:أنا مستعدة أدفع لك اي حاجه بس مقابل أنها تموت. قالتها نورا وهي قاعده وهي وصباح مع الدجال في مكان غريب ومخيف بس دول مفيش خوف في قلبهم من ربنا وكان الدنيا باقيه مش فانيه. رد عليها وقال: هتدفعي كتير. قالت صباح: اللي أنت عايزه بس احنا عايزين نشيلها من طريق ابني، عشان يشوف حياته. : ماشي أسبوع وعدوا عليا. ردت نورا بسرعة: لا لا أسبوع كثير ،عايزين نخلص في أقرب وقت. : يومين وعدوا عليا يكون العمل جاهز. قامت صباح ونورا بعد ما حطوا قدام الراجل فلوس كتير وخرجوا الاثنين وهم مطمئنين أن يخلصوا كده من امل. سالت نور: بقولك يا خالتي أنا أقول ل أمي اني أتطلقت ولا أعمل ايه؟مش المفروض كده ارجع البيت. ردت صباح: كده كده حازم مش هيجي البيت غضبان علينا المحروس خليه ماشي وراها،وعماد مسافر مفيش غيري أنا وسماح، أمك لو عرفت موضوع الطلاق مش هتسكت،خليكي معانا على ما نشوف الشيخ هيعمل ايه يمكن على آخر الاسبوع نخلص منها ويرجع لكي. قالت بامل: يارب يا خالتي يارب. عند عماد كان يتمشى في شوارع أسكندرية في الليل الجميل مع نسمه البرد اللي تنعش القلب ،و يحمد ربنا انه نجاه من نورا ويسال نفسه ازاي ما قدرش يشوفها على حقيقتها ، فعلا مرايا الحب عمي، يدعو الله أن حياة حازم وأمل تستقر ويبعد عنهم شر صباح ونورا وسماح. قاعد على الكورنيش بص على البحر، و هو سرحان بيفكر في حاجات كتير فجاه سمع صوت عياط بس حواليه كانت بنت قاعده قدام البحر بتعيط بقى محتار يسالها مالها او يمشي لكن العياط كان بيزيد و هي تبص للبحر. قرر يقرب يسالها يمكن محتاجه مساعده قرب منها وسال: _خير يا انسة في حاجه؟ واتحولت من البنت اللي كانت بتعيط من شويه لبنت نظرتها كلها غضب رفعت عيونها بصيت له وقالت بصوت عالي: وأنت مالك كان حد طلب منك مساعده او حد سالك امشي أنا عايز أقعد لوحدي. اتصدم منها ولسه هيتكلم،قالت هي: خلاص انا عارفه أنت هتقول ايه، انا كنت جاي اساعدك وأنا غلطان والمفروض تشكريني حافظة الافلام دي يلا مع السلامه طريقك اخضر. قال بصوت عالي: تصدقي أنا غلطان يا شيخة يارب تعيطي لحد ما تموتي. ردت باستهزاء: اوعي ما تجيش في العزا ازعل منك طريقك اخضر. مشي عماد من قدامها وهو مستغرب طريقه البنت دي،ازاي من شوية كانت منهارة من العياط ودلوقتي بتتكلم كده. الغريبه أن أول ما مشي هي رجعت عيطت تاني وهي تبص للبحر وكانها مستنيه حد يطلع منه او حاجه تظهر لها. عند حازم وأمل كانوا قاعدين جنب بعض كل واحد يبص قدامه زي ما يكون خايفين يبصوا في عيون بعض قرر يتكلم،اخذ نفس عميق وقال : أمل عايزه أقول لك حاجه. بصت له وقالت: بحبك. بص لها باستغراب وسال : بتقولي ايه؟ أبتسمت قالت: ايه يا حازم غريبه ولا ايه اوعى تكون أول مرة تعرف أني.... و سكتت، سأل بهدوء: أنك ايه امل. سالت هي : قولي أنت يا حازم انا ايه؟ بص في عيونها وقال بحب: أنت حبيبتي، أنت كل حياتي، أنت أمي وأختي وكل عائلتي ، مقدرش استغنى عنك، عندي استعداد اتخلي عن العالم كله إلا أنتِ. همست حب وخجل: بحبك اوي ، بحبك اكتر ما حد في الدنيا يتخيل. حضن وجهها بين كفوف يده و صوب عيونه على عينها و قال بهدوء: اسمعيني الاول يا أمل في حاجه لازم تعرفيها. : عارفه كل حاجه لاني سمعت كل حاجه. =سمعتي ايه مش فاهم : الحقيقه سمعت الحقيقه عرفت ليه اتجوزت نورا. عقد حاجبه باستغراب وسال: عرفت ازاي مين قالك ؟ عماد. هزت رأسها بالنفي،وحكت له عن مكالمه صباح. رد بحزن و ندم: أنا اسف على كل حاجه. : بجد آسف على ايه لأنك انقذت حياتي من الموت، رغم انك بسببي محروم تكون أب ، أنك مصمم تفضل معايا ،قطعت علاقتك مع اهلك علشاني،انا اللي اسفه ،أنا اسفه يا حازم على كل كلمه قلتها لك ، بس كنت مصدومة. شكرا انك موجود في حياتي و آسفه اني سبب عذابك شكرا لانك حبتني و آسفة أن حبك ليا سبب حزنك.. رد عليها وقال :سبب حزني حبك سبب حزني, حبك سعادتي من يوم ما شفتك والدنيا حلوة في عينه ازاي بتقولي كده، أنت الامل اللي نور حياتي. همست بحب و نبرة حنونة: و أنت حياتي كلها. :قلب حياتك يا امولة، بصي بقى كفايه زعل وكفايه وحزن،لازم نفرح من حقنا نفرح. قالت بحماس: و أنا موافقة حد يكره الفرح. قام من مقعده و شدها و قال: يلا غيري هدومك و نخرج شوية مشت أيدها على كتفها دليل على برودة الجو ،و قالت: نخرج في البرد ده خلينا هنا احسن نقعد في البلكونه دفية شويه. حرك راسه بالرفض و قال: لا يلا الشتاء هو ليل العاشقين، يلا بسرعة يا امولة. :ماشي, بس هقولك حاجه أخيرة، من حقك تكون أب ، لو في يوم عايز تجوز علشان الحق ده أنا موافقة و متخافش مش اطلب الطلاق. =صدقيني أنا اتجوزت نورا عشان انقذ حياتك ومش حاسس أن انا ناقصني حاجه ،او محروم لانك بنتي مش مراتي وأنت عارفه كده لو أنا ناقصني حاجه مش عارف أقول ايه، شايف أن مفيش حاجة ناقصة في حياتنا، حبيت قلبي ده قدر و أمر الله ،ربنا له حكمة في كده، فأكيد ده خير لنا، و اه لينا يا أمل لأني من اليوم خطوبة و أنتِ قدري و نصيبي. : هو سؤال صغير واخير، أحبك اكتر من كده ايه. رد بابتسامة : الي ما لا نهاية ،حب حازم و أمل لا يوجد له نهاية. وضمها إلى حضنه بسعادة و حب ، و ضمته أكتر و قالت : طيب فكر بس تحب حد أو تجوز و أنا اقتلك و اقتلها. ضحك بصوت عالي و قال: و حقي و كلامك العاقل الحلو ده. = حق مين يا حبيبي ، أنت حقي أنا، عوض ربنا لي، عمري ما فرط فيك. ضمتها أكتر و قال: بحبك يا أجمل شيء في حياتي. رجعت صباح و نوار من عند الدجال بعد ما طلب منهم شويه حاجات غريبه وعجيبه وقروا يعملوها رغم أنهم عارفين حجم الذنب اللي يمشي ورا الكلام ده سألت نورا: هي سماح لسه بره؟ ردت صباح: الظاهر كده، خليها تفك عن نفسها شويه كفاية الغمه اللي عايشين فيه بسبب البومه اللي دخلت حياتنا. ابتسمت بحزن وقالت: بس ابنك بيحب البومه دي يا خالتي ومش شايف غيرها. :ما قلتلك يا نورا،ابني معمول له سحر وقوي كمان أنت مش شايفه بنفسك ،حتى عماد فجاة كده قرر يسافر مع أن شغله هنا كويس ،يبقى ده كله ليه، هي أمل عاملة سحر علشان محدش يعيش مبسوط فينا. =أنا عمري ما كرهت حد زي ما كرهت أمل دي : اصبري أنت بس ،وبكره يجي اليوم اللي يطلقها فيه ويبقى بتاعك أنت و تجيبوا الحفيد اللي بحلم بيه. عند سماح بعد ما قضيت ساعات طويله معه : أنا لازم امشي بقى. أتكلم بعصبيه: مش المفروض نقضي معظم الوقت مع بعض،عشان نعرف ناخد خطوه الجواز ولا لا. ردت بهدوء: فاهمك طبعا يا حبيبي، بس قول لي بقى أقول ل اهلي ايه هم أكيد مش يفهموا دماغنا،ولا يفهموا ان اللي بنعمله ده صح بدل ما نتجوز ونرجع نتطلق،عشان كده مش لازم يشكوا فيا لحد ما ناخذ قرار، :الاهم خدي بالك ليحصل حمل أو حاجه لاني أنا متفق معاكي واكد عليكِ تاني الفتره دي فتره إختبار يعني أخد الخطوه يا اما لا. كان هو زي اي شاب عايز يقضي وقت مع بنت سهله و رخصت نفسها ، و لما انتشر موضوع المساكنة لقي أنها حجة جديدة و تاكل بعقل البنات اللي تنادي بالحرية،حريه في اللبس وأن الحجاب مش فرض، حريه في العلاقات و أن البنت من حقها زي الشاب تكون لها علاقات سابقة،ولازم المجتمع يتقدم و يقبل أن مش شرط ان البنت تكون عذراء،كل ده ليس انفتاح ولا تقدم بل نشر الفساد والابتعاد عن الدين والقيم والاخلاق،وصلنا إلى المرحله ناخد من الغرب كل شيء سيء،و نقلد من غير فهم و أننا لنا عادات وتقاليد و ملتزمين بالدين. و للأسف بقا الصح قليل و المعظم ماشي وراء الباطل يبطل له بدون واعي و فهم.... قربت منه بدلع و قالت: عاملة حسابي يا حبيبي ،بس لو حصل تعمل ايه. رد عليها رد واضح و صريح: مش ملتزم بأي حاجة أنتِ قبلتي بكامل إرادتك أننا نخوض التجربة، أنا كنت صريح معكِ. = اهدي كده أنا عاملة حسابي. مر شهر عليهم. قرر طارق أن تذهب بسمة إلى طبيبة نفسية لمساعدتها في هذه المرحلة. وسماح مازلت على علاقه مع الشاب تحت بند التجربه. أما عماد فهو بالصدفه اكتشف أن البنت اللي شافها قاعده على البحر و بتعيط، بتيجي كل يوم في نفس الميعاد و تقعد عدد ساعات معين وبعدين تمشي. ولو حد فكر يقرب يسألها زي ما هو عمل فجاه تتكلم بشراسه و بمجرد ما الشخص يمشي ترجع تعيط تاني مستغرب التركيبة الغريبه دي. عايز يعرف ايه حكايتها مش بدفع اي حاجه غير الفضول وهو مش عارف ان ده أول طريق الحب وهو الحب ايه يا عمده غير شويه فضول على شويه حاجات فوق بعض.. اما امل وحازم رجعت علاقتهم زي الاول ،علاقه قوية مبنيه على الحب مش على اي حاجه تانيه و وعلاقة حازم مع محمد وسمر بقت زي الاول بعد ما عرفوا سبب الجواز. لكن الجديد أن أمل قررت زياره طبيبه نفسيه لانها مش قادره تتخطى أن هي هتكمل حياتها وهي محرومه أنها تكون ام وحازم كالعاده داعم ليها هو و سمر ومحمد اللي بيعامل أمل كانها اخته الصغيره وعيال سمر اللي يحسسوا امل و حازم في كل وقت بالحنان. نورا وصباح وسماح لسه شغالين يفكروا ازاي يفرقوا بين حازم وأمل ،عملوا سحر وأعمال ولكن كل ده ما جابش نتيجه من آخر مره كان حازم فيها وطلق نورا و هو مقاطعهم زي ما قال و ل حتي بالتلفيون. و أم نورا لحد دلوقتي مش عارفه ان حازم طلق نورا لان زيارتها قليله ونورا بطلت تتكلم مع أمها ،حتي نسيت أن ليها ام،وصابرين لانها مش موافقه على أفعال نوار بطلت تسأل عنها و تكاد العلاقه بينهم مقطوعه. دخلت أمل عيادة الطبيبه النفسيه،بصت على مكان السكرتيره، لقيته فاضي، قعدت في الاستراحه على ما تيجي بصيت جنبها كانت بسمة، افتكرت أنها شافتها في المستشفى و كانت تعيط، كلمت نفسها: ليه البنت الصغيره ،باين عليها الحزن كده و الزعل كأن عمرها 100 سنة حزينة و مهمومة مش بتضحك تبص على الارض دايما وكانها خايفه تبص لعيون الناس، يا ترى ايه حكايتك يا جميله؟ سبحان الله بنت في جمالك وتبقى حزينه كده، وهي لسه طفلة صغيرة، ربنا يهون عليك ِ. خرجت السكرتيره من غرفة الدكتوره وقالت بابتسامه: اتفضلي يا بسمة. قامت من مكانها وبيان عليها أنها حتى مش قادرة تمشي و مش النفسيه بس اللي تعبانه ده الجسد كمان تعبان اتحسرت عليها،وعندها فضول تعرف ايه حكايه البنوته دي. قالت السكرتيرة وهي بتبص على امل: اتفضلي يا مدام. قامت من مكانها وراحت عند المكتب وقالت: السلام عليكم ورحمه الله وبركاته. ردت: وعليكم السلام ورحمه الله وبركاته اتفضلي حضرتك. :لو سمحتي كنت عايزه احجز كشف عند الدكتوره. =لازم حجز مسبق علشان خاطر سريه المرضى، كان المفروض تتصلي بالتليفون الاول. : أنا أسفه ما كنتش اعرف كده ،طب ممكن حضرتك تحجزي لي ميعاد. =حصل خير يا مدام حضرتك هتسيبي بياناتك ولما أثبت الحجز ابلغ حضرتك. : تمام ،شكرا لحضرتك ،و ياريت الميعاد يكون قريب. ==ان شاء الله... مشيت أمل من العياده وهي عايزه تعرف ايه سبب حزن البنوته؟ و كمان إسمها بسمة، أسم جميل لكن إسمها ملوش علاقة بيها فهي حزينة ومش بتضحك في غرفه الطبيبه تحاول مع بسمة من وقت ما دخلت أنها تتكلم،دي الجلسه الخامسه بينهم ولا جلسه قررت تتكلم وكل مره الدكتوره هي اللي تتكلم وتحاول تعرفها ان اللي حصل كان غلط ولكن هي طفله مش فاهمه ده ، و كمان أن الموت بايد ربنا ،صحيح في أسباب وبسمه كانت سبب موت أمها و اخوها ،لكن يشفع لها انها طفله وبسمه لم تتحرك او تتحدث مع احد ،منذ وفاة والدتها كان آخر شيء فعلته هو صرخه ومنذ هذا الوقت وهي لم تتحدث شهر كامل ترفض الحديث.. كان حازم مستني قدام العماره لأن أمل رفضت انه يطلع معها، حبت تاخد التجربه دي لوحدها، حتي رفضت أن سمر تجي معها ركبت جنبه في العربية،سال: عملت ايه يا حبيبتي؟ ردت عليه قالوا لي لازم أخذ ميعاد الأول. اتحرك بالعربيه وقال : خير ان شاء الله. قالت بسرعة: فاكر البنوتة في المستشفى ،وكانت بتعيط وأنا سالتها مالك بس مردتش عليا. فكر كده شويه وبعدين قال: اه افتكرت. وبعدين سال: و دي بتعمل ايه هناك ؟ليه تروح عند الدكتور نفسية؟ دي لسه صغيره جدا. قالت أمل بحزن :مش عارفه بس بجد صعبانة عليا قوي ،البنت صغيره جدا وشكلها حزين قوي كانها عندها 100 سنه مش عارفه ايه اللي ممكن يخليها تبقى حالتها كده. تنهد بحزن وقال : هي الدنيا كده، الكل تعبان فيها محدش مرتاح ربنا يهون على الجميع. : اللهم امين. عند نورا وصباح اللي كانوا زي المجانين ، أن مفيش أي حاجة جايبه مفعول و مش عارفين يفرقوا بينهم قالت نورا : مفيش غير حل واحد. ردت صباح بانتباه :ايه هو.. ابتسمت بخبث و قالت: الحل ده يفرق بينهم إلى الابد. عندما عماد كان بيراقب البنت اللي كل يوم في نفس الميعاد من الساعه 10:00 للساعه 12:00 و هي قاعده قدام البحر وتبص عليه وتعيط بقى عنده فضول يعرف مالها عايز يسالها مالها لكن كل مرة يفكر يقرب و بعدين يبعد. وفجاه قامت جريت ناحية البحر و عايزة ترمي نفسها فيه. و للحديث بقية رايكم يا حلوين ♥️ رايكم نورا هتعمل ايه في امل عشان تفرق بينها وبين حازم ايه حكايه البنت اللي لسه عماد مش عارف اسمها،ليه عنده فضول يعرف حكايتها ممكن يبقى ل أمل دور في علاج بسمة و العكس صحيح. #أمل #مابين_الحياة_والموت #الفصل_الثالث_عشر #روايات_بقلم_منال_كريم نختم بذكر الله ❤️❤️❤️❤️❤️❤️❤️ سبحان الله وبحمده سبحان الله العظيم استغفر الله العظيم و اتوب اليه لا اله الا الله وحده لا شريك له له الملك وله الحمد وهو على كل شيء قدير اللهم صل وسلم وبارك على سيدنا محمد لا حول ولا قوه الا بالله العلي العظيم لا اله الا انت سبحانك اني كنت من الظالمين حسبي الله ونعم الوكيل اللهم احفظ مصر و شعبها و أرضها من كل شر اللهم انصر اخواننا في فلسطين و السودان و النصر لجميع البلاد العربية و الإسلامية ❤️❤️❤️❤️❤️❤️ فجاه جريت ناحية البحر،وكانت هتنط ،جري عليها عماد ومسكها وصرخ فيها: بتعملي ايه يا مج،نونه أنت اتجننتي عايز تنت،حري. زقت ايده واتكلمت بحده : وأنت مالك ، عايز ايه أبعد عني. قال بغضب : تصدقي أنا غلطان،ارمي نفسك ولا ولعي في نفسك وانا مالي يا شيخه أنت مج،نونه. خلص كلامه ومشي وهي بصت للبحر وبعدين بصت على عماد وبعدين رجعت قعدت مكانها و كملت وصله العياط.. ماشي عماد في الشارع و متعصب جدا من البنت دي و يقول لنفسه: يا ريتني كنت سبتها ترمي نفسي واخلص منها. ويرجع الفضول تاني عايز يعرف حكايته هي ليه كده دايما قاعده هنا ملهاش أهل ،كمل طريقه للبيت ودماغه مشغولة بيها،و حرفيا نسي نورا وحازم وعائلته وكل الناس تفكيره بقى في البنت دي بس اللي حتى مش عارف يعرف أسمها ايه. كانت صباح قاعده مستنيه نورا تقول الخطة اللي يخلصوا بها من أمل. قالت نوار: ايه رايك يا خالتي نحرق قلبها على عيل من عيال سمر وهي بتحبهم قوي. قالت سخريه: اسم الله عليكي يا أختي و ده يبعدها عن حازم ازاي، ايه الاستفاده من كده،اننا نق،تل عيل من عيال سمر غير ان قلب سمر يت،حرق عليه، وأنا البنت دي ما بطيقهاش بنت لسانها طويل بومه زي أمل و أمهم ،كان نسب اسود. قالت بهدوء: اسمعيني بس يا خالتي ,دلوقتي احنا لما نعمل كده أمل تكون مشغولة مع سمر ،و الفتره دي يكون حازم لوحده والطريق خالي مين بقى يقرب منه؟ ردت بتفكير: تفتكري،ما بلاش يا نور بلاش نوصل للق،تل وفي الأول في آخر حته عيل حرم علينا. قالت بغضب وحقد : أنا عندي إستعداد أعمل اي حاجه مش بس الق،تل عشان اوصل لحازم. : طيب اهدي بس،و اسمعي في خطط كثير ممكن نعملها ،و نخلص من أمل بعيد عن الاطفال. =أجيب واحد يرش عليها ميه نار ويحرق وش،ها عشان حازم يقرف يبص ليها و يرجع لي. ابتسمت صباح بصوت عالي وقالت :طالعه ناصحه زي خالتك مش زي أمك العبيطه اللي قلبها طيب وطول عمرها تسيب حقها. جت سماح من اوضتها وقالت: نقطه صغيره بس يا ماما حازم مش من حق نورا، حازم من حق أمل ،وكلنا عارفين كده أمل الاولى و نورا التانية صرخت نورا بعصبيه : وأنتِ معنا ولا معها سماح. قعده بدلع وقالت : معكم طبعا أنا كمان نفسي حازم يخلص من أمل. بصت نور عليها بتمعن ؛ وقالت: مالك يا بت سماح ،شكلك متغير الايام دي. تعلب في شعرها بدلال وسالت: حلوة أو لا. ردت صباح: قمر يا اختي اسم الله عليكي،ده انت وشك منور وزي القمر. اتكلمت نوار: شكلك بتحبي يا سماح. ابتسمت بخجل قالت: ايوه. سألت صباح: مين ده يا بنت ازاي تخبي عليا : يا ماما الموضوع لسه في الاول هو زميلي في الجامعه ولسه ما فيش حاجه اكيده طبعا لو في حاجه هقولك. ماشي يا قلب امك ربنا يسعدك. وقبلت الأم فكرة ان بنتها تحب بدون اي رابط شرعي و يكون في فترة اغختبار. أما سماح اللي تعيش أحلي أيام حياتها وهي مش حاسه بحجم الذنب اللي بتعمله يوميا شايفه أن هي بتعمل حاجة صح ومفيش حاجه غلط،ايه يعني تكون في علاقه كاملة بدون اي رابط شرعي ، تحت أسم مستعار و هو المساكنه و الاسم الحقيقي لها الز،،نا. ونورا الهوس والجنون والحقد متحكم فيها لدرجه أنها ممكن تق،تل و مش اي حد،تق،تل طفل ملوش اي ذنب في حاجه. غير ان هي عايزه تحرق قلب أمل،قررت أنها تحرق وشها بدل قلبها المهم انها تقضي عليها عشان شايفه أن هي عائق بينها وبين حازم اللي هو عمره ما افكر فيها وأن هي كانت قدامه قبل ما أمل تظهر في حياته. الثلاثي ده في منهم كثير يعمل الغلط و يكابر الأسوأ انه شايف نفسه صح وعنده مبررات،بل الاسوء في مجتمعنا دلوقتي ان بقي اللي يعمل الغلط كثير ماشيين وراه و يطبلوا له واللي يعمل الصح واقف لوحده. لكن مش مهم ، المهم انك تعمل الصح لان الدنيا فانيه مش باقيه خلي الكلمه دي في ودنك كويس أن الدنيا فانيه مش باقيه. عند أمل وحازم كانت هي قاعده في البيت وهو في الشغل لقيت الموبايل بيرن بصت للرقم بابتسامه و فتحت الخط،ردت بدلع :الو. رد عليها: عامله ايه : الحمد لله بخير ،كنت لسه هكلمك. = خير أن شاء الله ، أنتِ تعبانة. :لا ما فيش حاجه, عندي معاد عن الدكتورة. = خالص انا جاي حالا. : خليك يا حازم في شغلك ،انا اروح لوحدي. قال باعتراض: لا طبعا أنا اجي معكِ. : خلاص بقا سبيني براحتي. = حاضر علشان تكوني مرتاحة. قفل معها و قال صديق حازم في الشغل: يا عم ركز في الحسابات. قال بعصبية: أنا مركز ،ركز أنت مع نفسك. بعد شوية ،وصلت أمل للدكتورة دخلت عند الدكتوره وقعدت قدامها تفرك أيديها بتوتر مش عارفه تبدأ منين،رغم أن ابتسامة الدكتوره،ابتسامه هاديه وجميله ، لكن هي كانت متوتره. بدات الدكتوره كلامها : أزيك يا مدام أمل. ردت بهدوء: الحمد لله. :تحبي نبتدي منين بلعت ريقها بتوتر وقالت: الصراحه مش عارفه, أنا خايفه ومتوتره مش عارفه ابدا منين، مش عارفه انا عندي مشكله فعلا او لا المفروض أكون هنا أو لا كلام كثير يدور عقلي و مش عارفة فين الصح و فين الغلط؟ : تعالي نبتدي من الاول ،عرفيني عن نفسك ،و كوني هاديه ومش خايفه وكانك تكلمي نفسك. بدات أمل تحكي عن نفسها من البدايه تفاصيل صغيره وبسيطه زي أنها ليها أخت اسمها سمر والدتها متوفية والدها متوفي متزوجه كل الامور دي، لحد ما وصلت إلى المشكله اللي عندها انها راضيه بقضاء ربنا، بس في نفس الوقت مش قادره تتقبل فكره أنها محرومة من الأمومة. مبسوطه أن حازم بيحبها،وان الازمه بتاعت جوازه من نورا اثبتت لها انه بيحبها و انها اغلى حاجه عنده. بس في احساس جواها احساس الغيره،غيره ايه يا ست على زوجها وحبيبها. قالت بنفس الابتسامة : كفايه كده النهارده يا مدام أمل، و ايه رأيك لو تحضري جلسات جماعية ,دي بتساعد كثير هزت راسها بالرفض وقالت: لا مقدرش أتكلم قدام حد. :مش لازم تتكلمي كفايه أنك تسمع و تعرفي أن الكل عنده مشاكل ونسبه التخطي تبدأ مننا وكل إنسان وقدرته. قامت من مكانها وقالت: شكرا يا د دكتورة. ومشيت أمل و حاسه بالراحه،على الاقل اتكلمت مع حد غريب عنها تقدر تبكي قدامه تقدر تتوجع لانها بتخاف تبكي قدام حازم او سمر عشان ما يزعلوش عليها. عند عماد كان في الشركه اللي شغال فيها يحاول يشتغل لكن كل تفكيره مع البنت، اللي شغلت عقله و باله و اسئله كتيره تدور في دماغه،هي ليه دايما تقعد في نفس المكان؟ علاقتها بالبحر ممكن يكون البحر خد منها حد وهي مش قادره تتخطى الموضوع. وهو في مكتبه لانه شغال في قسم الاستشارات القانونيه في الشركة. ظهرت هي قدامه فتح عيونه بصدمة ،لكن هي بصيت بغضب وعصبية ،قام من على مكتبه وسال: _أنتِ مين؟و تعملي ايه هنا؟ ردت بعصبيه: وأنت مالك بص بذهول و قال: حضرتك في مكتبي ايه قله الذوق دي. صرخت بعصبيه: أحترم نفسك يا اخ أنت. خبط كف على كف خبط وقال: استغفر الله العظيم يارب،يا بنتي أنتِ في حاجه في عقلك ده مكتبي و من حقي أسأل أنت عايزه ايه ردت ببرود: اه تمام شغال هنا يعني. ابتسم و قال: اه خير بقا. قعدت على المكتب و قعد هو كمان مستني أنها تتكلم. قالت: بص يا أسمك ايه انا عايزه منك خدمة. : اسمي عماد وخدمه ايه ان شاء الله. بصت نظرة مخيفه وقالت: _ تحب تموت. فتح عيونه بصدمة و قال : نعم يا اختي تكلمت بنفس النظرة: اهدي بس و اسمعني، الموت حلوة اوي. في منزل طارق.. كان راجع من الشغل و للأسف عايش لوحده هو و بسمة و المسؤولين عن المنزل. عائله مراته كلهم بره مصر و هو كمان أبوه و أمه متوفين و معندوش اخوات. طلع درج السلم بتعب، وهو صاحب شركه استيراد وتصدير دخل اوضه بسمة، صرخ بجنون لما لقاها على الارض و ايديها تنزل دم وجنبها مبرد اظافر. في منزل صباح كانت نورا قاعده مع صباح تكلم واحد عن طريق الفيديو كان مراقب امل من وقت ما خرجت من البيت هو حاليا واقف قدم عمارة الدكتورة قالت نورا بشر: أعمل اي حاجة بس تخلص منها، عايزها تموت و وشها مشو،ه،وانا عندي إستعداد اديك كل الفلوس اللي انت عايزها. كملت صباح بنفس الغل والحقد : أسمع الكلام و نفذ خلصنا منها النهارده. رد عليهم: اعتبروا حصل انتوا هتدفعوا كتير. وصباح تخطط تقتل امل وتخلص منها ،كانت سماح في الحمام،هي ترتعش من الخوف و هي مسكه اختبار الحمل اللي كانت النتيجه ايجابيه، تتكلم بجنون: _ يادي المص،يبة ،ازاي حصل أنا عامله حسابي كويس أعمل ايه؟ لازم ينزل، أيوة الطفل ده لازم ينزل، شهاب لو عارف ممكن يبعد عني. أما أمل كانت خارجه من عيادة الدكتوره وكان الشخص المستاجر لقتلها وتشو،يه وجهها بميه النار في الجانب الثاني ابتسم بخبث و طمع في الفلوس الكتير، و خرج الزجاجة من جيبه و يتحرك في اتجاة أمل، و فجاةووووو. و للحديث بقية رايكم يا حلوين ♥️ ♥️ كده قراءة ممتعة ❤️ #أمل #مابين_الحياة_والموت #الفصل_الرابع_عشر #روايات_بقلم_منال_كريم ❤️❤️❤️❤️❤️❤️ سبحان الله وبحمده سبحان الله العظيم استغفر الله العظيم و اتوب اليه لا اله الا الله وحده لا شريك له له الملك وله الحمد وهو على كل شيء قدير لا حول ولا قوه الا بالله العلي العظيم لا اله الا انت سبحانك اني كنت من الظالمين حسبي الله عليه توكلت وهو رب العرش العظيم اللهم احفظ مصر وشعبها وارضها من كل سوء اللهم انصر فلسطين والسودان وكل البلاد العربيه والاسلاميه ♥️♥️♥️♥️♥️
