ليلى بقلم منال كريم
جوزي حلف عليا بالطلاق لو ما اعتذرتش لمرات أخوه هكون طالق،و كل ده علشان كانت عندي و طردتها من البيت
من يومين
رجع ماهر من بره و قال: ليلي يا ليلي
خرجت ليلي من المطبخ و قالت: حمد لله على السلامه يا حبيبي
ماهر: الله يسلمك
بصت ليلي على الحاجات اللي في أيده و قالت: ايه دول
حط الشنط على الترابيزة و قال : اخويا كلمني وقال إنه جاي هو مراته يتغدوا عندنا ،و طبعا هنقول لابويا و امي يطلعوا.
ليلي باستغراب: غدا ايه اللي فجأة كده.
ماهر: الساعة تلاتة و هما يجوا الساعة ٦
ليلي: تلاتة ساعات مش هلحق يا ماهر ،انت عارف أن مراتك اخوك مش بيعجبها العجب و لا الصيام في رجب، لازم اعمل أكل كتير و لازم انظف البيت
ماهر: البيت زي الفل اهو
ليلي: انا عارفة أن البيت زي الفل، بس دي مرات اخوك انت مش عارفها.
ماهر: أن شاء الله هتلحقي.
نفخت بضيق و دخلت المطبخ ، و علشان تبدا تعمل الاكل،رنت على اختها تفضض معها
علا: ازيك يا ليلي
ليلي: الله يسلمك يا علا، بقولك انا عندي عزومة فجأة و عايزة انشغل معاكي علشان اخلص
علا: و انا كلي إذان صاغية
ليلي: لقيت ماهر راجع و معه حاجات و يقول اعملي غداء علشان اخويا و مراته جايين و امي و ابويا هيطلعوا.
علا: و انتي هتحلقي تخلصي ،دي سلفتك عقربة
ليلي بعصبية: هو ده اللي مضايقيني، لسه عايزة انظف البيت و اعمل أكل كتير علشان املي عينها.
علا: انا مش عارفة هي ماجدة شايفة نفسها على ايه
ليلي: انا عارفة،و المفروض انا اللي كنت اتجوزت في الشقة اللي برة، جت هي و قالت أخرج انا برة علشان ليلي صغيرة و تكون وسطكم.
علا: عقربة من يومها، طلعت نفسها تحبك و ريحت نفسها من بيت العيلة و سبتك انتي
ليلي: انا اللي يزعلني ديما تتريق على أي حاجة اعميله،و الكل شايف انها طيبة و غلبانة، و ديما تقلل من أي حاجة بعمليها.
علا : معلش انا معاكي على التلفيون و اعملي اللي يرضيكي و سيبك منها.
////////////
بعد وقت طلع ابو ماهر و أمه
و وصل اخوه و مراته.
و ليلي كانت عاملة سفرة محترمة و تخطف العين
قاعدوا على السفرة
ليلي: منورين يا جماعة
ياسر: بنورك يا مرات اخوكي
ليلي: يارب الاكل يعجبكم
ابو ماهر : ما شاء الله الاكل حلو.
أم ماهر: تسلم ايدك طول عمرك شاطرة في المطبخ.
ليلي: ربنا يجبر بخاطركم.
اتكلمت ماجدة: هي اللحمة دي ، لحمة ايه يا ليلي
ليلي: يعني ايه لحمة ايه
ماجدة: شكل نوع اللحمة مش حلوة
ليلي: دي اسالي فيها ماهر هو اللي جايب اللحمة.
ماجدة: لا لو كده تكون حلوة
و ضحكت و قالت: بهزر معاكي ليلي
ليلي: تدوم الضحكة يا ماجدة.
سكتت شوية و ليلي مستنية أنها تنقد حاجة تاني.
و فعلا دقائق و قالت: بس أنا مش حاسة بالتقدير منك
ليلي: ليه بتقولي كده.
ماجدة: اصل تحسي الاكل على القد
ليلي اتعصبت و قالت: انا عرفت انكم جاين الساعة التلاتة، وقفت على رجلي بالساعات و عملت اكتر من صنف و بدل ما تقولي شكرا ،تقولي كده.
الكل كان قاعد يأكل عادي و هما شايفين أنها بتهزر و مفيش حاجة و ماجدة تكلم و على وشها ابتسامة ،عكس ليلي اللي وشها هينفجر من الغضب.
///////
بعد شوية كانوا قاعدين في الصالون و قدمت ليلي حلويات
بصت ماجدة على الستارة و قالت::هو ايه الغباء ده ،هو في حد لسه عنده ستائر من دي، انا متجوزة بعدك و غيرت الستائر اكتر من مرة
ليلي بعصبية: احترامي نفسك يا ماجدة، ستائر ايه اللي اغيرها أن بقالي شهور بس متجوزة.
و كان الكل أعمي عن كلام ماجدة انا الكل انصدم من جملة ليلي
ماهر: انتي مجنونة يا ليلي
ليلي: انا اللي مجنونة ،دي من وقت ما جات و هي تغلط فيا ، و انا ساكتة بس توصل أنها تغلط في اهلي.
ماجدة: و انا غلطت في أهلك
ليلي: أيوة غلطتي ،علشان الستائر دي من جهازي و اهلي اللي جايبنها يبقي تغلطي في مين، انتي ليه ديما عاملة كده
ماجدة: عاملة ايه يا اختي
ليلي: تحبي تقللي مني و من اي حاجه اعملها ،عمرك ما قولتي شكرا على حاجة عملتها.
ماجدة: مش لما تعملي حاجة حلوة تستحق ابقي اشكر فيكي
ليلي بعصبية: ماجدة اطلعي برة بيتي
ياسر بغضب: اخس عليكي يا ليلي، انا غلطان اني جيت انا و مراتي، شكرا يا ماهر على التهزيق .
ماهر : حقك عليا يا ياسر
و بص على ليلي و قال: اعتذري ل ماجدة
ليلي بعصبية: انت بجد مش شايف هي عملت ايه و كلامها اللي بتقوله من اول ما جت
ماهر: اي كان اللي حصل ،كان لازم تحترمي ماجدة و هي في بيتك ، مش تقلي ادبك
ليلي: انا مش قليلة الادب..
ام ماهر : يا بنتي ماجدة طول عمرها كلامها كده هي بتهزر و مش قصدها تزعلك
ليلي بحزن: هو في هزار في كسر الخاطر.
ابو ماهر: كبرتي الموضوع يا ليلي
ليلي باستغراب: انا بجد مستغربة ردة فعلكم هي قالت عليا كلام كتير و اول مانا قولت حاجة الدنيا اتقلبت ،انتوا ازاي شايفين كلامها عادي
عيطت ماجدة دموع تمسايح و قالت: ياريتني ما جيت
ليلي: انتي ممثلة محترفة
زعق ماهر وقال: مش عايزة منك غير كلمة واحدة ،قوليها أو تبقي طالق
نزلت دموع ليلي و قالت: بسهولة كده عايز تطلقني و احنا بقالنا شهور بس، و انت من جوك متاكد أنها تقصد تضايقني.
ماهر: من غير كلام كتير نفذي الطلب
ليلي: ثانية واحدة
دخلت الاوضة بعتت رسالة لاخوها يكون عندها في ثواني
و لمت دهبها و كل الفلوس اللي في البيت و شنطة هدومها و بعدين خرجت
استغربوا من شنطة الهدوم ، قال ماهر: على فين
ليلي: انا مش استني تطلقني انا اللي بقولك طلقني ،بس قبل الطلاق عندي شوية حاجات بسيطة لازم تسمعوها
فتحت تلفيونات على تسجيل المكالمات و قالت : دي مكالمة ماجدة ليا قبل الجواز
ماجدة: ازيك يا ليلي
ليلي: الله يسلمك
ماجدة: كنت عايزة اقولك حاجه و خايفة تفهمني غلط
ليلي:هفهمك صح ان شاء الله
ماجدة: انتي زي اختي الصغيرة ،علشان كده بقولك بلاش تتجوزي عادل، العيلة دي بخيلة في كل حاجه، مشاعرهم و الفلوس و كمان لسانهم طويل و ساعات توصل لمد الأيد ،انا شايفة معاهم المر ، على العموم دي نصيحة لوجه الله و براحتك ،انا عارفة انك عاقلة و هتفهمي الكلام.
قفلت ليلي و قالت: الحمد لله أن تلفيون يسجل المكالمات ،سمعتوا بنفسكم بس انا لما حكيت لماما قالت دي عايزة تخرب عليكي و تجوز اختها العانس لعادل و انا سمعت الكلام بودني يوم لما كنت معزومة عندك بعد الجواز و برضو سجلت كلامك مع اختك،لما كنتي انتي و هي في المطبخ و انا من طيبة قلبي قولت اقوم أساعدك ،و ربنا ارد يكشف حقيقتك ليا.
و فتحت ليلي التسجيل
ناهد: هو انتي مجنونة يا ماجدة تعزمي ليلي عندك
ماجدة: هو أنا اللي عزمت ده المخفي ياسر و مكنش ينفع اقول لا
ناهد: مش لو كنتي بوظتي الجوزة كان زماني انا اللي سلفتك
ماجدة: على يدك يا ناهد عملت المستحيل و مفيش فايدة البت ملية دماغ ماهر.
ليلي: تحبوا تسمعوا حاجات تانية و كتير، زي شتائم فيكم و صفات سيئة فيك يا ياسر و كل ده و انا ساكتة و بقول علشان اعيش و مينفعش أتطلق و انا لسه عروسة ،بس توصل لحد اختار كرامتي أو الطلاق
جزت على أسنانها وقالت: في ستين داهيه أنت يا ماهر و أهلك بالنقر ،اتوف عليكم عيلة وطية ،طلقني
الكل كان وافق مصدوم من التسجيلات بتاعت ماجدة ،كانوا يقبلوا منها كل حاجه و شايفين أنها ملاك من السماء، الصدمة كانت كبيرة عليهم و محدش عارف يتكلم ،و في وقت مهما مذهولين و يلوم ماجدة ،كان وصل اخو ليلي اللي بيتي كان قريب و مشيت ليلي على بيت اهلها.
//(((((
بعد فترة
كانت ماجدة اتطلقت
و ماهر و أهله يحاولو مع ليلي تسامح و ترجع و هي رفضت و أطلقت من ماهر.
و كانت اخر جملة قبل الطلاق لماهر:
_ أنا عايزة راجل و انا معه اكون وردة مفتحة مش طول الوقت افكر ارضي ده ازاي، و اشوف ده عايز ايه علشان جوزي يرضي عني، عايزة راجل ميسكتش عن الحق لاي سبب و انت مش الراجل ده .
بعد الطلاق ليلي اتجوزت بس كان شرطها تعيش بعيد عن بيت العيلة
و تمت و ليس للحديث بقية
رايكم يا حلوين 🥰
متنسوش المتابعة للصفحة علشان يصل لكم كل جديد
#ليلى
#روايات__بقلم_منال_كريم
♥️♥️♥️♥️♥️♥️♥️♥️
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل وسلم وبارك على سيدنا محمد
لا حول ولا قوه الا بالله العلي العظيم
♥️♥️♥️♥️♥️♥️♥️♥️♥️