أميرة القصر بقلم منال كريم
الجزء الاول
///////////////////
في مدرسة الثانوية لغات
و بالتحديد في فصل عهد
كانت بتقول: انا مش شغلني التعليم كل اللي يهمني اعيش قصة حب زي الروايات
قالت ليليان،و دي صاحبتها الانتيم: يا بنتي الروايات دي هتاكل دماغك،ركزي في دروسك و خلي عندك طموح تكوني حاجة كبيرة في المستقبل و بالنسبة للروايات اختاري المناسب ل سنك…
قالت عهد علشان تريح دماغها من مواعظ صاحبتها :حاضر يا ليليان.
دخل المدرس و بدأ يشرح الدرس، و عهد مش مركزة نهائي
الاستاذ بصوت عالي: عهد
قامت بفزع و سالت: نعم يا مستر
الاستاذ: معلش يا عهد هانم ،أزعجك و أسألك انا كنت بقول ايه؟
عهد: اسفة يا مستر بس كنت بفكر في حاجة مهمة
الاستاذ: و ايه هو المهم
عهد: كنت بفكر هطلع ايه في المستقبل
الاستاذ: اولا قولي أن شاء الله،ثانيا لازم تركزي في الدروس علشان تحققي حلمك ،ثالثا عارفينا عايزة تتطلعي ايه يا عهد..
عهد: الحقيقة معنديش اي احلام غير اني اعيش قصة حب
الاستاذ: عيب لما بنت في سنك تفكر في كده ، الاهم من الحب تبني نفسك
عهد: تمام
قالت كده بس هي مش مهتمة بالتعليم ،رغم أن اخواتها يطلعوا من الاوائل ،بس هي ديما تنجح بالعافية.
/////////
في كافتيريا المدرسة
ليليان : نفسي تغيري طريقة تفكيرك
عهد: فيها ايه لو عايزة اخد الثانوية و اقعد في البيت
ليليان بعصبية :للمرة المليون بقولك غيري تفكيرك يا عهد، يا بنتي احنا الحمد لله ربنا كرمنا و قادرين نتعلم غيرنا نفسه يتعلم بس الظروف ضده، امسكي في الفرصة.
ردت عهد بعدم اقتناع: تمام
/////////////
بعد انتهاء اليوم الدراسي ،رجعت عهد مع فريد و كانت جميلة في استقبالهم
حضنتهم و قالت بحب: حمد لله على السلامه يا ابطال
فريد: الله يسلمك يا ماما
عهد بتذمر: ماما أنا زهقت من المدرسة
جميلة: طيب ردي السلام عليا الاول ،و بعدين انتي ايه ،بليل و الصبح نفس الجملة ،بجد الموضوع زد عن حده.
زعلت عهد و قالت: انا طالعة اوضتي
زعقت جميلة و هي بتقول: احسن برضو ،و لما ابوكي يرجع لازم يتكلم معاكي و يشوف حل لدلعك المبالغ فيه ، احنا السبب في دلعك
فريد: براحة عليها يا ماما، هي لسه صغيرة
جميلة : يا حبيبي دي مينفعش معها الدلع التاني كل أحلامها تسيب المدرسة ، اختك شايفة أن التعليم مش مهم و الواحدة آخرها تجوز و تقعد في البيت، بذمتك حد من بنات الجيل ده يفكر كده غير اختك المريضة.