البحث عن عريس هندي بقلم منال كريم
الفصل الثاني
وقفت مسك في حيرة، اريان هو الفرصة الكبيرة اللي بتحلم بيها و صعب تفرط فيه،و نفس الوقت طارق هو مديرها و ابن بلدها و لازم تسمع كلامه
بسمة: اسمعي كلام طارق يا مسك
زياد: يلا يا مسك نرجع الاوتيل.
اريان: انا متاكد ان كلامي هيعجبك.
مردتش عليه
موقف بسيط من مسك بس فرح بسمة و زياد و الإكتر هو طارق..
طارق: تحب نكلم في الشغل أو نمشي
اريان بغضب مكتوم: خلينا نتكلم في الشغل
و مشيت مسك مع زياد و فضل طارق مع بسمة يتكلموا في الشغل.
////////////
في التاكسي
مسك بعصبية: انا مش فاهمة هو ليه مستر طارق طلب أننا نمشي
زياد: اكيد هو شايف ان ده الصح
مسك: الصح ازاي و هو كان قايل اني شاطرة في الإقناع
زياد: يمكن ده اسلوب جديد في الشغل، حصل خير، علي العموم الواحد تعبان من اللف
مسك بعصبية: انا مش تعبانة و كنت عايزة استنا.
زياد: براحة شوية يا مسك.
نفخت مسك بضيق و قالت: لما الاستاذ طارق يرجع أنا لازم اتكلم معه.
زياد: أن شاء الله
///////////(
فضلت مسك مستنية طارق علشان لازم تتكلم معه،كانت قاعدة في اوضتها على نار
بعد شوية
دخلت بسمة ،و هي بتقول: مسك مستر طارق عايزك
مسك بعصبية: انا كنت مستنيه من بدري
بسمة: براحة يا مسك هو عامل كده علشان مصلحتك ،نظراتك اريان مش خير ابدا
مسك بعند: انا بقي كنت مبسوطة علشان معني كده اني وصلت لهدفي،و يجي الاستاذ يقولي امشي.
بسمة بعصبية: احترامي نفسك يا مسك، انتي ازاي مش عارفة أن النظرات بينك وبين اي راجل غريب حرام، انا بجد مصدومة فيكي.
مسك: معلش.
و خرجت مسك بعصبية ،كانت طارق مستنيها في المطعم.
قعدت مسك بعصبية و قالت: نعم حضرتك
طارق: تشربي ايه الاول
مسك: شكرا مش عايزة حاجة
طارق: لازم تشربي حاجة
مسك: لو سمحت يا مستر طارق انا مش عايزة أشرب حاجه و ياريت تقول حضرتك عايز ايه
طارق بهدوء: انا عارف اني اللي عملته زعلك بس ده خوف عليكي
مسك: انا مش صغيرة على فكرة مكنش لها لازمة النمرة دي
زعل طارق و قال:: لا أنا مش بتاع نمرة ،زي ما قولت كنت خايف عليكي
اتعصبت مسك و قالت: بلاش تعصبيني لو سمحت ،خايفة عليا من ايه، انا كنت معاكم يعني مش لوحدي ، انا سمعت كلام حضرتك بس مش مقتنعة
طارق: و الله شكرا انك سمعتي كلامي، كنتي ارفضي يا مسك و خلي شكلي وحش،بس سؤال كنتي عايزة تقعدي ليه.
توترت مسك و قالت: مكنتش عايزة اقعد، انا بس استغربت
طارق حاول يدري عصبيته و غيرته و قال: و مش مستغربة نظرات اريان ليكي.
لعبت في شعرها بتوتر و قالت: ها لا مخدتش بالي
لما شاف حركتها في شعرها قال: مسك ليه مفكرتيش في الحجاب.
حست أن لسانها اتشتل ،بلعت ريقها بتوتر و قالت: مش هكذب عليك، انا مش عارفة ليه أنا مش محجبة، و مش هقولك زي البنات العبيطة اللي تقولك الحجاب مش فرض أو مش مقتنعة ،الكلام ده يضحكوا بيهم على نفسهم ،مفيش حاجة كده، الحجاب شكلا و مضمون يزيد البنت جمال ،بس انا حاسة ان شيطاني اكبر مني و انا مش قادرة عليها، انا ماما الحمد لله محجبة و سوء و هي او بسمة ديما يتكلموا معي في الحجاب و انا دماغي جذمة قديمة
ابتسم طارق و قال: كلامك ده يدل انك شخصية كويسة و أن شاء الله ربنا هيكرمك بالحجاب علشان انتي معترفة انك غلطانة مش بتتجادلي في الغلط.
مسك: علشان مينفعش نجادل في الغلط
طارق: ربنا يهديكي يا مسك، و مش عايزك تزعلي مني انتي زعلك فارق معي ،انا عملت كده من خوفي عليكي.
مسك: حصل خير ، عن اذنك.
و طلعت مسك اوضتها.
///////(/((
عدى يومين و مسك و بسمة يلفوا في البلد و طارق و زياد مسؤولين عن الشغل
///////
كان اريان مضايق من عدم وجود مسك
سأل اريان: فين البنات
رد طارق بحزم:انا بقول نركز في الشغل، خلي الصفقة دي تنتهي على خير.
زياد : مستر اريان احنا المسؤولين هنا
اريان بغيظ: تمام خلينا نتكلم في الشغل.
طارق: هيكون احسن و ياريت متكلمش عن البنات
اريان: انا مش فاهم ايه اللي حصل يا طارق علشان تزعل مني كده
طارق: مفيش حاجه
/////////////
أما مسك و بسمة
بسمة بصوت عالي: بقولك ايه كفاية بقي يلا نقعد في أي مكان انا تعبت من المشي
مسك: مالك عاملة زي خالتي العجوزة ليه
بسمة: معلش يا اختي ربنا يديني الصحة زيك
مسك: يارب، تعالي نقعد في المطعم ده
بسمة: يا فرج الله ،اخيرا
دخلوا قعدوا في المطعم
مسك: هتاكلي ايه
بسمة: اي حاجة
طلبت مسك الاكل
مسك: انا زعلانة اوي يا بسمة
بسمة: ليه يا مصيبة هانم
مسك: يعني بقالي كام يوم هنا و ملمحتش شارو خان ،و كملت معي من اللي طارق عمله و طير العريس من ايدي، شكل الشهر هيخلص و ارجع زي مانا
بسمة بهدوء: يا بنتي انسي الجنان اللي انتي فيه بقي
مسك بصوت عالي: ده جنان يا بسمة، انا عايز عريس هندي و نفسي اشوف شارو خان، طيب عارفة فكرت في ايه.
بسمة: استر يارب، اشجيني.
مسك: خليكي انتي كده اتريقي عليا ،و يوم ما وصل للي نفسي فيه مش هعرفك
بسمة: انا اللي مش عايزة اعرفك، بس قولي فكرتي في ايه
مسك: اروح بيت شارو خان و اطلب أقابله و يمكن لما يعرف اني جاية من مصر مخصوص علشانه، يقبل يشوفني.
خبطت بسمة على دماغها و قالت: ربنا يعين امك عليكي، ده مش دماغ واحدة عندها ٢٥ سنة انتي زي الطفلة يا مسك، يا حبيبتي انسي الحاجات التفاهة دي
مسك بحزن: لو هي تافه عندك ،مش تافه عندي
بسمة: انا تعبت من الكلام معاكي، ادخل الحمام و اجاي،خلينا نرجع الاوتيل .
مسك يزهق: قومي يا اختي.
قعد شخص مع مسك ،بصت مسك باستغراب و سالت: انت مين
راكان : انا اللي جاي انفذ ليكي احلامك
مسك: مش فاهمة حاجة
راكان: مش عايزة تشوفي شارو خان
فتحت مسك بوقها من الصدمة و قالت: انت بتكلم بجد صح
راكان: انا عندي معاد مع شارو خان بعد ربع ساعة
مسك: طيب احلف كده
ضحك راكان و قال: تحبي تجي معي
مسك بحماس: طبعا
راكان: يلا بينا
مسك: ثواني بس صاحبتي تجي من الحمام
قام راكان و أتحرك برة المطعم و هو بيقول: انا لازم أتحرك علشان اوصل في المعاد لو مش عايزة خليكي.
بصت مسك عليه و قالت: اروح معه و ابقي اعرف بسمة ،مش معقول اخسر الفرصة دي
و من غير اي ذرة عقل مشيت وراه و هي مش عارفة مين ده
/////////
ركبت مسك مع راكان تاكسي
مسك: صحيح أنت هندي و لا عربي
راكان: هندي بس بتكلم كل لغات العالم
مسك: ليه شاغل ايه
راكان: شاغل اي حاجه و كل حاجه
سالت مسك: انت متجوز يا راكان
راكان : لا
مسك: و مسلم صح
راكان: أيوة
مسك: و تعرف شارو خان ازاي
راكان: علشان انا المسؤول عن تنظيم رحلته إلى اليونان
مسك : بتشوف ولاده
راكان بغرور : يو يو كتير
كلمت مسك نفسها: و انا كنت شايف اريان عريس مناسب، راكان هو ده حبيبي ، شاب وسيم و مسلم و مش متجوز و هندي و يتكلم عربي ،و غني و الاهم عارف شارو خان ، هو ده اللي لازم اركز معه.
فاقت مسك من خيالها و احلامها الوردية ،و لقت العربية في حتة مقطوعة
و اخيرا جهاز الاحساس عندها اشتغل و سالت بخوف: هو احنا وافقين هنا ليه .
ضحك راكان بخبث و طلع آلة حادة و حطها على رقبتها و قال: من غير كلام كتير، طلعي كل اللي معاكي
مسك بخوف: انت حرامي
راكان: تخيلي ،يلا بسرعة
مسك بصوت عالي: ابعد عني احسن لك.
ضربها بالسكين و رقبتها نزفت
و للحديث بقية
رايكم يا حلوين متنسوش التفاعل متابعة للصفحة علشان تشوف الفصل التالت اول ما ينزل
#البحث_عن_عريس_هندي
#الفصل_الثاني
#روايات_بقلم_منال_كريم
♥️♥️♥️♥️♥️♥️♥️♥️♥️♥️
سبحان الله وبحمده سبحان الله العظيم
استغفر الله العظيم و اتوب اليه
اللهم صل وسلم وبارك على سيدنا محمد
لا اله الا الله وحده لا شريك له له الملك وله الحمد وهو على كل شيء قدير
لا اله الا انت سبحانك اني كنت من الظالمين
♥️♥️♥️♥️♥️♥️♥️♥️♥️