ربيع الشتاء بقلم منال كريم

خرجت البنات و كان ناوي يتكلم معها براحة و يعتذر عن اللي قالوا، بس لقي نفسه يحدف سم من بوقه، لما اتكلم بحدة: نعم عايزة ايه

شتاء بعدم فهم:بس انا مطلتبش منك حاجه

ربيع: العبي غيرها،ما هو لما تعيطي قدم ماما ،يبقي انتي عارفة انها هتجي تقولي، و يا حرام تصعبي عليا و اجيلك

بصت عليه ببرود و قالت: روح اتعالج بعيد عني ، هو انت فاكر نفسك محور الكون

ربيع بغيظ: اومال عاملة الشويتن دول ايه

شتاء: انا مش بعمل شوتين انا إنسانة حساسة

ربيع: طيب يا حساسة هانم براحة على نفسك

شتاء بغيظ : شخص وقح

ربيع ببرود: عارف

و خرج و سابها و هي كلمت نفسها: مغرورة و شايف نفسه على ايه، المهم دي فرصة و جت لحد عندي ،النهاردة هيكون موجود مخرجين و ممثلين لازم احاول اعرض عليهم مسلسلي و اكيد محدش يرفض طلب مرات ربيع عبدالرحمن،و لازم استفاد من المغرور ده

أما ربيع يلوم نفسه على كلامه و غبائه معها…

بعد شوية جهزت شتاء و كانت أشبه بلوحة فنية من كتر الجمال و الرقة.

دخلت مع ربيع الفرح و كل الكاميرات عليهم و ربيع كان يتعمد يظهر حبه و اهتمامه ليها قدم الكاميرات

بعد شوية، مشيت شتاء ناحية صاحب ربيع و اللي هو ممثل مشهور و كمان يبقى جوز سالي

اتكلمت برقة: مساء الخير استاذ جاسر ،انا من  أشد المعجبين بحضرتك

ضحك جاسر و قال: شكرا

بدا شتاء تفتح معه مواضيع عن أعماله الفنية و الغريب هو ارتاح معها في الكلام و لقي أنها فاهمة،فقال: الكلام معاكي مفيد و ممتع جدا

شتاء: شكرا، ممكن اطلب منك طلب

جاسر: طبعا

شتاء: الحقيقة أنا كاتبة و بعشق الكتابة و عندي مسلسل جاهز نفسي اشوفه على الشاشة، بس مش عايزة يكون عن طريق ربيع، حضرتك عارف حتي لو المسلسل حلو يقولك وسطة علشان جوزها، فلو حضرتك تقدر ابعت المسلسل لك و تشوفه و تقول رايك بكل صراحة

جاسر: طبعا يسعدني و يشرفني ،هاتي رقمك و انتي خدي رقمي

شتاء : تمام و أن شاء الله  ابعتلك على الواتس الحلقات و في انتظار رايك

جاسر: واثق أنه هيعجبني

ضحكت شتاء بحماس و تقول بهمس : يارب يعجبه

هما وافقين و مندمجين في الكلام و ربيع عيونه عليهم و عايز يعرف بيتكلموا في ايه كل ده

قرب منهم و حط ايده على كتف شتاء، و قال: بتتكلموا في ايه.