البحث عن عريس هندي بقلم منال كريم

طارق: على رأي بسمة طالما بتحبي الهند خليكي محبوسة هنا العمر كله و على فكرة أنا حرقت جوز السفر علشان محدش يعرف عنك حاجة،و كمان هقول لامك بنتك ماتت فى الهند.

بسمة: مبروك عليكي السجن في الهند

و اتحركوا من قدمها ،جريت مسك وراهم طارق زقها بقوة و مشيوا و سبوها و هي تصرخ و تعيط…
////////////
في بيت مسك في مصر

صحيت على صوت نجلاء و هي تقول: مسك يا مسك.

فتحت عيونها بصعوبة و قالت: في ايه يا ماما

نجلاء: يلا علشان الشغل

اتعدلت مسك و حطت أيدها على رأسها بتعب و سالت: شغل ايه مش انا محبوس في الهند

خبطت نجلاء على صدرها و قالت : يادي الهند و الهنود اللي كلوا عقلك

مسك: ماما مش انا المفروض اسافر الهند تباع الشركة

نجلاء: هي الشركة فعلا مطلعة رحلة بس اللي رايح مديرك طارق و زياد ،و مفيش بنات هتروح و هما لو قالوا إنك تروحي انا عمري ما أوفق

مسك قامت وقفت على السرير و قالت: يعني انا لسه في مصر و مروحتش الهند صح

نجلاء: عوض عليا عوض الصابرين يارب، أيوة انتي في مصر

مسك بسعادة: الحمد لله يارب.

و دخلت الحمام بسرعة علشان تلبس و تروح الشركة و نجلاء مش فاهمة حاجة
///////
في الصالة

مسك: يلا الفطار جاهز

خرجت مسك و هي لبسه طرحة

زغرطت نجلاء و عيطت في نفس الوقت و قالت: اخيرا يا مسك كنتي خايفة اموت قبل ما اقنعك بلبس الحجاب

مسك: ربنا يبارك في صحتك يا جميل و سامحني لو زعلتك و تعبتك معي

نجلاء: يا حبيبتي انا مش تعبانة و لا زعلانة منك، انا عايزة أشوفك احسن واحدة في الدنيا،، و تعالي افطري

مسك: معلش لازم اروح الشركة حالا

نجلاء: انا مش فاهمة حاجة يا مسك

مسك: أن شاء الله اول ما ارجع احكيلك يا ست الكل.

و جريت مسك علشان تلحق طارق قبل ما يتحرك من الشركة على المطار و هي في الطريق ،افتكرت معاملة طارق ليها و تلامحيات اللي كانت تثبت انه بيحب مسك، يمكن نفس الدعم اللي كانت تشوفه في الافلام ،بس هي كانت عامية عنه.حتي هي معجبة ب طارق بس ديما كانت رسمة صورة معينة لفتي احلامها،علشان يجي الكابوس يغير حياتها
////////
بعد شوية

وصل التاكسي قدم الشركة ، نزلت مسك و دخلت الشركة جري، اتقابلت مع طارق اللي كان خارج ،اتصدم لما شافها بالحجاب.

طارق: مبروك أنك لبستي الحجاب

مسك: الله يبارك فيك

زياد: مالك بتجري كده ليه.

مسك: مفيش كنت عايزة اسلم عليكم قبل ما تمشوا، ترجعوا بالسلامة

زياد: الله يسلمك.

أما طارق كان وقف ساكت، اتحركت مسك من قدامهم

خبط زياد طارق على كتفه و قال: هتفضل اخرس لامته،اتحرك بدل ما ترجع بعد شهر و تكون طارت

طارق هز راسها بالرفض، و جري على مسك و قال: مسك، مسك.

وقفت مكانها و قالت: نعم

طارق: عايز اطلب منك طلب

مسك: اتفضل

طارق: لو ربنا عطني العمر و رجعت من السفر ،عايز اقابل الست الولادة

ضحكت مسك بخجل و قالت: عايزة ماما في ايه

طارق: هطلب ايد بنتها الوحيدة منها، تفتكري ممكن بنتها تستنا على ما ارجع.

مسك: ايه السبب اللي يخلي بنتها تستنا

طارق: اني بحبه من زمان، بس مش عارف هي بتحبني أو لا

مسك بسرعة: أيوة هي بتحبك و موافقة عليك

طارق بابتسامة: بحبك يا مسك.

و مشي طارق

جت بسمة و قالت: ايه اللي حصل علشان التغير ده.

مسك: شوفت حلم أو كابوس مش عارفه ،ظهر الجانب المظلم من الحياة اللي نفسي فيها، محدش سعيد أو حزين طول الوقت ،كل حد حياته فيها الحلو و الوحش، انا كنت حابسة نفسي داخل اوهام و حاجات مبجهة و تخطف العين من برة و من جوة ،ضلمة في ضلمة، لازم ارضي بنصيبي و بلاش ابص على حاجات تبان أنها بتلمع و هي ممكن تكون خدعة علشان اقع في الفخ.

بسمة: يعني مفيش شارو خان و لو عريس هندي

مسك: لا خلاص ،انا عريسي هو طارق، و الهند مبقتش البلد المفضلة ليا من اللحظة دي،و خالص من النهاردة مفيش غير طارق و مصر و مصر طارق، أما الهند و الهنود سلام من غير وداع….
///((((
رجع طارق بعد شهر و اتقدم ل مسك و اتفقوا على كل حاجه
///////
بعد سنة
اتجوزت مسك طارق و اختارت تسافر شهر العسل في الهند
،ولسه نحاول تخفف تعلقها بالمسلسلات الهندية..
/////////(
في مول تجاري

طارق: مبسوطة يا مسك

مسك بسعادة: مبسوطة اوي مش عارفه انا ازاي كنت عامية و مش شايفة حبك ليا

طارق: اديكي قولتي عامية

مسك بدلال: اخس عليك يا طارق

طارق: خلاص متزعليش حقك عليا.

مسك: انا مش زعلانة منك انا بحبك اوي..

في نفس المول

كان موجود زين و زينة

ماشية زينة بعصبية و حرفيا مش طايقة حد و ده العادي عندها و زين يعمل مستحيل علشان يخليها مبسوطة و هي مفيش فايدة

زين بحزن: هو في ايه يا زينة ما تتضحكي شوية

زينة. بعصبية: اظن انا قولتك مش عايزة أخرج صح، يبقي ما تقوليش اضحكي.

زين: انتي بقيتي عاملة كده ليه، مفيش حاجة بتعجبك و مهما تعمل ديما زعلانة و مخنوقة.

زينة: ما هو اللي يعيش معك انت و أهلك يكره نفسه.
زين كتم غيظه و قال::حرام عليكي يا زينة، انا نفسي تحسي بيا.

زينة بعصبية: ما تحس انتي بيا يا زين، و سبيني ارجع لندن،انا مخنوقة و مش طايقة نفسي و لا طايقة حد هنا،شوفت انت عملت ايه انت و اهلك، خلتوني اكره نفسي.

زين::انتي عادي عندك تقدري تبعدي عني، بس أنا لا.

زينة: معلش اصل انا قلبي قاسي و انت الملاك البريء.

سكتت زين و مردش عليها
/////////
عند طارق ومسك

طارق: مش كفاية بقي انا تعبت من اللف.

مسك: لسه بدري ،عايزة اشتري شوية حاجات.

طارق: ازهقي بقي يا مسك ،انا تعبت.

مسك: معلش شوية كمان.

طارق: ماشي
////////////
عند زين و زينة

زين: طيب ممكن ناكل في المطعم

زينة بعصبية: انا مليش نفس.

زين: معلش علشان خاطري.

زينة: ماشي.
//////////
في المطعم

زين: تأكلي ايه

زينة: ايه حاجة يا زين.

رن تلفيون زين، قال: هرد على تلفيون شغل و اجي.

هزت راسها بالموافقة.

دخلت مسك المطعم و لمحت زينة، جريت عليها و قعدت قصدها و قالت: ايه ده انا عارفكي ،انا بحبك اوي.

ضحكت زينة بالعافية و قالت: اهلا

مسك: أنا كان نفسي اكون زيك

زينة: زي ازاي

مسك: انا شغالة في شركة سياحية و نفسي اعملي شركة خاصة بيا في لندن زيك، و كمان كنت بحلم جوزي يبقي هندي زي جوزك.

زينة: و مالهم المصريين

مسك: كويسين اوي انا اصل انا اتجوزت طارق مصري و لقيت أنه احسن من الهندي

زينة: اسمعي مني يا مسك، مفيش احسن من الراجل المصري

مسك: ليه حاسة بكلامك انك ندمانة.

زينة: لو الزمن رجع بيا مكنتش اختبارات اتجوز هندي، مفيش احسن من مصر.

مسك: انا بحب المسلسلات الهنديه و الهند اوي.

زينة بعصبية: اسكتي يا هبلة كلهم حاجات يضحكوا بيها علينا، مفيش احسن من مصر و المصريين.

كان زين سمع كل الكلام و طبعا زعل من كلامها.
////////
خلص يوم و رجع طارق و مسك على الاوتيل.

و زين و زينة رجعوا البيت

في اوضة زين و زينة

زينة شايفة أن زين متغير و ساكت خالص

زينة: انت مالك يا زين.

زين: مفيش حاجه

زينة: اصل شكلك زعلان

زين: هو حصل حاجة تزعل

زينة: لا محصلش

زين: يبقي خلاص ،مفيش حاجة

سكتت زينة شوية، و افتكرت كلامها في المطعم ،قالت: هو انت سمعت كلامي في المطعم صح.

مردش عليها.

قربت منه و قالت: شكلك سمعت ،طيب انا اسفة.

مردش عليها برة، كملت بندم: انا اسفة بجد ،حقك عليا ،انا كنت متعصبة علشان كده قولت راي من غير تفكير، انت عارف اني عصبية و لساني طويل، بلاش تزعلي مني.

زين: انتي عارفة اني بحبك و مقدرش ازعل منك ،و للاسف تستغلي النقطة دي.

ضحكت زينة و قالت: طيب على فكرة أنا بحبك

مردش عليها ، قالت بصوت عالي: فين الرد، قولي انا بحبك يا زوزو.

ابتسم و قال: لا مش قايل.

زينة بدلع: اخس عليك يا زينو، اهون عليك

زين: بحبك يا زوزو

زينة: قلب زوزو يا ناس..
///////////
في الاوتيل

مسك: انا مش قادرة اصدق ان شهر العسل خلص

طارق:أن شاء الله حياتنا كلها هتكون عسل

مسك: بحبك يا طارق

طارق: و انا بحبك يا اجمل مسك

و تمت و ليس للحديث بقية

رايكم يا حلوين 🥰 🥰
#البحث_عن_عريس_هندي
#الفصل_الاخير
#روايات_بقلم_منال_كريم
♥️♥️♥️♥️♥️♥️♥️
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل وسلم وبارك على سيدنا محمد
لا حول ولا قوه الا بالله العلي العظيم
♥️♥️♥️♥️♥️♥️♥️♥️♥️