امبراطوريه سين بقلم منال كريم 1

في شقة وسط البلد

كانوا عائلتين ماسكين في بعض على مين ياخد طفل عمره شهرين.

سند بصوت عالي: أنا قولت اللي عندي ،حفيدي مش ها يتربي بعيد عني.

رد عليه سعد بصوت عالي اكتر منه وهو يقول: ليكون نسيت أن هو حفيدي انا كمان.

ردت سامية مرات سند و هي تردح: بس معروفة أن العصب هو الاقوي، و ابن ابني لازم يتربي في بيت ابوه.

بصت سهام مرات سعد  ل سامية  و هي تضرب كف بكف:  بس دي الام اللي شالت في بطنها ٩ شهور، يعني احنا اولى بالود

سند : الود عندكم بقاله شهر، كفاية عليكم كده

سعد: لا يا اخوي الود قعد عندنا شهر الا اسبوع

سند: أنت قولت بنفسك قعد عندي اسبوع و انت ٣ اسابيع ،يبقي كفاية كده

سعد: انا قولت اللي عندي حفيدي هعيش في بيت امه

سند: من غير حلفان الود هكيبر في بيت ابوه

سعد بغضب: انت قليل الذوق و يلا اطلع من بيتي

سند بصدمة: انت بتطردني ، طيب حاضر.

و قرب سند من سعد و ماسكه من رقبته و سعد ماسك فيه.

و الستات ماسكوا في بعض و يصوتوا.

طلعوا الجيران و خدوهم على مركز الشرطة

//////((

في مركز الشرطة

لسه يتخانقوا مع بعض، ضرب الظابط على المكتب و قال: بس مش عايز اسمع صوت، انا عايز واحد بس يقول الحكاية

سند: اقول انا يا باشا

سعد: و ليه مقولش انا

الظابط بعصبية: أستغفر الله العظيم، انا عندي حل، مين الكبير فيكم سناً

سند بغرور: انا يا باشا اكبر منه بسنة

الظابط: احكي انت طالما أنت الأكبر سنا.

الغريب اللي كانوا ماسكين في خناق بعض من شوية ،ظهر عليهم الحزن مع بداية كلام سند لما قال:

بص يا باشا ابني الكبير اسمه سليم، حب بنت الجيران سيلين اللي هي بنت سعد

الضابط: سؤال معلش كلكم كده بحرف السين

ضحك سعد و قال: اصلا احنا اصحاب و احباب من زمان ،و كانت صدفة أننا نتجوز ستات بحرف السين، فقولنا نسمي ولادنا بالسين علشان تكون إمبراطورية سين.

الظابط : تمام كمل يا حاج سند.

سند: لما سمعنا من العيال أنهم يحبوا بعض كان يوم السعد لينا و محدش اعتراض و عملنا ليهم فرح و لا الف ليلة و ليلة ، و عاشوا مع بعض احلي سنتين و ربنا كرمهم ب سيف عمر شهرين و هو ده سبب الخناقة