غزل بقلم منال كريم

يزن: يمكن انا اللي كان نفسي اتكلم و افضض غزل: انا كمان كنت عايزة اتكلم ،يلا عن اذنك.. مجرد ما دخلت قال يزن: نسيت اسالها عن اسمها.. ضحكت لما سمعته و قالت: و انا كمان نسيت اسال عن اسمك ، يا تري اسمه ايه ؟ و ليه ديما صوته و شكله حزين؟حتي كلامه محبط، اكيد في قلبه حزن ، ربنا يهون عليه.. و دخلت غزل أوضتها رن تلفيون يزن و كان اسم غريب ،فتح الخط و قال: الو محدش رد،قال يزن: مين معي ؟ ظهر صوت رامي الندمان و الحزين و قال::ده أنا يا يزن ،اخوك. كان يزن هيقفل السكة زي العادة، قال رامي بسرعة: لو سمحت يزن اسمعني،انا عارف اني غلطان و غلط كبير، كنت ضعيف قدم رغدة لما حاولت تسحبني ليها، ده مش مبرر بس انا بحكي اللي حصل، و للاسف وقعت في حبها و بقيت انفذ كل اللي تقول عليها من غير نقاش، انا الذنب ياكل فيا و كل ما افتكر نظرة الحسرة و الخذلان في عينك اموت ميت مرة، انا خالص مش قادر اعيش و هخلص على نفسي علشان ارتاح يزن كان يسمع بصمت ، بس لما سمع كده،صرخ و قال: بدل ما تتوب و تقرب لربنا عايز تموت منتحر،الانتحار حرام،توب من ذنوبك علشان ربنا يسامحك رامي بدموع: و أنت هتقدر تسامحني يزن نزلت دموعه و قال: أنا مصدوم فيك اوي،انت مش بس اخويا الصغير ،أنت ابني ،لو اللي كانت مراتي عملت كده مع اي حد غيرك الموضوع كان هيبقي ابسط من كده بس الجرح منك في مق/تل، متلطبش مني سماح دلوقتي،سيب الأمور تاخد وقتها يمكن السنين تدوي الجرح و اقدر اسامحك في يوم و قفل يزن الخط و قعد على الأرض انهار من العياط و هو يفتكر ذكرياته مع رامي.. و رامي قرر يترجع عن فكرة الانتحار و يتوب لربنا... /////////// تاني يوم كانت خارجة غزل مع مرات خالها يشتروا طلبات و بالصدفة قابلت يزن في الاسناسير،بس لاحظت أنه مفتحش بوقه بكلمة و عيونه حمرا من كتر عياط بليل .. استغربت و كلمت نفسها: ماله ده، امبارح مكنتش حالته كده يمكن حصله حاجة.. اول ما وصل الاسناسير،خرج يزن من العمارة بسرعة على كافيه علشان يقابل يوسف يوسف بحزن: هون على نفسك يا صاحبي يزن بصوت حزين: هو بمزاجي ،انا فعلا مش قادر اتخطى اللي حصل، مش عارف اعمل ايه علشان اقدر انسي، و في عز ما بحاول انسي جت مكالمة رامي قلبت كل حاجه . يوسف:انت نصحت رامي يبدأ من جديد و يتوب ،و أنت كمان أعمل كده، حاول توجهه المشكلة و بلاش تهرب ،أسمع كلامي روحي زيارة لسجن النسا و سجن الرجال، صدقني الزيارة دي هتفرق معك معترضش يزن و قال: كلم المحامي أطلب منه يقدم طلب زيارة.. //(((((((((( في شقة صلاح سلوى: عارفة يا نور من وقت ما غزل مشيت على بيت خالها و انا حاسة براحة كبيرة نور: عندك حق يا خالتي ،انا بكره البت دي و نفسي تغور من هنا خالص سلوى: يسمع من بوقك ربنا، ياريتها تفضل عند خالها و نرتاح منها. نور: سيبك من الكلام و تعالي نفكر في أسم النونو اللي جاي في السكة سلوى: متعرفيش فرحتي قد ايه و مستنية بفارغ الصبر. نور: هانت كلها كام شهر و يجي الولد و ياخد هو كل فلوس حسين الالفي ضحكوا الاتنين و كل هدفهم أنهم يخلصوا من غزل، و يسيطروا على البيت.. ////////////( عدى يومين و كان معاد الزيارة يزن راح سجن النسا الاول ،اول ما ظهرت رغدة، دقق يزن في ملامحها و ملقش اي ذرة ندم، شاف واحدة جبروت مش فارق معها اي حاجه، ابتسم يزن و قال: الحمد لله اني خلصت من واحدة زيك. سالت ببرود: عايز ايه يا يزن،جاي ليه.. يزن: جاي اشوف لما اقابلك هيحصل ايه؟ رغدة: و حصل ايه؟ يزن: و لا اي حاجه، لا مشاعر حب و لا كراهية انتي عارفة ده معناه ايه، انك مش فارقة معايا ، انا فعلا عندي شعور بالراحة غريب ، عندي سؤال واحدة و ياريت تكون صادقة رغدة: مش محتاجة اكدب عليك. يزن: انتي فعلا اللي جريتي و راء رامي و البداية كانت من عندك رغدة: اه، انت ديما مسافر و هو اصغر و احلى منك، و انا ست جميلة و محتاجة إهتمام يزن باشمزاء: انتي حقيرة رغدة ببرود: شكرا. مشي يزن من عندها على سجن الرجال، بس هنا المشاعر متغلطبة، و رامي واقف قدمه شاف أخوه الصغير و ذكرياتهم سوه، و شوية يفتكر المشهد اللي شافه،و اتاكد أنه مش هينفع يتخلى عن اخوه علشان كده قال: انت اخويا يا رامي وانا مليش غيرك ومش هقدر انساك بس زي ما قلت لك سيب الوقت يدوي الجروح و أتاكد من حاجه واحده ،ان مهما عدى وقت اليوم اللي هسامحك فيه و لحد ما يجي الوقت ده انا مش هقدر ازورك ولا حتى عايز اسمع صوتك ،انا هكتفي اني اطمن عليك من بعيد. قال رامي بندم: وانا مستعد استناك العمر كله. مشي يزن من غير ولا كلمه تانيه هو مخطط أن لازم يتخطى الموضوع و يبدا من جديد ////(// بعد شويه وصل يزن العماره ودخل الاسانسير والمره الثانيه كانت غزل موجوده لوحدها المره دي،قال يزن بابتسامه: عاملة ايه؟ ردت غزل باستغراب: الحمد لله يزن: مالك مستغربه كده ليه غزل: الصراحة و أنت خارج الصبح كنت مختلف عن دلوقتي يزن: الصبح كنت رايح مشوار و حامل همه، بس دلوقتي رجعت و جبل كبير انزح من على قلبي. غزل: ربنا يبعد عنك الهم يزن: يارب، بس صحيح هو انت ساكنه هنا غزل: لا خالو اللي ساكن هنا و انا جاية زيارة ابتسم يزن و قال: و أنا اقول العماره زيادة نور ،طلع بسببك ضحكت غزل و قالت :: شكرا يزن بهدوء: انتي عارفه انك الوحيده اللي في الفتره دي اتكلمت معاها ،رغم اني مش بتكلم مع حد، و فقدت ثقتي في كل الناس الا صاحبي الوحيد غير كده انا بعدت عن الناس، بس انتي غير،حاسس براحه كبيره و انا بتكلم معاكي. غزل: شكرا ليك بس ممكن تدوس على الزر علشان نطلع ضحك لما لقي أن الاسانسير لسه مكانه و قال: اسف يا قالت : اسمي غزل و هو رد: و انا يزن و دس على الزر بس الاسناسير بالصدفة عطل تاني، و الاتنين انفجروا من الضحك، و هو قال: الاسناسير ده يعطل احلامك غزل: احلام ايه ،انا ماشية بالعلاج أساس، و اعشق قعدة البيت،الراحة حلوة مفيش كلام. يزن: لا عندك حق،هو في احسن من الراحة اشتغل الاسناسير على طول ، بس الاتنين بصوا لبعض بصمت تام و النظرات اللي تتكلم. وصلوا الدور و كانت غزل خارجة ،قال يزن بسرعة : بقولك ايه انا عايز. اتكلم معاكي اكتر و احكي ليكي عن حياتي بس عايز ده في إطار شرعي، ايه رايك قراءة فاتحة و نشوف الدنيا. و الغريبة اللي عاشت عمرها كلها تحب محمود وافقت بسهولة على طلب يزن علشان بعد خمس شهور كان فرحهم بعد ما عرفوا عن بعض كل حاجه و اتاكدوا أن كل اللي حصل هو القدر و علشان كده قلوبهم ارتاحت لبعض بسرعة غريبة.. عاش يزن مع غزل حياة سعيدة و اتزينب بالاولاد و بعد مدة طويلة العلاقة بدأت تتحسن بين يزن و رامي و رغدة فضلت ماشية في نفس الطريق لحد ما جالها مرض خبيث و ده كان عقابها على أفعالها و محمود و نور الحياة بينهم هادئة طالما محمود يسمع كلام نور ديما،و ارتاحت سلوى و نور أن غزل اتجوزت و سافرت مع جوزها لندن. ///////( في شقة يزن اللي في لندن كان واقف في المطبخ يحضر الفطار جاه ابنه اللي عمره خمس سنين و هو يقول: بابا أنا جعان يزن : حالا يا حبيب بابا عز: هي مامي فين؟ يزن: مع اختك /////// في الاوضة الخاصة با رزان اللي عمرها خمس سنين و هي تؤام عز ،قالت غزل: ايه رايك بقي في شعرك الجميل ده. رزان : حلو يا ماما ،تسلم ايدك غزل: الله يسلمك يا قلب ماما، تعالي بقي نشوف بابا حضر الفطار و لا لسه.. خرجت غزل مع بنتها و اجتمعوا على السفرة و بعد الاكل الأولاد يلعبوا في الاوضة، سالت غزل: بقالي سنين عايزة أسألك سؤال و مترددة يزن باستغراب: سنين ،ليه كده اسالي على طول غزل: بلاش تزعل مني لو الموضوع ضايقك يزن: مش هزعل ،اتكلمي بقي.. غزل: انت قبل كده كنت تسافر و تسيب رغدة في مصر، بس انا من اول يوم جبتني معك هنا، مش هكدب عليك كتير فكرت أنك خايف اللي حصل يتكرر تاني و ساعات الشيطان يلعب في دماغي و يقولي انك بتشك فيا، بس قلبي بيقول انك بتحبني و مش قادر تبعد عني، انا اسفة يا يزن لو كلامي زعلك، بس هقولك حاجه لما طرف يخون ده مش معناه أن الطرف التاني فيه عيب ،ده نقص من الشخص الخاين. مسك ايديها بحنان وقال : انا زعلان منك بس مش عشان اتكلمتي علشان سكتت طول الوقت ده صدقيني يا غزل هو اللي قلبك قاله انا مبقتش قادر ابعد عنك كنت مستغرب ازاي احبك بسرعه كده بس لما فكرت قلت يمكن علشان قلبك الطيب او روحك الحلوه و دمك الخفيف او انك زي القمر او حتى من غير سبب اللي بيحب يحب من غير اي سبب ده اللي حصل بينا كل واحد فينا كان عنده جرح و كلامنا البسيط مع بعض طيب على جروحنا ،، انا عمري ما شكيت فيكي ولا جبتك هنا عشان خايف اللي حصل يتكرر انا جبتك معي علشان مش هقدر اعيش من غير لحظة واحدة و الحمد لله ربنا كرمنا ب عز و رزان ملياين علينا البيت غزل: و انا مصدقك و بحبك اوي ،و حاسس انك اول حب في حياتي و اللي قبلك كان لعب عيال يزن بحب: نفسي احساسي احنا ربنا جمعنا في الوقت المناسب و بصدفة بسيطة ،حصلت كتير ربطت قلبي بقلبك و عوض ربنا لينا كان خير كبير غزل: الحمد لله انك موجود في حياتي يزن: انتي كل حياتي.. و تمت و ليس للحديث بقية رايكم يا حلوين 🥰 ♥️ #غزل #روايات_بقلم_منال_كريم ♥️♥️♥️♥️♥️♥️♥️♥️♥️ سبحان الله وبحمده سبحان الله العظيم استغفر الله العظيم و اتوب اليه لا اله الا الله وحده لا شريك له له الملك وله الحمد وهو على كل شيء قدير اللهم صل وسلم وبارك على سيدنا محمد لا حول ولا قوه الا بالله العلي العظيم لا اله الا انت سبحانك اني كنت من الظالمين ♥️♥️♥️♥️♥️♥️♥️ ♥️♥️♥️

غزل بقلم منال كريم

الجزء الثاني

اترك تعليقاً إلغاء الرد

مقالات ذات صلة

طعنه غدر ٢ حكايات منى السيد

حكايات روماني مكرم ١

رواية كاملة

حماتي اتصلت بيا حكايات رومانى مكرم ٤

محشي ورق عنب

قرض بضمان وظيفتى ٣ بقلم امانى سيد

اترك تعليقاً إلغاء الرد