ايوب و خلود بقلم منال كريم الجزء الثاني
خرجت خلود من الاوضه وهي زعلانه و مقتنعة تماما انه ايوب ما بقاش يحبها عشان كده وافق انها تمشي
قعدت جنبه في العربيه بصمت تاني وهو بدا يسوق للقريه بتاعتها اللي هي سايباها من ثلاث سنين ونفس القريه اللي خلت ايوب يعشق خلود بجنون
طول الطريق محدش فيهم اتكلم بعد ساعات طويله وصلوا قدام بيت اهل خلود
ايوب بحزن: اتفضلي يا خلود، دلوقتي رجعتي في بيتك بعد ثلاث سنين يا رب تكوني مبسوطه و تحاولي تسامحيني.
فضلت قاعده في العربيه وقلبها يرفض انها تنزل و عقلها بيقول أنها تنزل علشان خاطر كرامتها وعلشان خاطر ده الصح دقائق وهي قاعده وهو يبص عليها ويتمنى انها تقول لهم عايزه اكمل معاك في النهايه انتصر عقل خلود ونزلت من غير كلمه وداع،دخلت البيت من غير ما تبص وراها وهو ساق بسرعه جنونيه ويلوم نفسه على اللي عمله في خلود
////////
خبطت خلود على الباب فتحت امها اللي قالت بلهفة: خلود اخيرا بعد ثلاث سنين جيتي زياره لينا
خلود بحزن: ليه محدش فيكم سال عليا طول المده دي
أم خلود: احنا عارفين انك عايشه في هنا،و قلبنا مطمن عليكي مع ايوب
خلود: ده مش سبب انكم تنسوا بنتكم
جاه صوت ابوها و هو بيقول: احنا بسبب جوزك اخواتك عرفوا يدخلوا مدراس كويسة و كمان فتحت مشروع كويس و الدنيا معانا تماما ،بس ايوب طلب مننا طلب غريب.
خلود: ايه هو الطلب؟
ابو خلود: نوضب اي حاجه او حتي نشتري بيت جديد بس البيت ده يفضل زي ما هو علشان يوم ما ترجعي تلاقي بيتك زي ما سبيتها زمان
خلود باستغراب: ايه الطلب الغريب ده و هو كان مانع اني ارجع هنا، الا اذا هو كان ناوي من البداية يقضي معي وقت و اما يزهق مني يرجعني تاني
دخلت الاوضة بحزن و رمت نفسها على السرير و هي بتعيط
////////
عند ايوب كان سايق العربية و هو منهار بعد ما ساب مراته و حبيته عند اهلها علشان بعد تلات سنين جواز هي مش متقبلة تكون مراته بعد كل السنين دي ، من كتر حزنه مش شايف الطريق كويس ،علشان كده خبط في عربية تانية.
//////////
في القصر
داغر: عايز اتكلم معي..
تمارا: اتفضل
داغر: هكلمك عن حاجة بقالها سنين و مش عارف انتي ازاي مش واخدة بالك
تمارا: اتكلم على طول انا خوفت
داغر: انا بحبك يا تمارا
اتصدمت تمارا و سالت: انت بتكلم بجد
داغر :ايوه بتكلم بجد ومش عارف انت ازاي عمرك ما حسيتي بمشاعري.
تمارا: ايوه عمري ما حسيت بمشاعرك عشان ديما كنت تتعامل معي بقسوة أو تتريق عليا ،احس بحبك ازاي
داغر: كنت بتعامل معاكي كده علشان عارف انك بتحبي ايوب و أنا لا
تمارا: حبي ل ايوب كان لانه هو اللي ديما مسؤول عني في كل حاجه من بعد وفاة بابا و ماما أنا حسيت انه كل حياتي فطبيعي أحبه زي ما المريضة تقع في حب الدكتور و الطالبة في حب المدرس ،انا كمان حبيت ايوب بس طلع الحب ده حب ابوي ،كنت بشوف في أيوب الامان اللي فقدته بعد وفاة اهلي..
داغر : أفهم من كده ايه
تمارا: اني مش بحب ايوب كحبيب
داغر: كملي و انا ايه
ضحكت تمارا بخجل من غير رد
داغر: لا بلاش صمت اتكلمي اللي يكرمك
قبل ما تمارا ترد ،رن التلفيون ،رد داغر: ايو مين معي
اتصدم داغر لما عرف أن ايوب عمل حادثة جري هو و تمارا على المستشفى اللي كانت على طريق قرية خلود
تمارا : ايوب كان بيعمل ايه هنا
داغر: مش عارف و الاهم فين خلود
تمارا: تفتكر ايوب رجع خلود بيتها
داغر : مفيش تفسير تاني غير أن ايوب سافر علشان يرجع خلود و هو راجع مقدر يسيطر على نفسه من الحزن
تمارا: يبقى خلود لازم تعرف.
داغر: تفتكري خلود هيفرق معها ايوب
تمارا:اسمع مني خلود بتحب أيوب بس هي مش حاسة ،اتصل بيها و هتشوف ازاي هتيجي تجري على هنا..
داغر: خليكي هنا و انا هروح بيت خلود
تمارا: تمام
و مشي داغر على بيت خلود
///////
في بيت خلود كانت لسه بتعيط ،دخلت امها و قالت: تعالي كلمي يا خلود.
خلود: مش عايزة اكلم حد
أم خلود: ده داغر اخو ايوب
انتفضت من مكانها و قالت: داغر و معه ايوب
أم خلود: لا داغر بس من غير أيوب
خلود بفرحة: ممكن يكون ايوب بعت داغر يرجعني البيت
و خرجت خلود بسعادة، و هي بتقول: نعم يا داغر
داغر: تعالي معايا يا خلود
خلود: هو ايوب اللي طلب منك كده
داغر : اه
لاحظت خلود حزن داغر ،سالت بتوتر::هو في ايه يا داغر
داغر: تعالي معي يا خلود و احكيلك في الطريق
خلود: مش همشي غير ما أعرف في ايه
داغر بحزن: ايوب عمل حادثة و هو راجع من عندك..
صرخت خلود و هي بتقول: خدني عنده بسرعة
داغر : يلا بينا
مشيت خلود مع داغر و طول الطريق كانت بتعيط لحد ما وصلت المستشفى و دخلت الاوضة عنده ،كان ايوب غايب عن الواعي.
قعدت على الأرض و مسكت ايديها و قالت بدموع: انا اسفة يا ايوب، طول الوقت مكنتش قادرة أشوف حبك، سامحني يا ايوب على كل حاجه عملتها معك، قوم و ارجعلي علشان انا مش هقدر اكمل من غيرك ، أنا عرفت حقيقة مشاعري لما بعدت عنك ، ايوب انا بحبك ، بحبك و مش هعرف اعيش حياتي من غيرك
اتكلم ايوب بصوت متعب و قال: يعني مفيش عايزة ارجع بيتي تاني..
خلود: ايوب أنت صاحي من امت
ايوب: من وقت ما دخلتي ،بس عملت نفسي نايم علشان اسمع هتقولي ايه..
نزلت دموع خلود و قالت: عارف يا ايوب انا من صغري بحلم اعيش قصة حب أسطورية و لما ركزت شوفت أن حياتي معك كانت و لا الخيال ، حبك ليا كان حب مميز، انت غلطت لما غصبتني على الجواز ،بس انا فعلا حبيتك و كنت بكابر و اكتم مشاعري ، بحبك يا ايوب
تنهد ايوب و قال: ياه ،اخيرا يا خلود. اخيرا سمعت الكلمة دي ،يارتني عملتي الحادثة من زمان
خلود: بعد الشر عليك يا حبيبي
ايوب: بحبك يا خلود
//////////
برة الاوضة
داغر: على. فكرة يا تمارا كل حاجه ايوب كان يعملها ليكي انا اللي طلبتها منه،علشان ديما شايفك بنتي الصغيرة و اني لازم احمكي من كل حاجه و اكون الامان ليكي و ممكن تسالي ايوب لما ندخل عنده
ضحكت تمارا من غير رد…
///////
بعد شهور
خرجت نجوى من السجن بعد ما تغيرت و فهمت أنها كانت غلطانة
و النهاردة فرح داغر و تمارا.
أما خلود و ايوب حياتهم بقت مستقرة و خلفوا ولد و بنت بعد ما عرفت خلود أن ايوب هو الزوج المناسب و عاش الكل في سعادة و حب مع اللي النصيب اختاره له، احيانا ندور على الحاجة و هي تكون قدمنا
نجوى كانت بتدور على سعادة ايوب، رغم أن سعادته مع خلود مش مع حد تاني
تمارا كانت بتدور على الامان،،،، و الامان كان هو داغر
أما خلود كانت عايزة تعيش قصة حب أسطورية و لو بصت كويس،، هتلاقي مفيش قصة عشق و جنون زي قصة أيوب و خلود
و تمت و ليس للحديث بقية
رايكم يا حلوين بعد. القراءة ♥️ 🥰
#أيوب_وخلود
#روايات_بقلم_منال_كريم
❤️❤️❤️❤️❤️❤️❤️❤️❤️❤️❤️❤️❤️
سبحان الله وبحمده سبحان الله العظيم
استغفر الله العظيم و اتوب اليه
لا إله إلا الله وحده لا شريك له له الملك وله الحمد وهو على كل شيء قدير
اللهم صل وسلم وبارك على سيدنا محمد
لا حول ولا قوه الا بالله العلي العظيم
حسبي الله ونعم الوكيل
اللهم انك عفو كريم تحب العفو فاعف عنا
اللهم احفظ مصر واهلها من كل شر
اللهم احفظ اولادنا وبناتنا من كل شر
❤️❤️❤️❤️❤️❤️❤️❤️❤️❤️❤️❤️❤️❤️❤️❤️