البحث عن عريس هندي
الفصل الثالث
راكان ضر….ب مسـ,ـك بالسـ,ـكين و رقبتها نزفت
///////////////
عند بسمة خرجت من الحمام و بتدور على مسك اللي اختفت من المعطم و كل ما ترن عليها مش بترد.
رنت على طارق
اللي رد من اول رنة و قال: خير يا بسمة ،اكيد في مصيبة صح
بسمة بتوتر: مستر طارق انا مش عارفة مسك رحت فين
طارق: يعني ايه ،هي فين مسك مش كانت معاكي
بسمة بتوتر: احنا فعلا كنا مع بعض، و انا دخلت الحمام ،و خرجت ملقتهش في المطعم
طارق : رني عليها
بسمة: رنت كانت مش بترد و بعدين الموبايل اتقفل.
طارق: عنوان المطعم ايه يا بسمة.
قالت بسمة العنوان و بدأت اسال عليها
عند طارق اول ما سمع خرج من الشركة بسرعة وراءه زياد و هو يقول: طيب فهمني في ايه ،مالهم البنات
طارق بخوف : مش لقينا مسك
زياد : هتكون رحت فين
طارق: مش عارف، انا مرعوب عليها، انت عارفها مفيش عندها مخ
زياد: اهدا بس ربنا يسترها ،هي مش عيلة صغيرة
طارق: هي عيلة بس كبيرة ،التفكير عندها صفر.
/////////
عند مسك
راكان بصوت عالي: اخلصي.
مسك بخوف: حاضر
أدت راكان كل الفلوس اللي معها و الموبايل و بعدين قال: يلا مع السلامة انتي، الصراحة انتي غبية اوي
نزلت من التاكسي بحزن و عاملة تعيط، مشيت و طلبت من حد يوصلها لمركز الشرطة.
////////
في نفس الوقت كان طارق و زياد و بسمة بلغوا الشرطة.
//////////
بعد شوية رجعت مسك الاوتيل معهم بعد ما راحوا لها قسم الشرطة
/////////
في مطعم الاوتيل
طارق وصل لقمة الغضب و قال بعصبية: هو اللي حصل ده بجد، انتي عملتي كده بجد، هو مفيش عقل خالص.
زياد: طارق انت متعصب دلوقتي ،و كمان حالة مسك مش كويسة يبقي مش وقت كلام دلوقتي.
بسمة: بعد اذنك يا مستر طارق اخد مسك علشان ترتاح و نأجل الكلام دلوقتي.
جز على أسنانه و قال: خديها من قدمي دلوقتي.
طلعت مسك اللي كانت بتعيط بصمت مع بسمة.
زياد: انا عارف انك متعصب من خوفك عليها، و محدش يقدر ينكر أنها غلطت ،بس حاول تهدا.
طارق بجنون : انت فاهم انا موقفي ايه، عد عندك اولا انا المسؤولة عنكم يعني لو حد فيكم حصله حاجة يبقي ذنبوا في رقبتي، ثانيا دي حبيبتي و كنت هتجنن و انا مش عارف هي فين، و ضيف عليهم أن اللي وافقت انها تخرج هي و بسمة يعني أتحمل ذنب للمرة التاتية، انا حاسس أن دماغي هتنفجر
زياد: طيب اهدا بس، عدت على خير الحمد لله
نفخ بضيق و قال: هاين عليا اطلع اجبها من شعرها
ضحك زياد و قال: مش هقتدر علشان انت بتحبه.
ضحك طارق و مردش عليه و هو شايف ان ده حب من غير امل.
////////
في الاوضة
مسك قاعدة على السرير و بتعيط و بسمة جنبها و قالت:خالص يا مسك احمدي ربنا أنها عدت على خير
مسك بدموع: انا كان ممكن أموت يا بسمة
بسمة: بعد الشر يا حبيبتي
مسك بانهيار : انا بحمد ربنا أن جت على قد السرقة بس
بسمة: الحمد لله ،قومي خدي حمام و صلي و اشكري ربنا
قامت مسك خدت حمام و بعدين صلت و خرجت البلكونة ،رنت على امها
نجلاء بخوف: ازيك يا قلب ماما،عاملة ايه
مسك: الحمد لله بخير يا ماما ،انتي عاملة ايه
نجلاء: بخير يا حبيبتي علشان سمعت صوتك، طمنيني عنك
مقدرتش مسك تمسك دموعها، سالت نجلاء بلهفة : في ايه يا مسك
مسك حاولت تكون طبيعية و قالت: مفيش حاجة يا ماما أنا كويسة
نجلاء: بجد
مسك: أيوة يا حبيبتي ،يلا سلام دلوقتي
نجلاء: لا اله الا الله
مسك: محمد رسول الله
قفلت مسك و انفجرت من العياط ،كل ده و كان وافق طارق في البلكونة اللي جنبها و قال بحزن : كفاية عياط يا مسك
مسحت دموعها و قالت بندم: انا اسفة يا مستر طارق
طارق: حصل خير ،بس خدي بالك المرة الجاية، علشان لو الغباء ده اتكرر مش هيحصل كويس و ردة فعلي هيبقي صعب.
مسك: حاضر، عارف يا مستر طارق انا مش زعلانة على الفلوس و الموبايل
طارق: اومال زعلانة ليه
مسك: الوطي ضحك عليا و عشمني بال
قبل ما تكمل الجملة قال بصوت عالي: نهارك اسود عشمك بايه انطقي
ردت بكل هدوء: اني اشوف شارو خان و انا كنت مجهزة نفسي على كده
عض اضافره و قال: غوري من وشي يا مسك
مسك بعدم مبالاة : ليه بس
زعق اكتر : غوري من وشي
ضحكت مسك وقالت: طيب براحة، بس على فكرة
طارق: ها
مسك: انا اسفة
و دخلت مسك و طارق قلبه يدق من كتر ما يحبه
///////////
عدى كام يوم و مسك و بسمة مش بيتحركوا من الاوضة بأمر من طارق
مسك بعصبية: انا زهقت بجد الايام بتعدي و انا معملتش اي حاجه ، و قاعدة محبوسة هنا
بسمة: هو ده عقابك
مسك: ليه بس يا بوسي
بسمة: من الاخر لو عايزة تخرجي اطلبي الاذن من طارق
مسك: ما هو مش هيوافق
بسمة: يبقي الموضوع بره عني
مسك: طيب انا زهقانه اوي
بسمة: علشان الزهق ده احكيلي حكاية خطيبك و ايه سبب الفركشة
مسك بزهق : يا بنتي حكاية الحكاية كتير اوي
بسمة : أصلها حكاية مسلية و تضحك
مسك: طيب يا اختي اسمعي، كان بابا الله يرحمه لسه عايش، و ده كان ابن واحد صاحبه انا أساس و علي يدك مكنتش موافقة بس بابا غصب عليا ،المهم علشان خاطر صلة الرحم تخليت عن طموحي و احلامي، اني اتجوز واحدة زي شارو خان ، مش الأستاذ يحمد ربنا ،ابدا كان مجنون بعيد عنك.
بسمة: ايه اللي حصل
مسك :بصي يا ستي و اسمعي علشان مش هحكي الحكاية تاني
////////
فلاش باك
من سنتين
في بيت مسك
كانوا أهل خطيبها معزومين على الغداء، و بعد ما خلصوا اكل، كانت قاعدة مسك مع خطيبها في صالة البيت و باقي العيلة قاعدين في اوضة الصالون
مسك: كنت عايزة اقول حاجه يا محمود
محمود: اتفضلي يا مسك
مسك بحسن نية: بقولك القميص بتاع محمد اخوك ده حلو اوي ،ابقي هات واحد زيه،هيكون عليك حلو .
محمود بص عليها بغضب و غيرة عامية و قال:
انتي مركزه مع اخويا ليه
ردت مسك بعصبية : و انا هركز ليه مع اخوك ،انت في حاجة في مخك
زعق و قال:اتكلمي كويس ،و اسالي نفسك ايه اللي يخليكي تقولي كده.
مسك : عادي جدا على فكرة ، انت اللي في حاجة في دماغك .
بص عليها من غير كلام ،دقايق صمت و بعدين قام و قال بصوت عالي: بابا ،ماما يلا نمشي
وقفت مسك و هي بتبص عليه بذهول.
جت كل العيلة و سال ابو مسك: في ايه محمود
محمود: مفيش حاجه يا عمي احنا هنمشي دلوقتي
ابو محمود: هو جنان يا ابني مش كنا قاعدين كويس ايه اللي حصل
مسك: انا اللي هقولكم ايه اللي حصل
محمود بصوت عالي: أخرسي يا خاينة
شاورت مسك بإشارة أنه مجنون و قالت: لا بقي انت عقلك خارج نطاق التغطية ، خاينة مرة واحدة ربنا يشفيك
ابو مسك: الكلمة اللي انت قولتها كبيرة يا محمود و حسابها كبيرة بس اسمع من بنتي الاول
مسك: ايه اللي حصل يا بابا، بقوله هات قميص زي بتاع محمد هيبقي حلو عليك، في غلط في كلامي
الكل هز رأسه بالرفض
كملت مسك: البيه زعل اوي و يقولي ليه مركزة مع اخويا، الواضح أن الموضوع مش غيرة بسبيي ،انت شكلك مريض نفسي و الحمد لله ربنا كشفك على حقيقتك، انا مش عايزة اكمل
محمود: و انتي فاكرة همسك فيكي في ستين داهية
جزت على أسنانه بغيظ وفي اقل من ثانية مسكت فاظة الورد و كسرته على رأسه تحت ذهول الكل
//////////
عودة
بسمة هتموت من الضحك و بتقول: بجد مش قادرة اصدق انك عملتي كده
مسك: اعمل ايه واحد مجنون
بسمة: الليلة خلصت علي ايه
مسك: اتخيط خمس عزز، و الخطوبة الحمد اتفكتت ومحمد اخوه شايل منه لحد دلوقتي
بسمة: هو غبي و مجنون
مسك: و نرجسي و معقد و كل الصفات السيئة ،الا ما فيه صفة واحدة من شارو خان
بسمة: يا شيخة كان يوم اسود يوم المسلسلات و الافلام الهنديه نزلت مصر
مسك: دي احسن حاجه يا بوسي
بسمة: انا هدخل اخد حمام وأخرج اوعي تخرحي من الاوضة
مسك: متخافيش
بسمة بقلق: يارب استرها
كانت مسك تلعب في التلفيون، رن التلفيون برقم غريب ،فتحت الخط: الو
اريان: وحشتني يا مسك
اتخضت مسك و قالت: مين
اريان: كده انا زعلان مش عارفة صوتي
مسك: لو مقولتش مين انا هقفل
اريان: انا اريان
قلبها دق و قالت: نعم مستر اريان
اريان: انا مستني في كافتيريا الاوتيل محتاج اتكلم معاكي ضروري
و للحديث بقية
تفتكروا مسك هتغلط مرة تانية و تقابل اريان أو لا
#االبحث_عن_عريس_هندي
#الفصل_الثالث
#روايات_بقلم_منال_كريم
♥️♥️♥️♥️♥️♥️♥️♥️
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل وسلم وبارك على سيدنا محمد
لا اله الا الله وحده لا شريك له له الملك وله الحمد وهو على كل شيء قدير
لا حول ولا قوه الا بالله العلي العظيم
♥️♥️♥️♥️♥️♥️♥️♥️♥️
