القزم و الحورية بقلم منال كريم

لما افتكر امه بدأ صوته يتخنق بالدموع،قالت غرام: لو مش قادر تكمل بلاش.

عاصم: لازم اكمل ،و أقولك جملة بابا الشهيرة

غرام: هو لسه عايش

عاصم: ربنا يرحمه هو كمان

غرام: ربنا يرحمه.

عاصم :يارب، ابويا كان نجار، ،،و قال ليا جملة عمري ما نسيتها،،الخشبة القصيرة هي اللي بتشيل الدولاب كله يا عاصم ،، الجملة دي كل ما اضايق أكررها مع نفسي ،انا فهمت الحياة و الناس صح، عرفت أمت اكتفي بالسكوت و امت ارد و امت احارب علشان اخد حقي، أنا بشوف نفسي راجل يعتمد عليه وقد المسؤولية..

ضحكت غرام و علشان تغير مود الدراما ،،قالت: ده غرور و لا ثقة بالنفس

عاصم: الاتنين و انا عارف أمت استخدمهم.

غرام: انا مش هكدب عليك انك غيرت فيا كتير بكلامك و تصرفاتك

عاصم: انا بحكيلك حكايتي علشان أقولك اني بحبك و لو تقبلي برجل قزام زي ، اكون سعيد و محظوظ و لو لا يبقي احنا زميلاء و أنتي اختي .

ردت على كلامه بسؤال: انت معندكش مشكلة في شكلي

عاصم: شكلك ما شاء الله زي القمر

ضحكت بخجل و طلعت ورقة و قلم و كتبت حاجة و قالت: رقم بابا

و جريت على برة من الكسوف و هو طار من الفرحة و مقدرش يستوعب…

///(///////
بعد يومين

في بيت غرام

كانت غرام بتجهز في الاوضة و عاصم قاعد مع حسن اللي كل اسئلته كانت عن الشغل و الشقة و الحاجات العادية،على عكس ما كان يحصل قبل كده الكل يسأله على شكله..

دقائق و طلت عليهم غرام بفستان بيبي بلو و شعرها اللي مفرود على ضهرها و جمالها الطبيعي من غير اي مكيب، بص عاصم بصدمة ،مش هي دي غرام اللي جاي يطلب ايديها

قام حسن و هو بيقول: اقوم انا و اتكلموا مع بعض.

قعدت غرام و سالت: مالك

عاصم: انا فاكر اني شوفتك قبل كده بس مش فاكر فين ، انتي قريبة غرام

غرام: انا غرام نفسها

عاصم: مش فاهم حاجه

حكت غرام أنها بتحط مكيب علشان تغير شكلها و حكت عن السبب

بعد ما خلصت قال: الناس تعمل مكيب علشان تجمل نفسها و انتي تعملي العكس

غرام: ما انا قولتك عملت كده ليه، المهم هتغير رايك

عاصم: انا حبيتك علشان قلبك الطيب و شخصيتك مش علشان الشكل، انا اللي خايف و مرعوب

و كمل كلامه و هو يشاور على نفسه و بعدين على غرام: ازاي القزم ده و يتجوز الحورية دي

غرام: يمكن علشان بحبك..