القزم و الحورية بقلم منال كريم

حسن: صح

غرام: ينفع أسألك سؤالك و تجوب بصراحة

حسن: طبعا

غرام: لو، يعني،اقصد.

الحقيقة أن غرام متوترة و مش عارفة تجمع الكلام ،قال حسن بتشجيع: الحالة دي حالة حب

بصت على الأرض بخجل من غير رد

حسن: الحب مش عيب و لا حرام العيب و الحرام أننا تتخطي الحدود بدفع الحب، زي اتنين يقضوا حياتهم خروج و تجاوزت و يقولوا بسبب الحب، كده الحب برى منهم ، انا واثق انك معملتيش حاجة غلط

غرام: معملتش حاجة يا بابا ،انا بس بحب شخص مختلف شوية،و خايفة من رايك و الآراء اللي نسمعها من الناس

حسن كان ذكي لدرجة أن اتوقع يكون زميله القزم ،فقال: زميلك اللي شافنه في الفرح..

حركت رأسها بالموافقة و قالت: أيوة هو يا بابا، زي ما حضرتك عارف أنا بتعرض للتنمر من شكلي الوهمي و هو ديما يقولي كلام يشجعني،حتي لو عندي مشكلة مع الطلاب هو يساعدني ،عنده شخصية قوية و بيعرف يسيطر على الطلاب

حسن : و ليه خايفة ،طالما مقتنعة كده

غرام: علشان سوء كنت بشكلي الحقيقي أو الوهمي انا و هو كا كابلز مع بعض هنكون محطة للتنمر

حسن :لو خايفة من كلام الناس يبقي حبك و اقتناعك بيه مش كافية..

غرام: يعني حضرتك ممكن توافق اني اتجوز شخص زي عاصم

حسن بحكمة: كل اللي يهمني في زوجك المستقبلي،يكون على خلقُ و دين و يكون عايش في بيئية مناسبة لبناء عائلة.

غرام: انا متأكدة أنه معجب بيا بس خايف اني ارفضه

حسن: هو معجب ب وشك التاني تفتكري لو شاف الحقيقي يقول ايه؟

غرام بغرور: هيقول ايه،انا في الاتنين في القمر.

ضحك حسن و قال: مغرورة اوي.

///////////
في الليل كان عاصم و غرام الاتنين قلبهم و عقلهم مشغولين

هو بيقول: اكيد لو طلبت ايديها هترفض

و هي بتقول: مينفعش أنا اللي اخد الخطوة الأولي ،لازم هو اللي يعمل كده..
////////
تاني يوم
في المدرسة و بالتحديد اوضة المدارسين كانوا عاصم و غرام قاعدين و معهم استاذ خالد

رن الجرس و قال: انا عندي حصة و انتوا

غرام: معنديش.

عاصم: و لا أنا

اول ما خرج خالد ،عاصم قرر يتكلم و اللي يحصل يحصل ،فقال بهدوء: ممكن اتكلم معاكي

غرام: اتفضل

عاصم: هحكيلك حكايتي من البداية

و بدأ يحكي من الاول كأنه اول مرة يشوفها:

أسمي عاصم و طولي 135 سم. الناس في الشارع أول ما تشوفني ، في اللي يضحك، وفيه اللي يبص و يوطي صوته ويقول للي جنبه ،بص القزم، و في اللي شايف اني مليش نفس حقوق البشر.
و أنا صغير كنت فاكر لما أكبر هطول زي صحابي، بس ماما الله يرحمها كانت بتقول مش مهم الطول المهم عقلك يكون كبير.