عزيزة الجزء الثاني بقلم منال كريم
عزيزة بخوف: لا مش معي
و صوتها عالي و هي بتقول : مش قادرة تخلي بالك من الود.
بصت على باب الشقة و قالت: باب الشقة مفتوح، يعني خرج و انتي قاعدة
خرجت عزيزة بخوف على برة، سمعت صوت عياط احمد جاي من فوق ،طلعت جري عليه
///////
لما احمد خرج من الشقة ،طلع السلم و كانت شقة هشام مفتوحة، دخل و شاف اكل على الترابيزة بس محدش موجود،اتصرف زي اي طفل ،بدأ ياكل بس بهدل الاكل ،خرجت لمياء من المطبخ، صرخت في الود و هي بتقول: انت بتعمل ايه هنا يا زفت انت،كت قرف هاكل ازاي بعد العك ده.
و مسكته و ضربته على أيده ،عيط بصوت عالي
خرجت سعيدة و قالت: في ايه يا لمياء
لمياء بقرف: المقرف ده بوظ الاكل..
سعيدة: الله يقرفك يا بعيد ايه اللي جابك عندنا يا مقرف
دخلت عزيزة في الوقت ده و زعقت بصوت عالي: و الله ما في مقرفين غيركم.
جري أحمد عليها ،شالته و قالت بحنان: متخافش يا حبيبي انا هنا
احمد كان بيعط و هو في حضنه، طبطت على ابنها و قالت: اهدأ يا حبيبي انا هنا معك، متخافش.
و مسكت في لمياء و ضربتها،و هي بتقول: الا ابني، فاهمة، عايزة تضايقني عادي ،أما ابني خط احمر ،فاهمة يا زبالة.
سعيدة شدت عزيزة و قالت: ابعدي عنها، يلا اطلعي برة.
عزيزة: هطلع بس اوعي تقربي انتي او بنتك ل ابني، علشان ساعتها هتزعلوا اوي…
و خرجت عزيزة هي و ابنها من الشقة ،و نزلت عند صباح اللي كانت واقفة على السلم و قالت : صوتك كان عالي ليه
عزيزة بعصبية: مش صوتي بس و أيدي كانت طويلة علشان اللي هيجي على ابني هيزعل
صباح: طيب يا ادخلي يا اختي، دلوقتي هي و امها هيعملوا حكاية من اللي حصل…
عزيزة: يحصل اللي يحصل.
و دخلت عزيزة و ضحكت صباح عليها..
//////
و حصل اللي صباح قالت عليه
في شقة جاد
كان الكل متجمع و عزيزة وافقة قدمهم
هشام: يعني ينفع كده عزيزة تتطاول بالكلام على مراتي و بنتي و توصل معها تضرب لمياء
سعيدة : هي دي مرات ابنك اللي فرحانة بيها يا صباح.
صباح: و مالها مرات ابني ،انا فرحانة بيها علشان عملت معاكم الصح.
هشام: اتكلم يا اخويا ،احنا هنسيب الستات تتكلم
جاد: ايه اللي حصل يا عزيزة.
بكل هدوء حكت عزيزة اللي حصل..
إبراهيم: طيب ما هي عملت الصح.
لمياء بعصبية: عملت الصح لما ضربتني
ضحك إبراهيم و قال: اه ،انتي غلطانة و عملتي عقلك بعقل طفل صغير
لمياء: ما هو اللي مقرف
إبراهيم: ده طفل صغير، و تصرفاته عادية، بس انتي جعانة و مفجوعة
طلع فلوس من جيبه و قال: خدي تمن الاكل اللي باظ، بس اوعي تقربي من ابني
الدنيا وفقت عند عزيزة و هي بتسمع كده منه
و هو كمل بعصبية: لمياء من الاخر انتي كنتي زي المرض في حياتي و الحمد لله اتعالجت منك ، اوعي تقربي من مراتي أو ابني، و الغيرة اللي بيانه عليكي دي، حاولي تخبيها.
عزيزة كانت فرحانة و هي سماعة كلامه و حاسة أن في أمل إبراهيم يكون أبوه ابنها…
جاد: هشام بعد اللي حصل من بنتك و مراتك انا لسه معك، بس هيغلطوا اكتر من كده ،يبقي هنسي أننا اخوات
صباح: أنت بتكلم مين يا ابو ابراهيم دول البجاحة اتعمل مخصوص ليهم..
هشام بإحراج: انا اسف يا اخويا
جاد: خلي اسفك ليك، خد مراتك و بنتك و امشوا من هنا….
قام هشام و قال: يلا
و مشي هشام و مراته و بنته وراءه…
عزيزة بهدوء: انا اسفة لو عملت حاجه تزعل حد فيكم، بس أبني خط أحمر و مش هسمح لحد يقرب منه.
جاد: متعتزرش يا بنتي، انتي عندك حق و مش مسموح لحد يجي عليكي و على أبنك..
صباح : انا فرحانة في لمياء و امها، يستاهلوا
إبراهيم: عزيزة قدم ابويا و أمي انا اسف
عزيزة: محصلش حاجه،أنا اللي متشكرة ليكم.
قام إبراهيم و مسك ايد احمد و قال: يلا نطلع…
/////////////
في الشقة
إبراهيم : ممكن تسامحني على اللي حصل.
عزيزة: انا كنت زعلانة منك ،بس بعد ردة فعلك النهاردة انا نسيت كل الزعل…
إبراهيم : ممكن نبدا من جديد انا و انتي ، انا عايز ابدا معاكي و يشرفني تكوني مراتي و أم ابني
عزيزة بسعادة: ابنك
إبراهيم: يعني مسمعتيش كل الكلام ده و سمعتي كلمة ابنك بس.
عزيزة: علشان انا مستعدة اعمل اي حاجه علشان ابني يكون مبسوط و ييبقي عنده عيلة زي باقي الاطفال…
إبراهيم: انا هكون ابوه و عائلتي هتبقي عائلته،بصي مش هكدب عليكي و أقول أني بحبك بس أنا شكلي قربت احبك..
بصت على الأرض بخجل و قالت: مش للدرجة دي .
/////////
عدت الايام و الشهور و علاقة إبراهيم و عزيزة بقت كويسة و ظهرت النتيجة و نجحت عزيزة بتقدير امتياز.
في شقة أبراهيم
سمر: اوعي تضيعي الفرصة دي من ايدك..
عزيزة بحزن: انتي عارفة شرط إبراهيم مفيش شغل بعد الجواز
سمر: بس هو اتغير معاكي دلوقتي، و اكيد هيوفق لما يعرف انك هتكوني معيدة في الجامعة
عزيزة : اسكتي بقي.
الباب خبط، ،قامت عزيزة تفتح،و كان إبراهيم: انا قولت استأذن علشان عارف أن صاحبتك هنا.
عزيزة: تعال اتفضل
إبراهيم: أنا هغير هدومي و انزل على طول.
دخلت عزيزة و هو وراءها
إبراهيم: السلام عليكم
سمر: و عليكم السلام
قررت سمر تعرف إبراهيم
لما قالت: أستاذ إبراهيم
إبراهيم: نعم
سمر:عزيزة اتعينت معيادة في الجامعة و هي عايزة ترفض علشان شرطك لو سمحت ياريت توافق
عزيزة: مش علشان شرطك بس علشان ابني اسبيه مع مين
خرج من الشقة من غير ما يرد، قعدت عزيزة و قالت: اقفلي بوقك ممكن، انا مبسوطة كده إبراهيم و أهله كويسين معي أنا و أبني ، و صدقني أنا كده مبسوطة …
سمر: براحتك يا زوزو
طلع إبراهيم و هو بينهج و قال: عزيزة انا كنت غلطان زمان، انسي كل كلامي بتاع زمان، انا موافقة تشتغلي
و لسه هتقول و أحمد، ،رد عليها : انا لما نزلت علشان اعرف امي و هي قالت إنها مستعدة تخلي بالها من احمد
من غير ما تتكلم حضنته و قالت: بحبك اوي
إبراهيم: أنا بحبك اكتر.
بكل هدوء سمر خرجت من الشقة
////////////
و اشتعلت عزيزة و إبراهيم هيوصلها لحد الجامعة.
و حماتها تخلي بالها من أحمد كأنه حفيده ،و كمان هي اللي تعمل شغل البيت و حب إبراهيم و عزيزة يزاد…
على عكس لمياء اللي بقت هتنفجر من علاقتهم
//////(((((((((((((؟
كانت لمياء قاعدة في اوضتها و حزينة زي العادة، دخل ابوها و قال: انتي مبسوطة دلوقتي
لمياء بعصبية: لو سمحت يا بابا أنا مش قادرة اتكلم
هشام: بس انا لازم اتكلم ، و اسال عملتي كده ليه في نفسك مش هقول في ابراهيم،انتي فاهمة عملتي ايه في نفسك ، بعد سنين قررتي فسخ خطوبتك من ابراهيم اللي كان بيعشقك، و قولتي بحب ابن خالتي و هو هرب و سابك، فاكرة ان ممكن حد في المنطقة يفكر فيكي ، لا هتفضلي كده من غير جواز علشان اي عيلة تخاف على نفسها منك، بس شوفي إبراهيم اتجوز و خلف تؤام و عايش مبسوط و انتي خسرتي علشان انتي غدارة .
و خرج هشام و هي نادمة بس بعد فوات الأوان و بتسمع صوت مزيكا من شقة ابراهيم و اصوات الضحك و هي أتحرم عليها الفرحة…
///////((
في شقة ابراهيم
كان عيد ميلاد التؤام إسلام و إسراء
عزيزة: انا مبسوطة اوي و مهما اقولك مش هقدر اشكرك على كل حاجه عملتها معايا، و حتي لما خلفت معاملتك فضلت زي ما هي مع أحمد
إبراهيم: احمد ابني زي ما هو ابنك و نقفل بقي على الموضوع ده، و تعالي نحتفل
عاشت عزيزة مع ابراهيم و أولادهم في سعادة و خدت نصيب من اسمها لما بقت عزيزة على قلب هيما و ده الدلع اللي ديما يقولها .
و لمياء كل يوم يعدي تندم اكتر على غلطلها و ندمت أنها ضيعت ابراهيم من ايدها
و تمت و ليس للحديث بقية
رايكم يا حلوين 🥰 ♥️
اكتبوا رايكم بعد القراءة في التعليقات
#عزيزة
#روايات_بقلم_منال_كريم
♥️♥️♥️♥️♥️♥️♥️♥️♥️
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل وسلم وبارك على سيدنا محمد
لا حول ولا قوه الا بالله العلي العظيم
لا اله الا انت سبحانك اني كنت من الظالمين
♥️♥️♥️♥️♥️♥️♥️♥️♥️♥️