حكايات روماني مكرم 1
حماتي عنيها احمرت من الغضب طب وحياة غلاوتك عندي يا حسن لأكون طالعة جايباها من شعرها دي حتة بت لا راحت ولا جت تتحكم في قرش ابني وتطرد أخوه؟ دا أنا أكسر وسطها!
طلعت حماتي وهي بتنهج من الغضب وحسن وراها بيبتسم بخبث رنت الجرس مرتين ورا بعض فتحت الباب وأنا لسه مخضوضة
حماتي زقت الباب ودخلت وقالت بصوت جايب لآخر الشارع بقى أنتِ يا مقملة يا بنت الجعانين تطردي ابني وتقوليله روح اشحت؟
قلت بذهول يا طنط محصلش! هو طلب فلوس القسط وأنا قولتله دي أمانة مقدرش أديها لحد من غير علم إبراهيم
حماتي بزعيق أمانة إيه يا روح أمك؟ فلوس ابني يعني فلوسي وفلوس أخوه! إحنا عيلة واحدة وأنتِ هنا مجرد ضيفة يوم ما تعصي أمرنا تترمي في الشارع! فين المفتاح بتاع الدولاب؟
رجعت لورا بخوف مفتاح إيه يا طنط؟ مستحيل أديكي المفتاح دي فلوس شقا جوزي سنين عشان يجيبلنا شقة نعيش فيها
حماتي مسكتني من دراعي بقسوة شقة إيه اللي تعيشي فيها؟ أنتِ ملكيش عيشة هنا تاني! هاتي المفتاح بدل ما أمد إيدي عليكي دي فلوس ابني وأنا أولى بيها أفك ضيقة ابني التاني!
قلت وأنا بعيط وبحاول أفلت إيدي حرام عليكي يا طنط! دا ظلم إبراهيم لو عرف مش هيسكت أنا مستحيل أفرط في الأمانة
حسن قرب مني وشد المفتاح من إيدي اللي كانت ماسكة عليه بخوف وقال ببرود المفتاح أهو يا أمي
صرخت بانهيار رجع المفتاح يا حسن الفلوس دي لو ضاعت جوزي هيتخرب بيته!
حماتي زقتني لبرة الشقة وقالت بشماتة اللي يتخرب بيته هو أنتِ اطلعي برا شقة ابني ولما إبراهيم يجي هقوله إنك كنتِ بتسرقي الفلوس وبتلمي هدومك عشان تهربي بيها وأنا وحسن اللي لحقناكي وطردناكي!
#الكاتب__رومانى_مكرم__
صدمتي شلت حركتها وقلت إيه؟ أنتِ بتقولي إيه؟ هتتبلي عليا في شرفي وأمانتي؟
حماتي قفلت الباب في وشي بقوة وتكة الكالون سمعت في العمارة كلها
مقالات ذات صلة
سلفى 2 حكايات رومانى مكرم
منذ 4 ساعات
سلفى 3 حكايات رومانى مكرم
منذ 4 ساعات
سبع سنين
منذ 12 ساعة
العزومه حكايات رومانى مكرم 3
منذ 12 ساعة
وقفت على السلم حافية من غير طرحة كاملة ومن غير تليفوني ببتسمع صوتهم جوا بيفتحوا الدولاب وبياخدوا الفلوس… وفجأة باب العمارة من تحت اتفتح وصوت خطوات تقيلة طالعة على السلم وسمعت صوت إبراهيم جوزي بينادي: “شيماء… أنا رجعت بدري أنتِ واقفة كدا ليه؟!”
