أيوب و خلود بقلم منال كريم الجزء الاول
في عز الليل
كانت بنت بتجري بأقصى سرعة عندها يمكن تهرب من الجحيم ده، صوت نفسها عالي، دموعها مغرقة وشها، لدرجة إنها مش شايفة كويس، فضلت تجري و مبقتش قادرة تمشي.
و فجأة وقفت مكانها و اتصدمت لما شافت مجموعة من الشباب و شكلهم مخيف و بيان عليهم يشربوا ممنوعات ،كانت هتموت من الخوف ،و هما بيقربوا منها و هي بترجع لورا برعب ، لحد ما خبطت في حاجة صلبة ، لفت وراها، لقيته بيبصلها بغضب ، و من غير ولا كلمة سابها ومشي.
بصت قدامها و بصت وراها و هي بتشيل شعرها اللي على وشها لورا بتوتر،،و كلمت نفسها: قدام جحيم، و ورا جحيم،،جحيم اعرفه أحسن من جحيم معرفوش..
و جريت وراه ايوب و هي خايفة من الشباب….
///////
كان قاعد في عربيته، قعدت جنبه و هو ابتسم بانتصار ، و ساق العربية
كلمت نفسها بنفاذ صبر: أنا شكلي هفضل في السجن ده طول عمري..
و كأنه سمع هي قالت ايه، فرد بتهديد : عمرك ما هتهربي مني يا خلود….
نزلت دموعها بصمت
////////
بعد شوية
وصل أيوب و خلود للقصر كبير ، و كل اللي تعدي عليه يبصلها بحقد و كراهية ، و الواضح أن كل اللي في القصر يكره خلود…
///////
وصلوا لحد الاوضة
زق الباب جامد و هي بتدخل وراه برعب..
رغم عصبيته سال بهدوء: امتى هتبطلي تهربي مني ؟
مردتش عليه ، سال ايوب مرة كمان: ساكتة ليه يا خلود؟ عايز أسمع صوتك.
قالت برعشة من كتر الخوف: أنا عايزة ارجع بيتي.
ضحك أيوب بسخرية و قال:
_انتي معندكيش بيت، هو ده بيتك وأنا عيلتك الوحيدة.
خلود بغضب :بس ده مش بيتي؛ ولا أنت من عيلتي، هفضل أحاول لحد ما أهرب من الجحيم ده.
قرب منها بغضب و مسك شعرها بقوة و صرخ:
بس ده بيتك، وأنا عيلتك الوحيدة، و مش عايز أسمع كلام تاني، حاولي 100 مرة؛ بس مش هتعرفي تطلعي من هنا.
بتحاول تفلت منه، بس مش عارفة، قالت بألم و خوف:بس أنا مش بحبك، و مش عايزاك. افهم و ابعد عني.
مسك شعرها أكتر، لحد ما صرخت من الوجع، بس هو ولا فارق معه ، و زعق بصوت مرعب :
_قولتلك 100 مرة مش عايز أسمع الكلمة دي، انتي بتحبيني أنا، قولي أنا بحبك يا أيوب.
بقت تترعش جامد من الخوف، و هو عينه عليها، يبص للبنت اللي سرقت قلبه و عقله منه، ..
خلود بغضب: أنا بكرهك يا ايوب
رغم الوجع من كلامها،ضحك ببرود و قال: افتكري أن أهلك باعوكي ليا بالرخيص اوي ، لو ناوية تهربي هتروحي فين.
نزلت دموعها بضعف و حزن ،وقالت: هروح في ستين داهية بس أبعد عنك و عنهم
زقها على الكنبة و قال: احلمي يا خلود.
و خرج أيوب من الاوضة و خلود منهارة من العياط
/////////////////////////////(
أما ايوب كان ماشي في الجنينة، و كلم نفسه بغضب: لو تعرفي انا بحبك قد ايه يا خلود، مش هتفكري تهربي مني، انتي شايفة أنك أسيرة عندي من 3 سنين،بس انا شايف ان دول احلى تلات سنين في حياتي، ازاي مش قادرة تحسي بحبي بعد كل ده، انا مش بحبك انا مجنون بيكي.
///////
أما هي كانت لسه قاعدة بتعيط و اول ما سمعت صوته ،عملت نفسها نائمة
دخل ايوب الاوضة، قعد جنبها على السرير و يبص لها باعجاب شديد، و قال::لو تعرفي أنا بحبك قد إيه يا خلود، مكنتيش تعملي كده، أنا عملت حاجات كتير عشانك، و مستعد أعمل أكتر من كده، بس مرة واحدة قولي بحبك، مستغربة اني مجنون بيكي ، طيب أنا ذنبي ايه قلبي اللي حبك.
قاطع كلام ايوب خبط الباب، و الخادمة اتكلمت من برة:ايوب باشا ،العشاء جاهز
ايوب :تمام.
بص لخلود و قال بحب:خلود ، عارف إنك مش نايمة.
اتكلمت و هي لسه مغمضة عينيها، و بصوت حزين سألت:عايز ايه؟
باس راسها بحنان و قال :خلود أنا آسف عشان خليتك تحسي بالخوف مني .
خلود بدموع:و بعدين
أيوب: و بعدين ايه؟
خلود: انا عايزة امشي من هنا
غير الموضوع و قال::يلا على الأكل.
هزت راسها بالرفض و دموعها نزلت و قالت:مش عايزة، لما بقعد مع الكل بحس بالخوف.
أيوب::بتخافي و أنا معاكي يا خلود؟
خلود : أنا بخاف منك أكتر من الكل.
حس بوجع في صدره، و قام من على السرير، بص على انعكاسها في المرايا، و سأل:
أنا عملت إيه؟ عشان تحسي كده، أنا عملت حاجات كتير علشانك،، و انتي لسه محبتينيش.
خلود :إزاي أحبك و انت اتجوزتني غصب.
ايوب:كفاية كلام و يلا وراءي.
خرجوا من الاوضة و مشيوا على أوضة السفرة
كانت العيلة متجمعة
ام ايوب( نجوى)ليه مش بتاكلي يا خلود؟
قبل ما ترد خلود ،قال ايوب: ماما هي براحتها تاكل او لا.
نجوى بغضب : انا معملتش حاجة، بس بقولها كلي.
ايوب : هي هنا صاحبة القصر ، و تعمل اللي هي عايزاه.
الكلام ده متزعلش نجوى بس، ده كمان زعل تمارا بنت عم أيوب اللي قالت من غير. كسوف:
كنت المفروض اكون انا مراتك يا ايوب ، و بحبك من و احنا صغيرين و في الاخر اتجوزت واحدة من برة العيلة و كمان فقيرة..
خلود حست بالغيرة، أما ايوب رد بكل هدوء: رغم أنك من عائلتي و بتحبني اوي بس انا حبيت خلود مش انتي، ..
داغر بغضب( اخو ايوب الصغير) : خلي عندك دم و دراي مشاعرك ايه مفيش بربع جنيه كرامة..
ايوب بسخرية : الكرامة دي ليها ناسها زي خلود كده لما تمارا لا..
مجرد ما قال كده، خرجت تمارا بإحراج وراءها نجوى و داغر .
و فضلت خلود اللي كانت ساكتة طول الوقت و ايوب اللي قال::: ليه مش بتاكلي يا خلود..
خلود بخوف: أيوب أنا عايزة امشي من هنا.
ايوب : أنتي غبية ولا رافضة تقبلي بالأمر الواقع؟
انتي مراتي و حبيبتي عمرك ما تهربي مني
خلود بحزن: مش كفاية 3 سنين و أنا معك ، انا مكنتش موافقة على الجواز اهلي هما السبب، أنت خدت مني كل حاجه.
ايوب بغضب:
_خدت منك إيه يا خلود؟ ده أنا اللي عملت كل حاجة عشان أبقى معاكي..
صرخت و هي بتضربه بالقلم على وشه و دموعها نازلة بغزارة: : خدت شبابي، خدت حياتي، حرمتني من عائلتي، كل ده من غير إذني، خلتيني أعيش في مكان مش مكاني، و ناس بتكرهني.
ايوب بحزن: مش عايزة تقولي أني حبيتك اكتر من نفسي، و تحملت منك كل الإهانات علشان بحبك.
مسحت دموعها و قالت بحزن: كفاية إني قولت إنك سرقت حياتي مني.
خرج أيوب من غير رد و افتكر من تلات سنين
///(/////
فلاش باك
في قرية صغيرة
كان ماشي ايوب مع داغر اللي قال: انا مش عارف ايه السبب انك تجي البلد
ايوب: علشان نطمئن على املاكنا اللي هنا ،المال السايب يعلم السرقة .
داغر: خلينا نبيع كل حاجه هنا و نخلص من البلد.
ايوب: هعمل كده، و نركز في الشركة..
و ايوب ماشي خبط في بنت ،زعقت بعصبية:خلي بالك يا أستاذ .
بص ايوب عليها بإعجاب و قال: براحة يا جميل..
مشيت خلود من قدمه من غير رد، و هو بص عليها بإعجاب.
و الغريب من اول نظرة دخلت قلبها
//////(////////
في بيت عائلة خلود
ايوب بغرور : أنا جاي وطالب ايد بنتك
ابو خلود: شرف لنا ايوب يا بيه
ايوب :عايز اخلص كل حاجه في ظرف اسبوع
ابو خلود: تحت امرك يا بيه
خرجت خلود من الاوضه بعصبيه وقالت: و انا مش موافقه
زعق أبو خلود وهو بيقول: اتجننتي ولا ايه هو انتي تطولي ولا تحلمي بجوزة زي دي
ضحك ايوب وقال : أنا مستعد ادفع اي مبلغ و الفرح يتم آخر الاسبوع
أبو خلود بطمع::و أنا موافق يا ايوب باشا و يشرفني نسبك.
رغم رفض خلود ،تمت الجوازة غصب عنها وحرفيا اهلها باعوها علشان الفلوس..
///////////
و رجع أيوب مع خلود و هي مراته
//////(////
في القصر
الكل أتصدم و قالت نجوى بعصبية: أنت راجع و معك مصيبة سودة.
ايوب بهدوء: دي مراتي و من النهاردة الكل يحترمها.
داغر بعصبية: انا كنت على وشك الجنون من ابنك يا ماما ، من اول نظرة حب البنت دي و اتجوزها بالعافية
نجوى: ايوب دي مش من مستوى العيلة
ايوب بهدوء: أنا بحبها و الموضوع انتهى.
و مسك ايد خلود و دخل الاوضة
/////////
في الاوضة
ايوب: ايه رايك في الاوضة
مردتش عليه
سال ايوب تاني : مبسوطة يا خلود
خلود بعصبية: أكيد لأ؛ إزاي أبقى مبسوطة وأنا هنا بالغضب ؟ عايزة أرجع بيتي.
ايوب : من النهاردة ،ده بيتك وأنا عيلتك الوحيدة.
خلود بحزن:لأ ده مش بيتي.
بص عليها بدون رد و دخل الحمام
////////////
بليل خلود بتبص على ايوب اللي في سابع نومه. قامت بحذر و خرجت من الاوضة و كلمت نفسها:: يارب اعرف اهرب من هنا.
جاه الرد من ايوب و هو بيقول: انتي صعب تهربي من هنا ، بلاش تعذبي نفسك.
بصت له بتحدي و قالت: هحاول اهرب و أن شاء الله هنجح
ايوب: انا مستني.
و دخل ايوب و خلود وراءه و طول التلات سنين خلود تحاول الهروب من غير فايدة
///////////////
عودة
ايوب بتحدي: مش هتقدري تهربي مني يا خلود مهما يحصل.
جات تمارا عليه و سالت: حصل إيه يا أيوب؟
ايوب :إيه؟
تمارا بنظرة خبيثة:زعلان ليه كده ؟اكيد بسبب خلود؟
ايوب: و انتي مالك يا تمارا؟
تمارا : أيوب أنا بحبك ، و مستعدة اكون خادمة تحت رجلك
زقها جامد لحد ما وقعت على الأرض، و صرخ بنبرة مرعبة :تمارا انا مش بحبك و بحب خلود و ابعدي عني احسن لك.
و مشي من قدمها و هي قالت بغيظ: هقتلك يا خلود..
//////////
دخل ايوب الاوضة و هو متعصب، و قالت خلود: انا زهقت منك و من البيت ده و عايزة أرجع لبيتي
بص عليها بغضب و قال: انتي ليه مش بتفهمي، قولتك ده بيتك و ملكيش بيت تاني، ابوكي الفلوس كانت عنده أهم منك، بيت ايه اللي عايزة ترجعيه، انتي عامية اوي كده مش شايفة حبي لكي يا خلود
و لاول مرة نزلت دموعه و قال بمنتهي الضعف: انا عارف اني غلطت علشان اتجوزت غصبب، بس انا عملت كده علشان بحبك، أنا مش بحبك يا خلود، أنا مهووس بيكي عديت مرحلة الحب،نفسي تقبلي تكملي معي.
خلود : انا اسفة بس انا مش بحبك
و الحقيقة مشاعر خلود كانت متلخبطة، ايوب صعبان عليها و في نفس الوقت عايزة تهرب من هنا..
/////////
عدى اسبوع
كان ايوب في الشركة، و خلود زي العادة في اوضتها.
خبط الباب، قالت : مين؟
الخادمة: مدام نجوى عايزة حضرتك..
خلود باستغراب : عايزة ايه
الخادمة: معرفش ،بس على طول
خلود: تمام .
و كلمت نفسها: و دي عايزة مني ايه انا علاقتي مقطوعة معاهم كلهم، و مش بحب حد فيهم..
قامت من مكانها و خرجت من الاوضة و نزلت تحت، كان موجود نجوى و تمارا و شخص غريب.
خلود : نعم
نجوى: اقعدي،عايزة اكلمك في موضوع مهم.
قعدت خلود و قالت : نعم
نجوى: انتي عايزة تمشي من هنا
خلود: ياريت امشي من البيت ده
نجوى: احنا هنساعدك
خلود بفضول: ازاي؟
شاورت نجوى على مندور و قالت: مندور هيساعدك تهربي من هنا و تروحي اي مكان.
خلود: أنا موافقة..
ضحكت تمارا و قالت: كده تبعدي عن أيوب و يكون ليا
حست خلود بالغيرة بس قالت: لايقين على بعض اوي ..
و اخيرا اتكلم مندور و قال: جهزي نفسك دلوقتي علشان نمشي
اتوترت خلود و قالت: دلوقتي حالا.
مندور: قبل ما ايوب يرجع من برة.
قامت خلود معه و قالت: أنا جاهزة
نجوى: مش هتخدي حاجة معاكي
خلود: كل حاجه ملك أيوب أنا جيت بطولي من غير شنطة هدومي…
مشي مندور و خلود وراءه و هي حاسة بالحزن أنها ماشية.
و قبل ما تخرج من القصر ،كان وصل ايوب اللي سال بعصبية: على فين يا خلود
اتوترت و قالت:كنت خارجة اتمشي شوية
ايوب : و ماشية مع مندور ليه. انتي تعرفيه.
خلود: لا
مندور: متفهمتش غلط يا ايوب
ايوب: اخرس انت خالص
جات نجوى و قالت: هي ماشية معه بكامل إرادتها
تمارا: مراتك على علاقة بأكبر منافس ليك.
نجوى: أنا شفت خلود بتكلم مع مندور الجنينة، و لما طردته صمتت تمشي معه
خلود بصدمة: الكلام ده كدب، أنا معملتش كده .
كان ايوب ساكت و يبص عليهم
مندور ببرود: بتكذبي ليه يا خلود ، أنا و أنتي بنحب بعض من فترة.
صرخت خلود و هي بتقول: ايوب صدقني أنا ،الكلام ده كدب
تمارا: ازاي عندك الطاقة انك تكذبي و ايوب شايفك خارجة مع مندور
نزلت دموع خلود و قالت: انا فعلا كنت ماشية معه، بس مش علشان بنحب بعض، علشان هما التلاتة قالوا إن مندور هيساعدني اهرب منك
جملة اهرب منك ،كسرت قلبه بعد كل حاجه يعملها علشانها مش قادرة تحبه،و الحقيقة هي بتحبه بس مش حاسة.
من غير كلام ايوب مشي من قدمهم و دخل القصر، و هو بيكلم نفسه: كده القرار في ايدك يا خلود عايزة تهربي مني أهربي،لو قررتي ترجعي يبقي انتي كده اخترتي سجني.
بصت خلود على نجوى و سالت: انتي عملتي كده ليه
نجوى: لو انتي غبية انا ذنبي ايه، انا عايزة اخلص منك باي طريقة و انتي هبلة و صدقتي اني ممكن اساعدك.
خلود بغضب : و انا بقي على قلبك و مش همشي من هنا
و دخلت خلود القصر و التلاتة متغاظين منها…
تمارا: و الحل
مندور: نخطفها
نجوى: لازم ناخد وقت في التفكير
مندور: متخافيش في دماغي خطة ممتازة
و اتفقوا التلاتة على خطف خلود
//////////
كان أيوب في اوضته على أعصابه خايف أن خلود تهرب
خد نفس براحة لما اتفتح باب الاوضة و كانت هي، وافقت قصاده و قالت بندم: انا اسفة اني حاولت اهرب،بس صدقني انا مش بحب مندور ده
مردتش عليها، مسكت ايديها و قالت::ممكن تسامحني و انا اوعدك مش هعمل كده تاني.
مردش عليها برضو، قالت بعصبية: رد عليا ،ايوب انا اسفة
ايوب: على ايه
خلود: اني حاولت اهرب
ايوب: ممكن اسالك سؤال
خلود: اتفضل
ايوب: مفيش ليا اي ذرة حب في قلبك.
من غير ما تفكر قالت: انت شايف ايه
ايوب بحزن: شايف واحدة بتعمل اي حاجه و كل حاجه عشان تبعد عني
خلود: انا كمان كنت شايفة كده، بس و انا خارجة من البيت النهاردة حسيت بشوية زعل
ضحك ايوب و سال: يعني ايه
ضحكت خلود و قالت: يعني اصبر يمكن علاقتنا تكون بالتراضي
ايوب: انا صبرت تلات سنين و مستعد اصبر العمر كله…
حضنها ايوب و هو بيقول : بحبك يا خلود
كلمت خلود نفسها و قالت: و انا كمان شكلي بحبك.
و من هنا هتبدا حياة جديدة ل ايوب و خلود
////
بعد اسبوع
في اوضة ايوب
صرخت خلود و هي بتقول: نعم هتسافر و تسبيني هنا لوحدي
ايوب بحزن: للاسف في صفقة مهمة و لازم أخلصها بنفسي..
خلود بخوف : و انا يا أيوب هتسبي مع أهلك لوحدي
ايوب: محدش هيقدر يعملك حاجة
خلود: لا يقدروا و أنت عارف انهم بيكرهوني
ايوب: متخافيش في كاميرات مراقبة و انا هكون على توصل ديما معاكي و كمان هوصي الحراس يخلوا بالهم منك
خلود بخوف: انا خايفة اوي،ايه رايك تاخدني معك
ايوب: كنت اتمنى بس للاسف مش هينفع
خلود: طيب حاول ترجع بسرعة
ابتسم و قال: هوحشك
خلود: لا طبعا علشان خايف من اهلك
زعل و قال: طيب اضحكي عليا بكلمة حلوة
مردتش عليه و تفكر ممكن نجوى تعمل فيها ايه…
/////((((
تاني يوم سافر أيوب ، و كانت فرصة مناسبة ل مندور ينفذ خطته و يخطف خلود.
كانت خلود تمشي في الجنينة و قرب مندور منها و قال::عاملة ايه يا خلود
خلود : أنت عايز ايه
مندور: عايز أساعدك
خلود: مش عايزة مساعدة منك.
مندور: ليه بس كده.
مشيت خلود من قدمه،لقت نجوى و تمارا قدمها و مندور وراء، سالت بخوف: هو في ايه؟
ضحكت تمارا و قالت: عايزنا نخلصك من ايوب
خلود: مش فاهمة حاجة
كانت اخر جملة قالتها خلود، قبل ما مندور يحقنها بحقنة مخدر…
////////////////
عند ايوب
اللي مضي ورق الصفقة في نفس اليوم علشان يرجع لك خلود بسرعة..
ايوب: احجز ليا على اول طائرة
داغر: متخلينا ناخد جولة في البلد
ايوب: قلبي مش مطمنن.
داغر: طيب ما تكلمها في التلفيون
أيوب: هي مين
ضحك داغر و قال::اكيد حبيت قلبك خلود
تنهد ايوب بحب و قال: انا بحبه اوي يا داغر..
داغر: ربنا يديم السعادة بينكم
ايوب: انت كمان مش ناوي
داغر: ناوي علي ايه
ايوب: انا عارف أنك بتحب تمارا من زمان
داغر قال بتوتر: انا بحب تمارا دي زي اختي
ايوب: يا عم بلاش كدب
داغر بحزن: انا بحب تمارا بس هي بتحبك
ايوب: تمارا بتحبك انت، بس هي مش مدركة ده
داغر: ربنا يسهل .
///////(//((((
في مخزن مهجور
فتحت خلود عينها لقت نفسها في اوضة مظلمة و مفيش نور،صرخت و هي بتقول: أنا فين، محدش هنا، حد يفتح النور انا بخاف
دخل مندور و قال: وطي صوتك
خلود بخوف: افتح النور
فتح النور و قال: من عيني
خلود برعب: انت عايز مني ايه
قعد مندور على كرسي و قال: عايز اكسر ايوب و مفيش غيرك يكسره اصل هو مجنون بيكي
خلود بدموع: حرام عليك انا معملتش حاجة لحد علشان يحصل فيا كده
مندور: سيبك من الكلام الكتير يا قطة، دلوقتي انا هبعت ل ايوب و أساله حياته أو حياتك ،تفتكري هيختار مين
صرخت خلود بخوف: ابعد عن أيوب، لو عايز تقتلني انا قدمك اهو
مندور: شكله بتحبي
من غير تفكير قالت: أيوة بحبه
ضحك مندور و طلب رقم ايوب، اللي رد و قال: عايز ايه يا مندور
مندور: عندي ليك أمانة
ايوب: خير
مندور: خلود معي
ايوب بغضب: انت كاذب
مندور: طيب اسمع كده، اتكلمي يا خلود
رفضت خلود تتكلم، قال مندور: خلود خايف عليك ، انا خطفتها و سالتها حياته ولا حياتك تخيل انها اختارت الموت بدلك.
رغم انه مش وقته بس ايوب فرح لما سمع كده وقال بصوت هادي: خلود عشان اعرف اتكلم معاه لو موجوده سمعيني صوتك
خلود: انا هنا يا ايوب
قلبه دقه اول ما سمع صوتها وقال بغضب : لو فكرت تلمس شعره منها هقتلك فاهم هقتلك يا مندور..
مندور: من غير كلام كتير اختار تموت انت او هي
أيوب من غير تفكير قال: اموت انا طبعا،انا على وصول اوعى تفكر تقرب منها خلود متخافيش طول مانا موجود
قفل مندور الخط و قال: اللي بينكم حب عظيم ، خلينا نستنا ايوب
و خرج مندور و خلود بقت تفتكر حياتها مع أيوب و قد ايه كان بيحبها
//////((/
في القصر
تمارا: مرات عمي انا شايفة أننا غلطنا لما اتفقنا مع مندور
نجوى:أخرسي يا تمارا احنا لازم نخلص من البنت دي هي مش من مستوانا
تمارا بحزن: انا ندمانة اني عملت كده و ربنا يستر من ردة فعل ايوب
نجوى: متخافيش من ايوب
//////((
بعد شوية
وصل ايوب و أتفق مع مندور على المكان اللي ها يتقابلوا فيه
و طلب من داغر يطلب البوليس
///////
في المخزن
مندور: ادخل شوف مراتك علشان نعرف نتكلم
ايوب: أخرج برة دلوقتي
مندور: ماشي يارب نخلص من الرومانسية و نتكلم في الشغل .
جري ايوب عليها و قال بندم: انا اسف ، أنا آسف يا خلود..
رجعت شعرها لورا بعصبية وسألت بغضب: اسف على ايه يا ايوب ،،، لو إنت وأنا ماشيين في الشارع وخبطتني بالغلط لو على كده ، ماشي أنا قابلة اعتذارك، لو غلطتك معي غلطة بسيطة يبقي انا موافقة على الاعتذار
بص ايوب على الأرض بندم و مش عارف يرد عليها
كملت خلود و هي منهارة من العياط: إنت رغم أنك عارف اني مش موافقة على الجواز،صمتت تجوزني ،خلتني أسيب بيتي و اهلي ،حتي لو اهلي باعوني انا بحبهم، و مش بس كده، فضلت محبوسة هنا 3 سنين؛ مش كفاية تخليني أهرب من العيشة دي؟ مش كفاية يا أيوب، انا عايشة في جحيم معك أنت و أهلك.
لف ضهره ليها، وبان عليه الندم و الحزن كان بيان في صوته و هو بيقول : خلود اسمعيني، انا كنت .
قامت من مكانها بعصبية، وقفت وراه وقالت:
بصلي يا ايوب.
فضل ساكت و اقف مكانه، عادت كلامها و قالت:
_ أيوب بص في وشي،،،،،بص في وشي وقولي بصراحة، إنت عايز مني إيه؟ أنا عايشة هنا في عذاب ، وكل ده بسببك إنت. انا طلبت منك متسبنيش مع أهلك لوحدي ، بس إنت مشيت، وكانت فرصة حلوة لامك إنها تخلص مني.
عندي سؤال عايزة إجابة عليها ، هي أمك بتعاقبني ليه؟ إنت الغلطان مش أنا، هي مش قادرة عليك ،بس تقدر عليا لاني ضعيفة و غلبانة.
و عيطت بصوت عالي ،خاف عليها ، و أخيراً لف و بص في ملامح وشها، وقال بهدوء:
أهو أنا ببص في وشك، عارف اني المذنب الوحيد في القصة، و أني كنت أناني لما أخترت سعادتي على سعادتك، انا ندمان بس انا حبي ليكي ملوش حدود قولي عني مجنون مهوس بيكي ،و معنديش كلمة تقولها غير اسف يا خلود
قعد على ركبه قدامها، رفع وشها عشان عينيها تبقى في عينه، وكمل بنبرة كلها عشق وجنون:
_ عارف إنك زعلانة مني ، بس أنا هبقى أناني معاكي، مش هسيبك تتحرري مني، هتفضلي هنا معايا.
ضربتها بالقلم و هي تصرخ : مش كفاية ، 3 سنين وأنا محبوسة هنا، و اتحرمت من أهلي بسبب انك بتحبني
ايوب : اعمل اي حاجة علشان بحبك.
هزت راسها بالنفي وقالت:
_ ده مش حب يا ايوب ، لو بتحبني كنت سيبتني أمشي من هنا ، علشان انا عايشة معك في جحيم
اتعصب ايوب و جز على سنانه بغيظ وسأل بنبرة حادة:
_ انتي عايشة في جحيم؟ اللي عايش في جحيم هو أنا مش إنتي، انا اللي اتحملت منك كل حاجه علشان بحبك و انتي لسه مش قادرة تحبني .
خلود: علشان مفيش حب و الجواز بالغصب
ايوب بأمر: خلود أنتي مراتي و حبيبتي غصب عنك، حتي لو هموت النهاردة هتكوني أرملتي..
بصت بخوف و سالت: موت ايه ،هو ممكن مندور يقتلك بجد
مردش عليه ،سالت تاني بخوف: ايوب رد عليا، انا مش عايزك تموت
ايوب باستغراب: انتي عبيطة و لا عندك انفصام شخصية ،انتي بقالك ساعة بتكلمي انك بتكرهني و عايزة تبعدي عني، يعني المفروض تفرحي اني اموت و اريحك
خلود بخوف: بعد الشر عليك لو حد هيموت يبقي انا
ايوب: مالك يا خلود انتي في واعيك
خلود: أيوة في واعية و مش عايزك تموت و في نفس الوقت مش عايزة اكمل معك..
ايوب: ليه
خلود : من غير سبب
في الوقت ده دخل مندور و قال: اظن كفاية كده ،نتكلم في الشغل ،هل هتختار ايه تمضي الصفقة و اسيبك تمشي مع مراتك، أو اقتل حد فيكم
ايوب ببرود: انت غبي يا مندور و عمرك ما تنجح في حاجة علشان غباءك ده، و انا مش عايز اتعب نفسي في الكلام معاك، البوليس على وصل و هو اللي ينهي الليلة دي
اتصدم مندور و قبل ما يفهم كان وصل البوليس و خدوا مندور.
ايوب: يلا علي البيت
خلود: لا عايزة ارجع بيتي
من غير شالها و رجع القصر و قابل داغر اللي قال: شوفت المصيبة
ايوب : خير
داغر بحزن:مندور اعتراف على امك أنها كانت متفقة معه على خطف خلود
ايوب بحزن: وصلت اني أمي تبقي مجرمة
خلود طلعت على أوضتها و هي تبص على. تمارا اللي منهارة من العياط .
داغر: هنعمل ايه
ايوب: امك هتاخد عقابه علشان هي مذنبة
و خرج ايوب الجنينة ، و داغر قعد جنب تمارا و قال: بطلي عياط و اهدي
تمارا بحزن: انا كمان اشتركت مع مرات عمي و مندور في خطف خلود
داغر بصدمة: بتقولي ايه
تمارا بحزن: هي دي الحقيقة يا داغر بس انا حسيت بالذنب بعد ما عملنا كده و قولت لمرات عمي بس هي قالت إن خلود مش من مستوانا
داغر بحزن : انا اتصدمت فيكي و في ماما
تمارا بندم: سامحني يا داغر
قام داغر ،و خرج الجنينة و راء ايوب و مش عارف يقوله أن تمارا مشتركة في الجريمة أو لا
/////////////
في جنينة القصر
داغر: مالك شكلك حزين
أيوب بحزن: حزين بسبب حاجات كتير،زي اللي ماما عملته و كمان توقعت بعد ما سافرت خلود تكتشف إنها بتحبني وتكمل معايا، بس هي لسه مش موافقة تكمل معايا…
داغر: انا شايف انك غلطان تتجوز واحدة غصب عنها و توقع منها الحب،،أسمع مني و رجع خلود لأهلها، وكفاية اللي شافته هنا من عذاب، لو بتحب خلود بجد سيبها ترجع بيتها.
أيوب: افهم يا داغر ، الكل بيقولي رجع خلود لأهلها، بس أنا مقدرش أبعد عنها، لا مش هستحمل، أنا بعشق البنت دي بجنون.
داغر: مش كل اللي يحب يعمل زيك
ايوب: لو حد وصل لنفس مرحلتي هيعمل اكتر من كده
داغر حب يسأل ايوب عن تمارا بشكل غير مباشر، فقال: يعني لو انا بحب و في طريقها اضغط على اللي بحبه تكمل معي غصب عنها كده صح
ايوب: مش ديما، انا فعلا استغلت فقر أهل خلود بس كنت واثق أنها اعجبت بيا
داغر بعدم فهم: لا استنا افهم، انت لسه بتقول خلود مش بتحبك، و دلوقتي تقول خلود معجبة بيك، انا مش فاهم حاجه
ايوب: خلود كانت معجب بيا و دلوقتي باكد لك أنها بتحبني بس هي بتكابر علشان طريقتي كانت معها غلط في البداية علشان كده مصممة تهرب مني
داغر: قصة حبك معقدة، عن اذنك
قام داغر طلع اوضته و قرر ما يكررش غلطة ايوب مع خلود..
/////////////////////
في الأوضة
دخل ايوب و كانت خلود نايمة على السرير بحزن، حاولت تنام كتير مش عارفة
قعد جنبها و سال: مالك يا حبيبتي
خلود بحزن: مش عارفة انام
ايوب بخوف ، مالك انتي تعبانة
خلود: لو طلبت منك طلب توافق
ايوب كان عارف ايه هو الطلب و قال: من غير ما أعرف موافق
خلود: استعجلت ليه ،اسمع الاول
ايوب بحزن: عايزة ترجعي بيت أهلك، قومي جهزي نفسك
سالت باستغراب: و ليه دلوقتي وافقت
ايوب بندم: علشان دلوقتي عرفت غلطتي ، يلا أنا مستني في العربية
خرج من الاوضة و هي كلمت نفسها: هو ده كان طلبي ،انا ليه زعلانة دلوقتي انه وافق، مش انا عايزة امشي ، و هو معندوش مانع، يبقي لازم امشي علشان شكل ايوب بطل يحبني.
خرجت خلود من الاوضه
