أحببت صاحب القلب القاسي٢ بقلم منال كريم

و حد تاني يقول: هي دي خلفة البنات ملهاش لازمة ،لو عدلي جاب ولد كان دفع عنه.

فضلت ماشية و مش بترد على حد، و مستغربة ازاي الناس مش شايفة أن ابوها مجرم و يستحق العقاب، لحد ما وصلت بيت ابوها ،خبطت على الباب ،فتحت امها و قالت بفرحة: سجدة ،فين ابوكي.

لما بصت ام سجدة و ملقتاش عدلي، ضربت سجدة بالقلم و قالت: احنا وافقنا على جوازك من ريان علشان لما اليوم ده يجي ، تنقذي ابوكي من جوزك

سجدة بصدمة: يعني انتي كمان عارف ابويا عمل ايه و موافقة

صرخت ام سجدة : مش حقنا

سجدة بغضب: لا مش حقكم ،اولا الكلام كان إشاعة، ثانياً حتي لو فعلا كانوا عايزين يبعوا الارضي الزراعية،مالهم و هما حرين فيهم.، يعني انتوا ملكوش اي حق

أم سجدة: طالما رجعتي من غير ابوكي , يبقي مليكش مكان في بيتي

سجدة: اومال هروح فين، انا مش هقدر اكمل مع ريان بعد اللي ابويا عملوا

زقتها امها و قالت: روحي في ستين داهيه

و قفلت الباب في وشها و سجدة مصدومة في ابوها و امها و مفيش في أيدها حاجة غير العياط.
////////
في القصر

وصلت الشرطة و خدت عدلي و التلاتة التانية و مشي الكل و بص ريان على صورة أهله و ابتسم و قال: جابت حقكم ، الكل كان بيقول أن مفيش دليل بس أنا كنت متاكد.

جاه مازن و قال: عاش يا صاحبي

ريان: كنتي بتقولي انسى الموضوع دي مجرد حادثة

مازن بهزر : اوعى تاخد على كلامي تاني

ضحك ريان و قال: هعمل كده

و بص حواليه و قال:سجدة، فين سجدة

مازن: انا لسه وصل ملقتش حد.

ريان: اكيد مشيت.

و جري ريان على برة يدور على سجدة، مشي ناحية بيتها و قال : ليه كده يا سجدة ، بسهولة كده تبعدي عني، أنا مش هقدر اكمل من غيرك، بعد ما عشت معاكي اجمل أيام حياتي،عايزة تخلني اعيش وحيد تاني..

وصل عند بيت اهلها، و اتصدم لما شاف سجدة قاعدة على الأرض، جري عليها و قال: سجدة قاعدة كده ليه

سجدة بدموع: انت كمان هتسبني صح

ريان: انا مقدرش اسيبك، انا بحبك اكتر من نفسي

سجدة بدموع : امي مانعتني ادخل البيت ، بتقول ملكيش مكان طالما مقدرتش احمي ابويا منك، كل أهل البلد بيقولوا لو عدلي جاب ولد كان احسن. يعني أنا مليش لازمة ،و انا السبب أن ابويا يدخل السجن، هو أنا اللي قولت ل ابويا يعمل كده.

مسح دموعها و قال: سيبك من كلامهم ، دول مش بيفهموا ، تعالي معي

هزت راسها بالرفض و قالت: لا مش هينفع نكمل مع بعض، علشان أنت كل ما تشوفني هتفتكر أن ابويا اللي قتل أهلك.

ريان: لا يا حبيبتي،كل ما اشوفك هقول دي سجدة حبيت قلبي

و قال نفس جملتها:عارفة أنا لو مكانك هكون فخور بنفسي ،عارفة ليه

سجدة: ليه

ريان: علشان ،أنا بيني و بين نفسي قولت لو انتي طلبتي مني أعفي عن ابوكي هعمل كده، بس انتي عندك دين و اخلاق ، و وافقتي أن ابوكي ياخد عقابه علشان هو غلط.

سجدة: هو مجرم و المجرم مكانه السجن.

جاه مازن بالعربية و قال: ريان تعالوا اركبوا

مد أيده لها و قال: هاتي ايدك و خليكي واثقة أن أيدك عمرها ما تسيب أيدي علشان انا بحبك و مقدرش ابعد عنك.

مسكت أيده و قاموا من على الارض و بصت سجدة على البيت ،قال ريان: أنا و انتي هنبدا من جديد ،بعيد عن هنا ،هنحاول نسي وجع الماضي و نفكر في الحاضر و المستقبل

سجدة: شكرا أنك في حياتي

ابتسم ريان و قال: شكرا ليكي أنك في حياتي

ركبوا العربية،قعدوا وراء الاتنين و مازن ساق العربية. و هو يسأل: على فين

ريان: على القاهرة

مازن: تمام يا ريان باشا

بص ريان على سجدة و قال بحب: بحبك

سجدة: أنا بحبك اكتر.
//////(/
بعد سبع شهور

في المستشفى

سجدة: تخرج بالسلامة يا حبيبي

ريان: الله يسلمك يا حبيبتي،أن شاء الله يرجع وشي زي الاول

سجدة: انا معنديش مشكلة في وشك، أنت اللي عايز تعمل كده و أنا جنبك في أي حاجه، بس انت زي القمر في كل حالاتك

باس راسها و قال : بحبك يا اجمل حاجه في حياتي..

سجدة : بحبك

جت الممرضة و قالت: جاهز

ريان: أن شاء الله

سجدة بخوف : لا إله إلا الله

ريان: محمد رسول الله، متخافيش العملية سهلة

سجدة : ربنا معك يا حبيبي.

مازن كان مستني قدم الاوضة و قال: ربنا معك يا صاحبي

ريان: يارب، مازن خلي بالك من سجدة

سجدة بعصبية: يعني ايه يخلي باله مني ،انت هتكون كويس

ريان: أن شاء الله،أنا قصدي على ما اخرج من اوضة العمليات، يجبلك اكل و عصير، علشان النون

حطت ايديها على بطنها و قالت: انا مش هاكل لحد ما تخرج بالسلامة

ريان ابتسم و قال: بحبك

سجدة: بحبك

و دخل ريان اوضة العمليات

و سجدة سندت راسها على الحيطة و كلمت نفسها : في كام شهر حصل حاجات كتير، للاسف ابويا و اللي معه اتحكم عليهم بالاعدام و اتنفذ الحكم علشان قتل مع سبق الاصرار، و امي روحت لها اكتر من مرة و تقفل الباب وفي وشي ،علشان عايزني أتطلق من ريان ، اللي مفكرش يقول كلمة تجرحني أو حتي فكر يتكلم معي في الموضوع، ابويا و أمي كانوا فاكرين أن زيهم و اتقبل الجري..مة البشعة دي و اطلب من ريان ينسي الموضوع، على العموم طول مانا عايشة احاول مع امي تتكلم معي، و ريان عمل حركة حلوة اوي، خلى ايجار الأرض زمرى،على روح ابوه و أمه، و الحمد لله ربنا كرمني و حامل ، يارب تكمل على خير و ريان يخرج بالسلامة

فاقت من كلامها مع نفسها على صوت مازن اللي بيقول: سجدة اجيبلك حاجة

سجدة : لا شكرا

مازن: لو عايزة حاجة قولي

سجدة : حاضر

عدت ساعات و سجدة تقرا قرآن،لحد ما خرج ريان بالسلامة و نجحت العملية و رجع وشه زي الاول و احسن
///////
بعد شهور

ريان: حمد لله على السلامه يا حبيبتي

سجدة: الله يسلمك يا حبيبي، البيبي شبهك صح

ريان: شبهي ايه أنا حلو كده

سجدة : أنت زي القمر

ريان: الله يكرم اصلك، نسمي الباشا ايه

سجدة: قول أنت

ريان: لا ازاي انتي اللي حامل تسع شهور و هتبعي في التربية، يعني انتي اللي تقولي

سجدة : مش حمايا اللي يرحمه،اسم مركب

ريان : اه، اسمه محمد نعمان، اول مرة اشوف اسم مركب كده

سجدة؛ خالص احنا ناخد اول اسم ، و يبقي محمد ريان محمد نعمان ،تصدق اسم موسيقي

فرح ريان من كل قلبه و قال: هتسميه على اسم ابويا

سجدة :اومال اسم الغالي ابو الغالي

ريان: بحبك

سجدة: بحبك

ريان: عندي مفاجأة ليكي

سجدة: ايه

ريان: ادخل

فتح باب الاوضة و كانت أم سجدة اللي قالت بندم: سامحني يا بنتي

سجدة بسعادة: مش عايزة اسمع اي حاجه، شكرا انك جيتي يا ماما

أم سجدة: البركة في ريان هو اللي طلب مني..

بصت سجدة عليه و قالت،: احلى حاجة وجودك في حياتي

ريان: و أنتي اجمل حاجه في حياتي

و بعد المشاكل الكتير اللي حصلت بينهم انتصر العدل و انتصر حب ريان و سجدة

و تمت و ليس للحديث بقية

بعد القراءة قولوا رايكم

#أحببت_صاحب_القلب_القاسي
#روايات_بقلم_منال_كريم
❤️❤️❤️❤️❤️❤️❤️❤️❤️❤️❤️❤️❤️
سبحان الله وبحمده سبحان الله العظيم
استغفر الله العظيم و اتوب اليه
لا إله إلا الله وحده لا شريك له له الملك وله الحمد وهو على كل شيء قدير
اللهم صل وسلم وبارك على سيدنا محمد
لا حول ولا قوه الا بالله العلي العظيم
حسبي الله ونعم الوكيل
اللهم انك عفو كريم تحب العفو فاعف عنا
اللهم احفظ مصر واهلها من كل شر
اللهم احفظ اولادنا وبناتنا من كل شر
❤️❤️❤️❤️❤️❤️❤️❤️❤️❤️❤️❤️❤️❤️❤️❤️