القزم و الحورية بقلم منال كريم

سال عاصم بصدمة: ايه اللي بيحصل هنا؟

قال يوسف و هو مش قادر يمسك نفسه من الضحك: مفيش حاجه العيال بتهزر

اتعصب عاصم و هو يقول: فين الهزر ده، ليه البنت شعرها المبهدل .

مشي عاصم ناحيتها و خد البنت اللي في سنة تانية ابتدائي و سال بحنان: ايه اللي حصل

قالت اروي اللي كانت منهارة : علشان شعري خشن مش ناعم.

شاورت على البنت اللي قاعدة جنبها و كملت كلامها: حطت العصير على شعري و قالت علشان يبقي ناعم، و لما الاستاذ دخل عرفته بللي حصل، ضحك و قالي صاحبتك بتهزر….

زعق عاصم و قال: تصرف غلط يا استاذ يوسف، انا هشتكي للمدير و لو محدش تصرف معك و مع الطالبة دي هطلع على الإرادة التعليمية،حق البنت لازم يرجع .

و فعلا عاصم اهتم بالموضوع لحد ما رجع حق البنت..
/////////((((
على القهوة

رياض: اخبارك ايه في الشغل

عاصم: الحمد لله

رياض: مش ناوي تكمل نص دينك

عاصم: اقفل على الموضوع بس عايز اكلمك على حد

رياض بسعادة: فرح قلبي و قول أنها بنت..

ضحك عاصم و قال: اهدأ يا ابني ،و اسمع للآخر هي فعلا بنت.

صفق رياض بحماس و قال: يا حلاوة يا ولاد ،اعترف بكل حاجة.

عاصم: زمليتي في المدرسة ،جميلة اوي ،بحس انها شبهي في حاجات كتير ،يعني كلامها زي كلامي ،الحاجات اللي تكرها و تحبها زي بالضبط،على بلاطة كنت اتمني اخد خطوة جدية.

رياض: و متاخدش ليه.

عاصم: علشان انا بالنسبة للبنات مش عريس مناسب ،بلاش نضحك على بعض

رياض: انت قولت انكم شبه بعض معني كده هي غير الكل…

عاصم: غير الكل في حاجات كتير، بس ايه اللي يخليها توافق بواحد زي

رياض: و انت مالك ،انت زي الفل اهو

عاصم : انا عارف و متاكد أني كويس و مش مستني حد يعرفني ده،بس البنات شايفين اني مش مناسب، ده مش عيب فيا، المشكلة فيهم هما

رياض: طيب جرب

عاصم: اقفل على الموضوع

المشكلة هنا أن عاصم حب غرام فعلا و ينتمي يرتبط بيها بس خايف ترفض و بكده يخسر الكام دقيقه اللي يتكلموا فيها،و رغم أن كتير شايف غرام مش حلوة بس بالنسبة ل عاصم شايف انها اجمل بنت في العالم.
/////
عند غرام ،اللي يدور في عقل عاصم ،كان يدور في عقلها،كانت قاعدة على السفرة بس شاردة و مش مركزة في أي حاجة،سال حسن: مالك يا غرام

غرام: انا و انت أصحاب صح