يا بنت الاصول يا متربية حاضر
لمت سمر هدومها وهدوم لارا بنتها ومشيت على بيت اخوها وكأنها كانت مستنية ان دا يحصل وتسيب البيت بفارغ الصبر..
//////////////
بعد يومين محمود كلم احمد اخو سمر في التليفون
محمود: ايوا يا احمد عامل ايه
احمد: تمام الحمد لله يا محمود، انت اخبارك اي
محمود: تمام الحمد لله، سمر قالتلك على اللي حصل
احمد بزعل: ايوا حكتلي كل حاجة وانا زعقت معاها وقولتلها ان اللي عملته دا ميصحش
محمود: وبعدين يا احمد هي مصممة على الطلاق ولا اي؟
احمد: ولله انا هحاولت معاها و هي رافضة ترجع بس خليني احاول معاها تاني
محمود: لا متحاولش انا خلاص مش عايزها، متزعلش مني يا احمد اختك مش بنت اصول انا دلعت اختك دي وهنتها وعيشتها عيشة عمرها ما كانت تحلم بيها بس هي مقدرتش دا ومع اول وقعة ليا داست عليا زيها زي الناس الغريبة اللي شمتت فيا
احمد: انا عارف ان ليك حق في كل كلمة بتقولها يا محمود ومش زعلان منك عشان اختي غلطانة وغلطانة غلط كبير كمان، بس عشان لارا يا محمود متترباش مشتتة بينكوا انتوا الاتنين
محمود: لا معلش يا احمد بلغ اختك ان خلاص كدا انا مستغني عنها، ومن ناحية لارا ف هتتربي احسن تربية وهتفضل في مدرستها مش هطلعها منها، لارا في مدرسة خاصة يا احمد مش اي حد يدخلها واظن شوفت لبسها ولبس اختك والدهب اللي مالي ايد اختك اللي يوم ما احتاجته وطلبته منها رفضت برغم ان انا اللي جايبه بعرقي وشقاي بس عديتها عشان منخربش البيت بس خلاص بقا اختك جابت اخرها معايا .
وقفل مع أحمد على اتفاق انهم خلاص هيجروا في اجراءات الطلاق
عدي كذا يوم وكذا حد اتدخل عشان يصلحوا بينهم لأن الناس شايفة ان مفيش مشكلة اصلًا تستدعي الطلاق لكن محمود وسمر كانوا مصممين على دا
/////////
على القهوة
اسلام: لي كدا يا محمود، استهدى بالله ورجعها يا صاحبي عشان خاطر بنتكوا
محمود: انا ماليش غيرك يا اسلام ومفضضفش مع حد غيرك بس الكلام دا ما يطلعش لي حد مهما كان سمر مراتي لحد دلوقتي وام بنتي
اسلام: عيب عليك يا محمود انا عمري طلعت كلمة انت قولتلهالي حتى لو عادية لحد
محمود: لا يا صاحبي انا واثق فيك عشان كدا دايمًا لو فيا اي حاجة باجي اتكلم معاك انت
اسلام: قول يا صاحبي انا سامعك
محمود: سمر مبقتش هي سمر اللي حبيتها واتجوزتها من يوم ما اتخانقت مع المديرة في الشركة ورفدتني وهي اتبدلت ميه وتمانين درجة بقت دايمًا بتكلمني بقرف وتعالى دايمًا بتتهمني ان انا مقصر في البيت وان انا عيشتي بقت كرب بس عشان الفلوس قلت معانا شوية مبقتش مهمتة بيا بأي شكل من الاشكال تحس ان انا بقيت تقيل عليها لحد اخر خناقة بينا اتهمتني ان انا مش قد مسؤلية الجواز والبيت انت متخيل،انا خالص جبت اخري و متاكد انها تكلم عني بالسوء قدم اخوها علشان كده هو واقف معها.
اسلام: ازاي مش بتقول أن أحمد مش موافق عن الطلاق
محمود: هو من موافق عن الطلاق علشان لارا.
اسلام: ربنا يقدم لك و ليها اللي فيه الخير.
////////////
في بيت أحمد
سوزان: لي عملتي كدا يا سمر
سمر: حسيت ان انا بخونه يا سوزان
سوزان: بتخونه ازاي فهميني؟
قفلت سمر باب الاوضة و قالت بهدوء: : عصام كلمني وعرفت ان مراته اتوفت وانا كل ذكرياتنا انا وهو محاوطني مش قادرة اتعامل مع محمد وحنيني كله لي عصام وكمان جه موضوع رفده من الشغل كمل عليا حاسة ان مش دي العيشة اللي انا عايزاها ولا حباها
سوزان باستهزاء: دا على اساس ان عصام صاحب املاك يعني ما هو حالته كمان على قدها خالص
سمر: انا عارفة ان هو كمان حالته اقل من محمد بكتير بس انا بحبه يا سوزان
سوزان : طيب ومفكرتيش في لارا يا سمر هيبقي مسيرها اي
سمر: عادي مسيرها اي يعني يا سوزان ما هي زي الفل اهي
سوزان بحزن : لا طبعًا مش زي الفل ولا حاجة يا سمر، انا اكتر حد حاسة بنتك حاسة بأي وبتمر بأي دلوقتي لاني شربت من نفس الكاس ومتفكرييش انها صغيرة ومش فاهمة لا هي فاهمة وحاسة بس بتحاول متبينش
سمر: انتي دراما كوين بس شوية يا سوزان لكن لارا عادي متشعليش بالك انتي
سوزان فهمت ان سمر بتقفل معاها الكلام عشان كلام سوزان مش جاي على هواها مع انه صح
قالت سوزان : يلا ربنا يقدملك اللي فيه الخير يا سمر و لارا تكون بخير..
الكل كان شاكك أن سمر اتطلقت علشان عصام و كمان أنها تبيان محمود شخص مش كويس بس مفيش دليل و ببساطة لأن محمود عمره ما كدب كلامها أنها تتهمه بالباطل..
//////////
عودة
بصت سمر على لارا و قالت لنفسها: و فيها ايه يا لارا لما اختار نفسي ،انا عمري ما نسيت عصام ،صحيح هو خدعني و اتجوز غيري و انا اتجوزت محمود بس مقدرتش انسي الحب القديم..
//////////((
بعد شهرين
يوم الفرح الصبح
سمر قاعدة مع لارا بنتها
سمر: بتعيطي لي يا حبيبة ماما
لارا:مفيش حاجة يا ماما مش بعيط دي حاجة دخلت في عيني
سمر: قوليلي مالك يا لارا
لارا: ولا حاجة انتي هتتجوزي وتسبيني بس وبابا كمان سابني.
و سابتها وجريت على اسماء وفضلت تعيط في حضنها، على عكس المتوقع قامت سمر تكمل تحضير حاجتها وجهزت وبعد شوية جتلها ميكب ارتست في البيت وعملت كل حاجة كأنها عروسة لاول مرة ومش فارق معاها لارا بنتها.
رن تلفيون احمد و كان محمود
احمد: ازيك يا محمود
محمود: الله يسلمك ،انا تحت بيتك، عايز لارا علشان افسحها
احمد: صدقني جيت في وقتك.
قفل احمد و قال: لارا بابا تحت.
فرحت لارا و جريت على تحت و احمد يجري وراها
اول ما شافها محمود جري عليها، و هي عيطت و قالت: كل ده ما سالتش عليا ،انا زعلانة منك.
مسح دموعها و قال: حقك عليا يا لارا ،انتي عارفة اني عندي مشاكل في الشغل صح.
لارا : صح
محمود: بصي يا لارا انا للاسف مش هقدر اخدك تعيشي معي، انتي عارفة اني مليش حد و طول اليوم في الشغل ،ميم هيخلي باله منك، الافضل انك تكوني مع خالك و مراته و انا هيجيلك على طول.
لارا: انت هتجوز انت كمان.
محمود: لا
و بص على احمد و قال: اسف يا احمد مسلمتش عليك.
ضحك أحمد و قال: و لا يهمك
محمود: طيب عن اذنك
و مشي محمود مع لارا.
/////////////
بليل
وصل المأذون وكتبوا الكتاب وراحت سمر مع عصام على بيته من غير ما تشوف لارا..
////////////
في بيت عصام
عصام: ادخلي يا حبيبتي نورتي بيتك
سمر: منور بيك يا حبيبي
زياد و سليم خارجين من اوضتهم، و قال سليم: وبينا احنا كمان على فكرة
سمر بضحكة : طبعًا يا حبايبي وجاية تقرب تسلم عليهم بعدوا عنها
زياد : على فكرة يا مرات بابا انتي عمرك ما هتاخدي مكان ماما عندنا ولا عند بابا
عصام بحدة: بطلوا لماضه وادخلوا على اوضتكوا يلا
سمر:سيبهم يا عصام خليهم يقولوا اللي هما عايزنوا
سليم : احنا داخلين اوضتنا بعد اذنكوا
عصام: مفيش تصبح على خير يا بابا؟
قالوا الأولاد : اسفين يا بابا، تصبح على خير
وسابوهم ودخلوا اوضتهم
///////////////٠
بعد فترة من جواز سمر اتفقت مع عصام ان لارا هتبات معاهم خميس وجمعة كل اسبوع وعصام وافق
اول خميس لارا تبات فيه عند سمر
لارا: ازيك يا ماما عاملة اية
سمر: تمام الحمد لله يا قلب ماما انتي عاملة ايه
وحضنتها و سالت : خالوا مطلعش معاكي ليه
لارا: قال عشان يلحق يرجع الورشة
سمر: ماشي يا حبيبتي اتفضلي.
قعدت معاها وعصام طلع سلم عليها ورحب بيها لكن زياد و سليم فضلوا يرخموا عليها ويقولولها ان دا مش بيتها لحد ما لارا فضلت تعيط وصمتت تروح وحكمت على سمر تكلم احمد اخوها يجي ياخدها
///////////
في الطريق
احمد: مالك يا قلب خالوا منمتيش مع ماما ليه
لارا: عادي يا خالوا مش مرتاحة
احمد: حصل اي طيب احكيلي
لارا: زياد و سليم فضلوا يرخموا عليا ومحستش ان انا مرتاحة وماما مهتمة بجوزها وولادوا اكتر مني
احمد: استحالة ماما تهتم بحد اكتر منك يا حبيبة خالو بس عمومًا احسن ماما اسماء كانت عمالة تعيط وتقول انها مش هتعرف تنام من غيرك
لارا بفرحة: انا بحب ماما اسماء اوي
احمد: وهي بتحبك اوي ولله، بس انا زعلان منك
لارا باستغراب: لي يا خالو
احمد: يعني انتي بتحبي ماما اسماء ومبتحبيش خالوا احمد
لارا: لا طبعًا بم*وت فيك يا خالو
رجعت لارا بيت خالها اول ما رجعت جريت على اسماء حضنتها ونامت في حضنتها اليوم دا وفضلت تشتكي ليها قد اي ضايقت من ولاد عصام جوز مامتها
/////////////
تاني خميس ل لارا عند بيت جوز مامتها
سليم : اي اللي جابك تاني؟
لارا: انا جاية لي ماما مالكش دعوة
زياد : يا بجحتك يا بت ماما مين دا بيتنا
سمر وهي خارجة من المطبخ: في اي يا ولاد مالكوا؟
سليم : مفيش
لارا: لا في يا ماما زياد و سليم بيدايقوني
سمر: معلش يا حبيبة ماما حقك عليا انا هما بيهزروا معاكي اكيد
عصام رجع من شغله ولارا اتغدت معاهم ولكن كَا العادة مامتها اهتمت بعصام وولاده اكتر منها ولارا حست ان ملهاش مكان هناك و قررت انها فعلا هتقطع علاقتها بأمها.
و اللي هي مش عارفها أن عصام قرر هو يقطع العلاقة دي ،علشان ولاده مش حابين وجود لارا
عصام: بقولك يا سمر
سمر بحب: نعم يا عيون سمر
عصام: عايز اطلب منك طلب بس خايف ترفضي
سمر: وانا رفضت ليك طلب من يوم ما اتجوزتك يا حبيبي
عصام: لا يا حبيبتي، عايز اقولك ان مش عايز لارا تيجي هنا تاني
سمر بصدمة: اي الطلب الغريب دا يا عصام متجيش تاني لي هي عملت اي
عصام: لا معملتش حاجة يا حبيبتي هي اخر ادب واحترام بس زياد و سليم مدايقين من وجودها
سمر بحزن : يعني اي يا عصام اقول لي بنتي متجيش تزوريني تاني
عصام: لا مقصدش كدا طبعًا يا حبيبتي، قولي لاحمد اخوكي وهو يوصلها ليها بطريقته
سمر: ومشوفش بنتي تاني يعني
عصام: لا طبعًا هتشوفيها عند احمد يا حبيبتي
من غير جدال وافقت سمر و قالت : حاضر يا عصام
عصام: مش عايزك تكوني زعلانة
سمر: لا عادي يا حبيبي مش زعلانة، اهم حاجة راحت زياد و سليم حبايب قلبي مينفعش ندايقهم في بيتهم برضو
عصام: وبيتك قبل ما يكون بيتهم يا سوسو
سمر: ربنا يخليك ليا يا قلب سوسو.
فرق المعاملة واضح بين محمود و عصام، محمود كان كل اللي يهمه سعادة سمر حتي لو على تعاسته أما عصام كل اللي يهمه هو ولاده والحقيقة أن سمر مجرد خادمة ليه و لا ولاده بس على قلبها زي العسل لدرجة أنها تصحي بنتها..
//////(
بعد يومين من كلام عصام مع سمر نزلت سمر راحت لاحمد اخوها الورشة عشان تتكلم معاه، بعد ما سلموا على بعض واحمد اطمن عليها وعلى احوالها مع جوزها وولاده بدأت سمر بالكلام
سمر: انا عايزة اقولك على حاجة يا احمد
احمد: خير يا سمر اتكلمي
سمر: عصام طلب مني ان لارا متجيش البيت عنده تاني
ضحك احمد و قال : ها وبعدين وانتي رأيك اي يا ام لارا
سمر: متتريقش عليا يا احمد بعد اذنك و تتكلم بالطريقة دي
احمد: لا هتريق عليكي ليه بس انا بسألك رأيك اي في قرار عصام
سمر: ولله يا احمد بصراحة انا موافقة على كلامه دا كدا كدا لارا مبتكونش مرتاحة، وانا هاجي اشوفها عندك دايمًا
احمد: سمر هو انتي عايزة تكرهي بنتك فيكي؟
سمر: وهي هتكرهني لي يا احمد، وبعدين ما انا هاجي ازورها عندك دايمًا
احمد: لا متجيش ولا هي عيزاكي تيجي ولا انا هرحب بيكي في بيتي، انتي بياعة وانانية يا سمر ومش شايفة غير نفسك دا محمود اللي كنتي تقولي أنه ظالم و مفتري معها في كل لحظة من حياتها،و بيسأل عنها دايمًا ، لكن فين امها انتي فين يا سمر البنت كرهتك بسبب تصرفاتك وبسبب حبك واهتمامك ل ولاد جوزك عنها.
ساب الورشة وطلع الشقة طلعت سمر وراه وسلمت على لارا واسماء و قعدت سمر شوية و مشيت.
///////////
بعد سنين
كانت واقفة لارا في اوضتها و تكلم نفسها:
عدت الايام و انا كبرت ودخلت الجامعة و الفضل بعد ربنا ماما اسماء و خالو احمد و بابا أما سمر عصام قرر أن يوم في الشهر كفاية تزورني و احيانا يرفض أنها تجي و هي معندهش مشكلة المهم هو يكون راضي، بس انا كمان مش محتاجها ربنا عوضني بام تانية.
أما حبيب قلبي بابف، قرر انه مش هيتجوز عشان خاطري.
دخلت اسماء و قالت: الف مبروك لارا
لارا بفرحة:بابا و خالو وافقوا على محمد
اسماء: أيوة و اتفقوا على كل حاجه
//////////////
يوم الفرح الصبح
لارا وصحابها في الاوضة والميكب ارتست معاها وبتجهز واسماء داخلة خارجة مالية البيت زغاريط والفرحة مش سيعاها كأنها بنتها بجد، احمد ومحمود والد لارا رايحين جايين يظبطوا كل حاجة ويعملوا كل حاجة بالظبط عشان يعملوا لي لارا كل اللي طلبته منهم، سمر قاعدة في شقتها بتجهز هي وعصام زياد و سليم عشان احمد عازمهم على الفرح بس زيهم زي الغريب بالظبط وطلب منها متروحش غير على معاد القاعة عشان لارا متدايقش لو شافتها لانها كانت رافضة انها تحضر اصلًا
///////////////
في الفرست لوك
محمد: ها مش ناوية تلفي ولا اي
لارا: اتعب شوية
محمد: اكتر من كدا دا انا طلع عين ابويا عشان اوصلك
لارا: استحق التعب دا ولا لا
محمد: تستحقي كل حاجة حلوة يا عيون محمد ولله، ولله انا لو لفيت الكون كله مش هلاقي زيك يا حبيبت عمري
اسماء: يا سيدي يا سيدي على الكلام الحلو
محمد بضحك: متقلقيش بثبتها بس لحد ما نتجوز وبعدها هتشوف النجوم في عز الضهر
اسماء: وماله ابقي زعلها بس كدا اخلى عمك احمد يجيلك وانت عارف الباقي
محمد: لا طالما فيها عمي احمد يبقي في عنيا متقلقيش.
و نزلوا القاعة
و لارا في عز سعادتها ،ظهرت سمر مع عصام و سليم و زياد.
قربوا منها
سمر: مبروك يا حبيبتي
لارا ببرود: الله يبارك في حضرتك
سمر بزعل: حضرتي
لارا : اومال اقولك ايه فكريني كده، علشان مش فاكرة انتي مين.
عصام: مش كده يا لارا دي امك
لارا: تعرف اني بحترم حضرتك جدا، علشان انت اب بجد اتمسكت بولادك ،لصل اعرف واحدة باعت بنتها علشان تشوف نفسها
و بصت لها نظرة قرف ،مشبت سمر و قعدت زيها زي الغريب..
محمد: النهاردة يومنا بلاش زعل ،يلا نرقص.
و قال بغناء: طيب متقابلناش بدري لي يا عيني على العمر اللي ضاع ،،،تعرفي يا لولو ان انا من يوم ما سمعت الاغنية دي بتخيل واحنا بنرقص عليها في فرحنا
لارا: انا اول مرة في حياتي ارقص سلو
محمد: ومش هتبقي اخر مرة يا عيوني
لارا: محمد اوعدني انك مش هتخذلني لان انا مش حمل خذلان تاني
محمد وهو بيبوس دماغها: وحياة لارا عندي عمري ما هخذلك يا حبيبتي
لارا: انا بحبك
محمد: وانا بحبك يا اجمل لارا في الدنيا.
و خلص الفرح بسعادة على الكل الاسمر اللي لازم تدفع تمن غدرها
/////////////
بعد مرور سنة
و كان يوم ولادة لارا
في المستشفي
لارا: انا خايفة اوي يا ماما اسماء
اسماء: خايفة من اي يا حبيبتي
لارا: حاسة ان ممكن يحصلى حاجة وانا بولد
اسماء: لا متخافيش يا حبيبتي ربنا معاكي بأذن الله وان شاء الله تطلعي لينا بالسلامة انتي والنونو
لارا: يارب يا ماما اسماء يارب
احمد قرب عليها ومسح دموع لارا، و سال: مالك يا حبيبتي
لارا: مفيش حاجة يا حبيبي متقلقش
اسماء: توتر بس يا حبيبي متقلقش عليها بأذن الله هتطلع لينا بألف سلامة.
محمود: متخافيش يا لارا كلنا جنبك
لارا : شكرا يا بابا
محمد: مالك يا ام عاصم
اسماء: عاصم مين دا بقا ان شاء الله
لارا: ما انا ومحمد اتفقنا ان هنسمى النونو على اسم باباه
احمد: وماله يا حبيبتي عاصم جميل اوي
عاصم والد محمد: تسلم يا ابو حميد ولله دا من زوقك
سعاد: والدة محمد واعملوا حسابكوا ان شاء الله النونو الجاي بنوتة ونسميها سعاد على اسمي
اسماء بضحك: واحنا مالناش من الحب جانب بقا ولا اي
والدة محمد: لا يا ستي انا موافقة يسموها على اسمك دا انتي بنت اصول ولله يا اسماء وانا بحبك في الله
اسماء: حبيبتي يا ام محمد ولله يسلملي لسانك
خبط باب الاوضة خبطتين ومحمد اتحرك ناحية الباب يفتح
محمد: اهلًا وسهلًا اتفضلوا
عصام: ربنا يطمنك عليها ويقومها بالسلامة يارب
محمد: الله يسلم حضرتك
سمر: هي عاملة اي يا محمد
محمد: تمام الحمد لله ادخلي اطمني عليها بنفسك
سمر: خايفة من مقابلتها ليا بعد اللي عملته معايا في الفرح يا محمد، الكل قالي بلاش اجي بس قلبي مطاوعنييش
محمد: حقك عليا انا ولله بس هي غصب عنها اعذريها
سمر: انا عذراها ولله بس نفسي تسامحني
محمد: بأذن الله مع الوقت هيحصل اطمني
سمر: يارب يا محمد
دخلوا الاوضة وسلموا على الكل.
عصام: ربنا يقومك بالسلامة يارب يا بنتي
لارا: الله يسلم حضرتك
سمر: قربت عليها بالهفة وحضنتها :ازيك يا قلب امك عاملة اي
لارا: ببرود تمام الحمد لله
سمر: حاسة بأي دلوقتي يا حبيبتي
لارا: ولا حاجة عادي انا هولد قيصري فَ مفيش اي اعراض
سمر: ربنا هيجبرك ويقومك بالسلامة ان شاء الله يا حبيبتي
لارا بصت على محمود و قالت : انا محضرة مفاجأة ليك يا بابا
محمود: ايه
محمد: قولنا مش دلوقتي
لارا: هو ده وقته ، الراجل ده مش اب عادي أتحمل كتير علشاني، أتحمل صورة مش كويسة قدم الكل، على فكرة يا خالو بابا عمره ما ض*ربت اختك او اتعرضت لاي إهانة كلها كان كذب و هو علشان محترم سكت و اللي زيك كان المفروض يتجوز بس انت اختبارات الشغل علشان تحقق ليا كل اللي أنا عايزها و المفاجأة اللي هتكون قليلة عليك و محدش يعرفه غيري انا و محمد اني حامل في تؤام و هجيب عاصم و محمود
نزلت دموع محمود و معرفش ينطق قرب منها و حضنها.
و سمر عرفت أنهى خسرت كتير
بعد شوية ولدت لارا
//////////
يوم السبوع
كانت حفلة كبيرة
قربت سمر على محمود و قالت: ازيك يا محمود
محمود: بخير الحمد لله
سمر: مسامحني يا محمود
محمد: الحمد لله عمري ما زعلت من حد ولا شلت من حد وبعدين انت ام بنتي عمري ما ازعل منك
سمر: طيب بنتك نفسها زعلانة مني ومش عايزة تسامحني هو انت شيلتها مني ولا قولتلها حاجة عني عشان تاخد جمب مني كدا
محمود: ولا قولت ولا عمري هقول دي مش اخلاقي وانتي عارفة كدا كويس، بس لارا مش صغيرة يا سمر وشافت كل حاجة وحضرت معانا كل الاحداث فَ طبيعي هتزعل منك
سمر برجاء: طيب ساعدني علشان لارا تسامحني.
محمود: حاضر هحاول..
و كانت حفلة جميلة
/////
بعد اسبوعين
محمود: عايز اتكلم معاكي في حاجة يا حبيبة بابا ممكن؟
لارا: اتفضل طبعًا يا حبيبي
محمود: زعلانة من ماما لي يا حبيبتي
لارا باستغراب: بجد يا بابا انت اللي بتسألني دا انت اخر واحد اتوقع انه يسألني في حاجة زي دي
محمود: انا عايز اسمع منك يا لارا
لارا: من غير دخول في تفاصيل يا بابا انت كدا كدا عارفها بس ماما باعتني واتخلت عني.
محمود: بس يا حبيبتي دا من حقها من حقها انها تتجوز وتعيش حياتها هي معملتش حاجة غلط
لارا: وانت معملتش كدا لي يا بابا ما هو من حقك بردوا
محمد: مش معني ان انا معملتش كدا تبقي هي غلط وانا صح هي احتاجت لحد تاني تعيش معاه وتستند عليه وانا حبيبت اكمل لوحدي ، و جودك في حياتي كان كفاية عليا و مش عايز حد تاني.
لارا: انا مش قادرة اسامحها يا بابا وبصراحة بقا مش حابة اتكلم في الموضوع دا
محمود: طيب ولو قولتلك عشان خاطري سامحيها
لارا: مش هقدر يا بابا محمد اتكلم معايا كذا مرة في الموضوع دا وخاله وماما اسماء وانا مش قادرة
محمود: لا هتقدري انتي دلوقتي ربنا كرمكم بأطفال اهو اكيد عرفتي يعني اي ضنا وقد اي هي تعبانة بسبب اللي انتي عملاه فيها وبعدين يا ستي يا بخت من قدر وعفى
لارا: حاضر يا بابا هحاول
محمود: هكلمك سمر تجي حالا
.لارا: مش وقته يا بابا
محمود: خير البر عاجلاً
و فعلا محمود كلم سمر اللي جات بسرعة
لارا: انت جميل اوي وطيب اوي يا بابا
وصلت سمر، خبطت على الباب و قلبها يرتعش من الخوف
محمود: تعالي يا سمر لارا قبلت تسامح و تنسي اللي كان
عيطت سمر و قالت: حقك عليا يا قلب ماما
لارا: بعد اذنك بلاش قلب ماما و روح ماما، علشان انا عمري ما كنت قلبك أو روحك ،خليني احاول و ده علشان بابا و بس
سمر بندم: عندك حق في كل كلمة قولتيها و مقدرش أنكر أني كنت أم سئية، بس هحاول ترضي عني.
////////////
بعد فترة بدات العلاقات ترجع تاني وبدأت تحصل زيارات بين لارا ومامتها وجوز مامتها
وطبعًا والد لارا على تواصل دايم معاها هي وجوزها والامور كلها رجعت طبيعية وبعد سنة ونص من ولادة لارا حملت لارا للمرة التانية وفضلت تفكر توصل لي محمد ازاي انها حامل بس بطريقة كريتيف
جابت بوكس وحطت فيه بامبرز والصونار وشغلتله اغنية’حلمنا كتير نكون مع بعض وادي الحلم حققناه، نجيب بنوته تشبهلك واسميها على اسمك، و فرح محمد ، واكتملت عيلة لارا اللي مكونة من ومحمد و لارا وعاصم و محمود و اسماء ، و العلاقة بين لارا و سمر كويسة
//////////////
في البلكونة الساعة 6الصبح
محمد: عملتلك كوباية قهوة انما اي من اللي قلبك يحبها
لارا: حبيبي تسلم ايدك، احلى كوباية قهوة بشربها اللي بتعملهالي بأيدك
محمد: حبيبتي الف هنا
لارا: الله يهنيك يا حبيبي
محمد: انا بهديكي الاغنية دي
لارا: اغنية اي؟
و بدأ محمد يغني : اسمعي بس’يلي ظلمتوا الحب وقولتوا عليه قولتوا عليه مش عارف اي، العيب فيكم يا فَ حبايبكم اما الحب اما الحب يا روحي عليه’
لارا: بحبك يا محمد ولله بس بلاش تغني تاني صوتك مش حلو خالص
محمد: وانا بحبك يا روح محمد، اهو هادمين اللذات ومفرقين الجامعات صحيوا، و نتكلم بعدين أن صوتي مش حلو
لارا بزعل : اخص عليك متقولش عليهم كدا
محمد: بهزر طبعًا دول حبايب قلب ابوهم….
لارا: ربنا يديم المحبة و السعادة بينا يا اجمل زوج في الدنيا..
محمد: و يديكم في حياتي باجمل زوجة في الدنيا كلها..
/////////////
يوم عرفات
لارا قررت تجمع العيلة كلها وطلبت من محمد انهم يعزموا مامتها وجوز مامتها وخالها واسماء مرات خالها و ابوها و اهل محمد كانت مخططة لعزومة كبيرة..
لارا: يا محمد هات رقاق و لحمة و أنت راجع
ضحك محمد و قال : ابتدينا بقا، هات وهات
لارا: انت لسة شوفت حاجة، و هات طماطم و بصل و فراخ و ورق عنب و بانية و فراولة و موز و هات طبق حلويات اة و سوبيا و تمر عشان بابا بيحبهم
محمد: هو حد قلك ان انا خدت المرتب النهاردة ولا حاجة
لارا: لا محدش قالي بس في ناس جاية و لازم اعمل سفرة يحلفوا بيها
محمد: و ماله يا حبيبتي و هتعملي ازاي بَ عاصم و محمود اسماء ان شاء الله، دا انتي مبتعرفيش تعملي كوباية شاي منهم
لارا: لا متقلقش هوديهم عند ماما اسماء لحد ما اخلص
محمد: طيب اذا كان كدا ماشي طالما مش هدبس فيهم يبقي اجبلك اللي انتي عيزاه
لارا: ولا كأنهم ولادك بتعاملهم معاملة غريبة الله يسامحك، وبعدين هو انا مقولتلكش؟
محمد: لا مقولتلييش خير ان شاء الله
لارا: خير ان شاء الله متقلقش، اعمل حسابك ان انت هتساعدني في الاكل
محمد: ايوا و ماله مين اللي ضحك عليكي و قالك كدا، انا قاعد ارتاح مش اعمل اكل
لارا: لا كدا كدا هتساعدني مفيهاش كلام بجد بقا يا محمد مش هقدر اعمل دا كله لوحدي
محمد: حاضر يا عيوني مقدرش ازعل القمر مني
لارا بضحك: حبيبي ،حبيبي يعني مفيش كلام
لارا في المطبخ بتعمل اكل كل ما لذ و طاب و محمد بيروق الشقة برا عشان يساعد لارا عشان متعملش كل حاجة لوحدها المغرب قرب يأذن ولارا بدات توتر عشان مكنتش لسة خلصت كل حاجة ومن الاستعجال الشوربة ادلقت علي رجليها
لارا بعياط: محمد الحقني
جري محمد عليها و سال بلهفة : مالك يا حبيبتي في ايه.
لارا: الشوربة ادلقت على رجلي وانا بعمل ورق العنب
محمد: متقلقيش بسيطة يا حبيبتي ثواني هشوف اي حاجة احطهالك تهديها شوية
سندها و خرجوا برة جاب كريم مرطب وحطه على رجليها و قال: ارتاحي شوية
و كمل هو الاكل مكانه
قبل المغرب بشوية دخلت لارا لبست عباية استقبال رصاصي وطرحة بيضة وحطت برفيوم ومحمد كمان لبس وقعدوا يستنوا الضيوف وصلوا الضيوف
والمغرب اذن وفطروا وفضلوا قاعدين قرروا يسهروا مع بعض لحد صلاة العيد
محمد: عارف يا عمي انا مش عارف اشكرك ازاي
محمود : تشكرني على اي يا ابني؟
محمد: على اجمل هدية هديتهالي
محمود ما تتكمل يا ابني على طول هدية اي
لارا: انا عرفت يقصد اي
محمد بهزر : طيب قوليلي اقصد اي يا اذكي اخواتك
لارا: ولله عارفة تقصد اي انت عارف ان انا فهماك اكتر من نفسك، بس عايزة اسمعها منك انت
محمد: طيب يا ستي انا عايز اشكره على اعظم واجمل هدية هداني بيها وهي انتي
منة اخت محمد الصغيرة: يا سيدي يا سيدي على الكلام الحلو
شيماء اخته الكبيرة: اوعدنا يارب
عادل: جوز شيماء: طيب ما انا بحبك يا شوشو
شيماء: قلب شوشو انت ولله
فضلوا قاعدين شوية يهزروا ويضحكوا ويلعبوا لحد ما وقت الصلاة جه نزلوا صلوا العيد مع بعض
وبعدين راحوا على مطعم فطروا فيها وبعدها راحوا على ملاهي و كان يوم جميل على الكل و بعد يوم طويل كل واحد رجع بيته..
//((/((((
في بيت محمد
سهر هو لارا في البلكونة و قدم لها بوكس
سالت : ايه ده
محمد: افتحي وشوفي
لارا: اوكيه
فتحت لارا البوكس لقت فيه شوكلاته وورد وخروف العيد و ساعة وبرفيوم ومس*دس مياه
لارا: اي دا يا محمد بجد انت جايب دا كله عشاني
محمد: وانا عندي اعز منك يا ام العيال
لارا: لم نفسك بقا انت عارف ان انا مبحبش الكلمة دي بحسها بتكبرني، وبعدين جايبلي مس*دس مياه لي غريبة
محمد: اي دا انتي نسيتي
لارا: باستغراب نسيت اي
محمد: لما جبت مس*دس مياه ل العيال وقتها انتي زعلتي وانا وعدتك اجبلك واحد
لارا: ايوا افتكرت انا كنت نسيت فعلًا انت لسة فاكر ازاي
محمد: و انا اقدر انسى حاجة حبيبة قلبي عيزها
لارا: حبيبي انت ولله، عارف بقا عشان خاطر الدلع دا كله هعملك احلى فتة ورز ابيض مكافأة ليك على مجهودك العظيم دا
محمد: بس كدا دا كدا هيبقي العيد اهو جه بجد على رأي احمد سعد
لارا: انا عارفة انك بتحب الفتة اكتر مننا اصلًا
ضحك محمد و قال:
لا مش للدرجة دي يا بنتي، بس عارفة بقا لو تكملي جميلك وتعملي صنية رقاق
لارا: ما احنا واكلين رقاق امبارح يا ابني
محمد: كلنا اي امبارح هما خلوا حاجة دا نسفوا الاكل
لارا: يا شيخ قول بالهنا والشفا
محمد: الف هنا وشفا عليهم ولله مش عارف اقولك قد اي كنت مبسوط امبارح وحسيت باللمة والعزوة وحسيت بالعيد بجد
لارا: ولله وانا على قد التعب اللي تعبته في تحضير الحاجة كنت مبسوطة اوي
محمد: عشان انتي بنت اصول يا حبيبتي وكريمة زي اهلك
لارا: حبيبي انشالله يخليك
محمد: حبيبتي ولله يا لولو، ربنا يخليكي ليا ويجعل ايامنا كلها عيد بوجودك انتي وحبايب بابا
لارا: ويخليك لينا يا اجمل بابي في الدنيا، على فكرة بقا بحبك
محمد:بغمزة على فكرة بقا وانا بم*وت فيك يواد انت، يلا اعملي لينا كوبايتين ايس كوفي كدا عشان نشربهم وادخل اريح شوية على ما اهلك يجوا
لارا: بس كدا عيوني
محمد: تسلم عيونك يا جميل
عملت لارا الايس كوفي وقعدوا شربوه في البلكونة وطبعًا صديقتهم في الوقت دا ام كلثوم واغاني ام كلثوم مسك محمد ايد لارا وبص في عنيها وقال: انا بحبك اوي يا لارا و مش متخيل حياتي من غيرك
لارا بدموع سعادة: واتاري الدنيا فيها جميل وحلوة عكس ما اتقالي، وحظى الحلو مش ضايع وكان وياك متشالي،، “ربنا يديم الدفاء والحب والمودة والحنية والرحمة على بيوتنا جميعا، أنت العوض ليا يا حمادة.
تمت و للحديث بقية
رايكم يا حلوين ♥️ 🥰
متنسوش الايك و الكومنت و متابعة للصفحة ليصلك كل جديد صفحة👇👇👇👇
#روايات_بقلم_منال_كريم
#لارا
#بقلم_أيمان_كريم
♥️♥️♥️♥️♥️♥️♥️♥️♥️
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل وسلم وبارك على سيدنا محمد
لا حول ولا قوه الا بالله العلي العظيم
لا اله الا انت سبحانك اني كنت من الظالمين
♥️♥️♥️♥️♥️♥️♥️♥️♥️♥️