ربيع الشتاء بقلم منال كريم

صاحبتي و جوزها نصبوا عليا و سرقوا بيتي مني؟؟؟

حكايتنا تبدأ في مطار القاهرة

خرجت بنوتة عشرينية من المطار و هي متعصبة ،مشيت ناحية العربية و قالت: فاضي يا اسطي

اتكلم السواق بتذمر و قال: يا اسطي هي حصلت كده، انا خريجة كلية تجارة

قالت بعصبية: انت بتحكيلي قصة حياتك ،انا مالي ، انزل خد الشنطة

نزل السواق و هو يقول : استغفر الله العظيم،يارب صبرنا على المصائب دي

ركبت و هي بتقول : احترام نفسك و اطلع بسرعة علشان أنا عندي حساب لازم اصفيه..

أتحركت العربية و حطت راسها على
الشباك و دي بطلتنا و هي اسمها مختلفة شوية،اسمها شتاء ابوها سماها كده من حبه في الشتاء، شتاء عندها ٢٠ حاصلة على مؤهل متوسط،،، بنت وحيدة ملهاش اخوات، ابوها و امها متوفين و عايشة لوحدها في بيت كبير ورث عن أهلها

شتاء بنت طيبة و متسرعة و ساذجة وصلت للهبل
/////////
فلاش باك

في بيت شتاء

كانت قاعدة مع صاحبتها الوحيدة و جوزها رانا اللي قالت: زي ما بقولك كده ،دي شركة سياحية فاتحة جديدة و عاملة عروض ممتازة

شتاء باستغراب: بس معقول ها زور كل الامكان دي بالمبلغ البسيط ده

عمار ( جواز رانا) : بقولك ده عرض بمناسبة افتتاح الشركة

شتاء: تمام فهمت ، اشرحوا ليا برنامج الرحلة..

رفعت رانا ورقة برنامج الرحلة و قرأته بصوت عالي و هي مبسوطة و بتقول : الاستقبال في مطار ميلانو، و الإقامة 7 ليالي في كومو.

رد عليها عمار وهو بيشاور على الورقة و قال :

لا استني، مش هنفضل في كومو بس. بصي، الباص السياحي هو اللي هيلف بينا. ده النظام ، الطيارة من القاهرة لميلانو ذهاب وعودة على مصر للطيران، وبعد كده كل الانتقالات  جوه أوروبا بباص فاخر و معاكي  مرشد طول الرحلة.

بصت رانا في الورقة بحماس و كملت كلامها:
يعني هتصحى الصبح في كومو، تركبي الباص لفيرونا تشوفي بيت جولييت، وبليل ترجعي تنامي في نفس الفندق.

شتاء باستغراب: مش قادرة أصدق كلامكم

عمار: ليه بس ، طيب اسمعي ،تاني يوم ،هتطلعي الصبح بدري بالباص على لوسيرن، دي واحدة من أجمل مدن سويسرا اللي على البحيرة ومحاطة بالجبال، هتعملي  هناك كروز في البحيرة وبعدين وقت حر للتسوق.

رانا :يا سلام يا شتاء، باص هيلف بيكي من إيطاليا لسويسرا للنمسا،دي هتكون رحلة جنان.