جحيم أمرأة بقلم منال كريم

كلمت سارة نفسها: انت و امك السبب ربنا ينتقم منكم.

//////////////////////
قفلت حنان و دخلت تصحي جوزها: قوم يا صلاح، قوم بسرعة.

قام من النوم مفزوع و سال : في يا ايه ولية حد يصحي كده

حنان و هي تطلع هدوم من الدولاب : هنروح نجيب سارة من بيت جوزها.

قام من على السرير بفزع و سال بخوف: ليه في الوقت ده؟ البت كويسة يا حنان

حكت عن مكالمة حسن و قالت: أنا مش هسيب بنتي هناك و انا خايفة و مرعوبة طول الوقت الناس دول مش قد الامانة

صلاح: عندك حق.

و أتحرك صلاح و حنان  و هما ناوين يرجعوا سارة معاهم.

بعد ساعات وصلوا بيت بنتهم و الغريبة حسن و امه كانوا مستنين زيارة و كأن حنان عندها دماغ تجيب زيارة..

خبطوا على الباب ،فتح حسن محدش فيهم اتكلم معه، دخلوا يشوفوا بنتهم

كانت سارة  نائمة  على الكنبة، وشها أصفر  و بيان عليها التعب، و عيونها متحجرة بالدموع.

قعدت امها قدمها و سالت: مالك يا قلب امك

رمت سارة نفسها في حضن امها و قالت: أنا سقطت يا ماما، و السبب هو حسن و امه.

صلاح من غير يسال مسك في رقبة حسن و قال: عملت ايه في بنتي يا عرة الرجالة.

حسن  بعد عنه و قال: معملتش حاجة

صرخت سارة و قالت : كادب ،انا لما كشفت بعد ما نزل عليا دم،،الدكتورة  كتبت روشتة طويلة،، حقن حديد و علاج ، و قالت لازم اكل كويس و ممنوع اي  مجهود،و انت و امك عملتوا ايه، بأكل الباقي منك انت و امك ، و مفيش راحة من شغل البيت،رغم اني قولتكم اني تعبانة ،بس محدش فيكم حس بيا،و النتيجة ايه ،انا سقطت و انت و امك محملين الذنب ،لا و كمان مستنين زيارة من امي يا عيلة يا جعانة.

سارة طلعت كل اللي جواها في حماية ابوها و أمها..

حنان كانت تهدي سارة بس صلاح قال بحزن: انا كنت جاي اخد بنتي من غير دوشة بس بعد اللي حصل هتشوف النجوم في عز الضهر.

طلع صلاح  تلفيونه و بعت رسالة  ل  محمد ابنه و قال: هات اخواتك و لاد عمك ولاد خالك و تعال عند اختك

محمد في لحظة اجر عربية علشان يروح ل أخته من غير ما يسأل..
/////(((
أما صلاح قال: حنان خليكي قاعدة مع سارة و لو حد حاول يقرب من سارة شوفي شغلك معه.

حنان: حاضر يا صلاح..

صلاح  شد حسن من أيده على برة،و قال: تعال معي

حسن: انت و خدني و ريح على  فين