أميرة القصر بقلم منال كريم
الجزء الاول
كنت عايشة في بيت بابا أميرة ،لحد ما وقعت في الحب وقتها حياتي اتبدلت ، اتجوزت من غير موافقة اهلي ، فكرت أني بكده اشتريت السعادة و الحقيقة اني حاولت حياتي للجحيم و اكتشفت أن جوزي اتجوزني علشان طمعان في فلوس ابويا ،،حياتي عبارة عن ضرب و اهانة..
///////////
البداية كانت
في شقة بسيطة فوق السطوح
في الحمام، كانت وافقة عهد قدم المرايا،،، و علامات الإرهاق و الحزن ظاهرة عليها ،خذت نفس عميق و مسكت التلفيون و بدأت تكتب و الدموع مغرقة وشها : انا عهد عندي ١٩ سنة، متجوزة رغم سني الصغيرة ،،لما تسمعوا حكايتي ،ممكن تقولوا حكايتي شبه حكايات كتير و ممكن تكون مختلفة عن باقي الحكايات.
و بنرجع فلاش باك علشان نعرف حكاية عهد
////////(////
فلاش باك
في قصر فخم في الزمالك
و بالتحديد في اوضة مميزة و كأنها اوضة أميرة من اميرات ديزني، قعدت جميلة على السرير و تمشي أيدها على شعر عهد و هو بتقول بحنان: عهد ،يا عهد يلا علشان المدرسة.
قالت عهد و هي لسه مغمضة عينها: ياربي بقي انا زهقت من المدرسة دي، عايزة انام يا ماما.
جميلة: معلش يا حبيبتي،الإجازة قربت
عهد : حاضر يا ماما ،هقوم غصب عني علشان واجب عليا اتعلم.
جميلة: برافو عليكي ،يلا بسرعة بقي.
خرجت جميلة من الاوضة و نزلت لتحت.
في اوضة السفرة
كان قاعد على رأس السفرة عاصم ابو عهد،راجل وسيم و على اليمين مراته جميلة،و ده اسم على مسمى ،ست شيك و جميلة و مهتمة بنفسها،،،و جنب جميلة ابنها الكبير ( حمزة)في اولى جامعة و قصاد حمزة الابن التاني في تالتة ثانوي(فريد)
دخلت عهد و دي الملقبة بأميرة القصر، و هو بتقول بدلال: صباح الخير عائلتي الحلوة.
عاصم بحب : صباح النور يا اميرتي
قعدت مكانها في الكرسي اللي قصاد جميلة و قالت: امت اخلص تعليم و اقعد في البيت و ارتاح
حمزة: انتي لسه في تانية ثانوي،يعني اول الطريق
عهد: يا سلام لو تخطيت مرحلة الثانوي و روحت الجامعة على طول.
فريد: و أنا كمان اعدى تالتة ثانوي و اروح الجامعة على طول،علشان مرعوب منها….
عاصم: كفاية كلام و خلصوا الاكل بسرعة
جميلة: فريد ،عهد الباص على وصول.
بعد شوية فريد و عهد مشيوا على المدرسة و حمزة على كلية الطب..
