القزم و الحورية بقلم منال كريم

السواق: يعني زي العيل الصغير، حتي لو الراجل خدك على راجله كانك ابنه

قال كده و كل الركاب انفجروا من الضحك

هنا عاصم شاف أن السكوت مش حل، فقال بصوت عالي: أنت راجل مهزق و مش محترم

السواق بص عليه و عيونه كل شر و قال: انت اتجنتت ازاي تكلم معي كده

عاصم: انا بتكلم معك بأسلوب محترم علشان انا محترم بس انت شخص مكانك السجن يمكن تتعلم الادب

السواق بغضب: شكل ليلتك مش هتعدي

عاصم: ليلتك انت اللي مش هتعدي، باي حق تاخد مكاني اللي دفع تمنه و عايز تخلي حد يشاركني في ايه ،انت شخص متخلف ،انا مش اقل من حد هنا، علشان تسرق حقي مني

السواق بعدم فهم : ايه الكلام الكبير ده ،بقولك ايه كبر دماغك شوية

قال حد من الركاب(عادل): يكبر دماغه و تبقي اكبر من جسمه

عاصم ببرود: انت فاكر أنها نكتة ،بس بص حواليك محدش ضحك غيرك، و ده دليل انك شخص تافه

السواق: بقولك ايه انت هتعمل صداع لينا ،انزل من العربية احسنلك

عاصم بتهديد : مش نازل و كلامي معك في القسم

السواق: قسم ايه بس،و كبرت الموضوع انزل بهدوء

عاصم : لا مش نازل

عادل: انزل بالذوق احسن لك

عاصم بتهديد: لو راجل نزلنيى بالعافية، و انا اخليك تكمل الباقي من حياتك في القسم

السواق كمل طريقه من غير كلام لما حس أن عاصم مسندود بواسطة كبيرة في القسم.

في مواقف العربيات

عاصم قال: محدش هينزل غير لما اللي غلط فيا يعتذر أو السواق يكمل طريقه لحد القسم

السواق عايز يخلص منه ، فقال: انا اسف

بص عاصم على عادل اللي قال: اسف يا عم،خلينا ننزل بقي و نخلص من اليوم ده..

فتح عاصم الباب و نزل بكل ثقة،و بص ناحية السواق و بعدين الركاب و قال: لو انتوا مش عارفين احب اعرفكم أنا شخص كامل مش ناقص و ليا نفس الحقوق و الواجبات بتاعت اي شخص، و ربنا خلقني مختلف عنكم علشان اكون مميز و انا بحمد ربنا كل ثانية، اي حد تفكيره زي السواق يبقي لازم يتعالج،علشان انتوا خطر على البشرية..

و مشي عاصم بعد مسمحش لحد يدوس عليه و يسرق حقه منه.
/////////
عدت الايام و عاصم و غرام بقوا ديما يتكلموا مع بعض و الاتنين اكتشفوا أنهم متشابهين
//////////
في المدرسة و تحديد فصل يوسف

كان معدى عاصم قدم الفصل و سمع صوت عياط بنت،خبط و دخل و كان الوضع كارثة