بداية جديدة بقلم منال كريم

حمزة: ممكن نكون اصحاب.. فريد: ماشى الولاد تقبلوا بعض علشان حور و حمزة عارفين أن ابوهم عاش حياة صعبة مع امهم و نفس السبب عند فريد و فرح ،امهم عاشت حياة صعبة مع ابوهم ///(((( على الغداء قالت سدرة: ايه رايكم يا بنات بعد الاكل نخرج لوحدنا خروجة بنات بعيد عن الشباب فرح: هو ده الكلام الصح. حور: موافقة طبعا اسر: و احنا ملناش نفس يعني ،احنا كمان هنخرج بعد الاكل خروجة شبابي بعيد عن البنات. حمزة: عاش يا بابا اسر: و انت يا فريد فريد: انا جاهز من دلوقتي. مدت سدرة ايديها و قالت: ايدك على فلوس اسر بهزر : نعم ،احنا مقسومين فريقين ،انا مسؤول عن فريق الشباب سدرة: ايوة احنا فريقين بس انت اللي هتدفع للفريقين.. اسر: نعمل تصويت ، كل واحد يقول ادفع لخروجة الشباب بس، و لا خروجة الشباب و البنات فرح: البنات و الشباب حور: البنات و الشباب سدرة: البنات و الشباب فريد: الشباب بس حمزة: الشباب بس. سدرة: كده صوتك هو اللي هيحدد سكت أسر شوية و بعدين قال بابتسامه: طبعا هدفع للفريقين و لو هختار يبقي اختار فريق البنات و احنا مش مهم فريد: بعتنا في أول طريق حمزة: قصف جبهة لينا. اللي حصل كان اتفاق بين أسر و سدرة علشان يتقربوا من الاولاد. و من اليوم ده العلاقة بينهم بقت علاقة عيلة واحدة و فريد و فرح لقوا أسر العوض ليهم عن الاب ،و حور و حمزة كانت سدرة العوض ليهم عن الام و سدرة و أسر كانوا زوجين مثالين ///////////// عدى سنتين على جواز أسر و سدرة و الحياة بينهم هادئة و جميلة، و طول السنة خالد و سلوى محدش فيهم سأل عن ولادهم،و كأنهم نسيوا أن عندهم عيال .. و ماتت ام سدرة بس امتنعت عن حضور الدفن و الجنازة. بس بعد سنتين افتكروا ولادهم علشان مصلحتهم . ////////////////// في القاهرة في شقة أبو سلوى سلوى اتجنتت لما عرفت أن أسر اتجوز و كلمت نفسها بغضب: بقي كده يا اسر تجوز واحدة تانية، انا قولت أنك فترة و هترجع بس قدرت تبعد و تجوز و انا كنت غبية و اتنازلت عن الولاد ،بس لا يا اسر انت لازم ترجع ليا بدل عيشة الذل اللي عايشها مع ابويا و الوطي كريم رفض يتجوزني،من بكرة هسافر اسكندرية.. ///////// أما عند خالد هو كمان عرف أن سدرة اتجوزت و حس أنه ضيعها من أيده ، فكلم نفسه: من بكرة اسافر اسكندرية و اعمل قرد علشان تسامحني و ترجع ليا. بص على الشقة و قال: من وقت ما سدرة سابت البيت و مفيش واحدة من اخواتي البنات ،فكرت تطلع توضب الشقة، و حتي اللقمة بأكلها معاهم تحت بالعافية ،كانت سدرة ليهم خادمة و انا بدل ما اقف جنبها ضد امي و اخواتي ،كنت ضدها ديما ،مهما يحصل هحاول اخليها تتطلق و ترجع ليا بحجة العيال يتربوا بين ابوهم و امهم //////// و بعد العذاب اللي سدرة شافته من خالد و خيانة سلوى ل أسر عايزين يبوظوا حياتهم مرة تانية و بسبب مصلحتهم سلوى عايزة الفلوس و الحرية و خالد عايز خادمة، و علشان كده هيحاولوا يفرقوا أسر عن سدرة باي شكل.. /////// في مصنع الملابس وصلت سلوى و طلبت تقابل أسر اللي قال باستغراب: سلوى ،بعد السنين دي كلها جاية ليه سلوى برجاء: وحشتني يا اسر، انت و العيال و مش عارفة أعيش من غيركم ضحك أسر باستهزاء و قال: انتي بتضحكي عليا و لا على نفسك ،انا مش مصدق الهبل ده، رجوعك دلوقتي اكيد بسبب مصلحة ،على بلاطة كده عايزة ايه سلوى بدلع مقزز: عايزك يا حبيبي اسر: بلاش تعملي الشويتن دول عليا علشان انا فاهمك كويس، تلاقي الفلوس خلصت معاكي فقولتي اروح العب على أسر ،فاكرة اني لسه أسر العبيط اللي يحبك و يصدقك في كل حاجه ،ابعدي عني. سلوى: أسر يا نرجع لبعض ،ياخد الأولاد و انا القانون في صفي مشي أسر من غير رد . //////// خالد بعت رسالة ل سدرة على الواتس:ازيك يا حبيبتي،استغربت أن لسه رقمك القديم زي ما هو شافت الرسالة و مردتش بعت تأني: من غير لف و دوران،انا بحبك يا سدرة و عرفت غلطتي و عايزك و عايز الولاد. استنا منها رد بس مفيش بعت اخر كارت عنده و هو : سدرة خلينا نرجع لبعض أو اخد الأولاد و طالما انتي متجوزة يبقي القانون في صفي برضو مردتش أول ما أسر رجع حكت له و هو كمان حكي له ،عن سلوى ،، و قروار يقعدوا مع خالد و سلوى علشان يحلوا الموضوع ////((( في بيت أسر كان متجمع أسر و سدرة و الاولاد و خالد و سلوى قالت سلوى: انا عايزة ولادي يا أسر ،مش عايزهم يتربوا مع مرات أب اسر: مرات الاب دي كانت احن عليهم منك انتي سلوى: في الاول و الاخر ولادي خالد: انا كمان عايز ولادي سدرة: يا سبحان الله دلوقتي افتكرت ولادك ،مش هما دول اللي كانوا مش متربين و مش بيسمعوا الكلام و انت و امك شايفين أنهم أقل من الكل خالد؛ بس ولادي و رجولتي متحملش يعيشوا مع جوز أم قبل ما سدرة ترد ،رد فريد: معلش يعني ،عيد تاني علشان مسمعتش كويس ولادك و رجولتك ، هما فين دول. خالد بعصبية : انت قليل الادب زعقت سدرة:اخرس يا خالد و مش عايزة أسمع صوتك ،ولادي متربين غصب عنك و عن أهلك خالد: ما تلمي لسانك اسر: كلمة كمان و هقطع لسانك،علشان انا مش هسامحلك تتطول على مراتي و ولادي خالد بغضب :بس هما مش ولادك فرح: لا هو بابا اللي عطني كل مشاعر الاب ،اما انت مجرد اسم في البطاقة كمل فريد: لو عندك ذرة كرامة ابعد عنا خالد؛ حلو اوي كده، طيب انا هرفع ق\ضية حضانة و سهلة اوي اخدكم من امكم انفجرت سدرة من الضحك , و قالت: طيب لو راجل اعمل كده، و أنا أقدم كل التقارير اللي معايا خالد باستغراب: تقارير ايه سدرة: حالتي النفسية اللي دمرت فترة جوزنا ،انا عملت كده علشان متاكدة أنك خسيس و هتعمل كده، لو راجل اعمل كده. للمرة التانية خالد يخاف منها. بص أسر على سلوى و قال: و انتي تحبيي ترفعي ق\ضية و تاخدي العيال سكتت سلوى ،كمل هو: اعملي علشان الشات و الرسائل يلفوا النت و اقدمهم للمحكمة و نشوف مين امين على الولاد حور: و لما انا اقول عايزة أعيش مع ماما سدرة اكيد القاضي ياخد بكلامي حمزة: طبعا يا حور شهادتنا هتفرق اوي اتكلمت سدرة بهدوء: خالد انا شوفت معك الويل و نفس الكلام حصل مع أسر بسبب سلوى و الحمد لله ربنا عوضنا ببعض و بقيت حياتنا هادئة و عملنا عيلة جميلة ابعدوا عننا بشركم اسر: شوفوا حياتكم بعيد عننا ،ايه رايكم تجوزا بعض هيبقي كابل يجنن، خاينة و وطي ضحكت سدرة و قالت: عندك حق يا اسر، يلا طريقكم اسود أن شاء الله.. خرجوا خالد و سلوى و هما يجروا خيبة الأمل و وراءهم و فعلا خدوا بكلام أسر، اول ما خرجوا كتبوا الكتاب و شايفين بكده يخلوا أسر و سدرة يغيروا بس أسر و سدرة خالص لقوا السعادة مع بعض و عاشوا في سعادة مع بعض ،و كملت السعادة بتؤام يربط بينهم اكتر... ////// في شقة خالد خالد ضرب سلوى و قال: انتي خاينة ، انا اتجوزتك و صدقت كلامك لما قولتي أن أسر يفتري عليكي. سلوى ردت نفس القلم و قالت: لو سدرة كاذبة في كلامها يبقي أسر كاذب. خالد: يا شيخة كانت جوزه سودة، عيشتني في عذب و حتي اهلي مخليهم خادمين عندك،فين ايام سدرة سلوى: ليكون انا عايشة معك في هنا، انت بخيل و بأخد منك القرش بالعافية خالد: اللي زيك خسارة فيها سلوى: ليه يا اخويا ،انا عايزة فلوس خالد: مفيش فلوس و هاخد منك التلفيون علشان تبطلي تكلمي حد تاني، دي عشية سودة صرخت سلوى: الا التلفيون يا خالد، هات التلفيون احسن لك خالد: هتعملي ايه سلوى : اقتلك خالد: طيب ورني وقعها على الأرض و نزل فيها ضرب بكل غل. سلوى و خالد كانوا احسن عقاب لبعض،و سلوى كانت عقاب ل ام خالد و اخواته //////((((( في المستشفى ،كانت مشكلة تانية ،بس مشكلة لطيفة بين عيلة بتحب بعض فريد: انا الكبير ،يبقي انا اللي اسمي البنات حمزة: بطل أنانية انا اللي اختار الاسماء حور: على فكرة بقي،طالما هما بنات يبقي انا و فرح اللي نسمي فرح: الحل المثالي فريد: ده كلام اهبل ،المنطق يقول الكبير يسمي اخواته البنات حمزة: مين اللي اختراع المنطق ده. فريد بغرور: انا طبعا حمزة: طيب اخرس و انا اللي اختار اسماء اخواتي . الولاد اعترضوا و مسكوا في بعض أسر قاعد جنب سدرة و شايل بنت و سدرة شايلة التانية. اتكلم أسر: خلصتوا و لا لسه، ينفع خناق و ماما لسه تعبانة الأولاد بصوا في الأرض بندم و قالوا: اسفين يا ماما. سدرة: حور و حمزة تعالوا جنبي ،و فريد و فرح جنب اسر. مد أسر أيده و قال: فريد الكبير يبقي هو يشيل الأول و بعدين انتي يا فرح. شال فريد البيبي بسعادة و قال: بسم الله الرحمن الرحيم سدرة : و حمزة الكبيرة يبقي الاول. شال حمزة البيبي و قال: ما شاء جميلة اوي قال أسر و هو بيشاور على البنت اللي على ايد فريد: فريدة. و قالت سدرة للبنت اللي على ايد حمزة: حلا، و كده العدل. انبسطوا الأربعة بالاسماء حور بسعادة : حلا و انتي حلا فرح : اسماء جميلة فريدة و حلا اسر : بصوا يا ولاد انتوا الكبار يعني هتشاركونا في التربية. فريد: متخافش يا بابا حمزة: فريد تعال نبدل فريد: هات يا عم ورني حلا احلى الحلوين الأولاد بقوا يبدلوا البنات لبعض ،و أسر و سدرة يبصوا عليهم و هما مبسوطين قرب أسر و قال: كده عايزنا نغير الشقة لشقة اكبر سدرة: ما شاء الله ست اولاد ربنا يقدرنا و نربيهم احسن تربية اسر: يارب الخلاصة من القصة ،مش كل الرجالة وحشين و لا كل الستات وحشين في كده و في كده ، اللي يزرع الخير يحصد خير، اللي يزرع شر يحصد شر، و من حق كل انسان بداية جديدة.. و تمت و ليس للحديث بقية رايكم يا حلوين بعد القراءة ♥️ 🥰 #بداية_جديدة #آسر_سدرة #روايات_بقلم_منال_كريم ♥️♥️♥️♥️♥️♥️♥️♥️♥️ سبحان الله وبحمده سبحان الله العظيم استغفر الله العظيم و اتوب اليه لا اله الا الله وحده لا شريك له له الملك وله الحمد وهو على كل شيء قدير اللهم صل وسلم وبارك على سيدنا محمد لا حول ولا قوه الا بالله العلي العظيم لا اله الا انت سبحانك اني كنت من الظالمين ♥️♥️♥️♥️♥️♥️♥️♥️♥️♥️

بداية جديدة بقلم منال كريم

الجزء الاخير

اترك تعليقاً إلغاء الرد

مقالات ذات صلة

مرات اخويا روماني مكرم ٣

انا و سلفتي

حكايات روماني مكرم

فارس و أمل ٨

حكايات زهرة الربيع٤

روماني مكرم٣

اترك تعليقاً إلغاء الرد