أميرة القصر بقلم منال كريم

اتعدلت و بصت في المرايا و شافت وشها الشاحب و قالت  لنفسها بندم وحزن:

عدى سنة و الموضوع بقى بالنسبالي جحيم، ندمت  على اللي عملته في حق نفسي، و في حق اهلي كانت حياتي سعيدة .

و بكده نكون وصلنا للحظة اللي كانت في الاول أنها قررت تنتحر

دخلت الحمام و قفلت على نفسها و مسكت الموبايل و كتبت  : انا مش قادرة اكمل في الحياة دي،خالص تعبت يا ماما، عارفة اني غلطت و غلطة كبيرة أما اتجوزت شخص مش مناسب و مسمعتش كلامك ،و سبت تعليمي،انا عايشة حياة صعبة جمال يشرب مخدرات ،و مش بيشتغل انا مش بلاقي العيش الحاف في البيت ،ده غير الضرب،ماما سامحيني و قولي ل بابا و اخواتي يسامحوني و بلغي ليليان أن كان عندها حق تبعد عن واحدة زيي ،الكل كان صح و أنا غلط، ياريت الزمان يرجع تاني و افضل أميرة القصر زي زمان،

بعت الرسالة و بعدين خدت شوية حبوب عشان تموت و ترتاح من الدنيا ، و دلوقتي شريط حياتها  يعدي قدمها .
////////
أما في القصر كانت جميلة في اوضتها، و نزلت جري و هي تعيط، دخلت اوضة الصالون كان قاعد عاصم و فريد و حمزة،صرخت و هي بتقول: بنتي قتلت نفسها،علشان احنا كنا قاسين عليها.

الكل اننتفض من مكانه و سال عاصم : في ايه

مدت ايديها بالتلفيون و هي منهارة ،اول ما عاصم شاف الرسالة جري على برة و هما وراءه…
//////(
عند عهد

من حسن الحظ وصل جمال و عمل حاجه صح و خدها المستشفي و عاصم  عرف العنوان من جمال و راحوا   المستشفي..

في اوضة عهد بعد ما فاقت

عاصم بكل هدوء:عايزة تكملي مع جمال

قالت بانهيار و رجاء: لا يا بابا مش عايزة اكمل ، خلصني مني ،ابوس ايدك

عاصم: حمزة حالا يكون عندي مأذون

حمزة : تمام يا بابا

بص عاصم مرة تانية على عهد و قال: كان بيضربك

عهد: أيوة

عاصم: فريد

شمر فريد قمصيه و قال: علما و ينفذ يا باشا

عاصم: عارف يا جمال لو سمعت صوتك ،هقطع لسانك و انا هعملها

و نزل فريد ضرب في جمال و هو ياخد حق عهد، لحد ما وصل الماذون و تم الطلاق و خرج جمال من حياة عهد..

جميلة: عاملة ايه يا حبيبتي

عهد بحزن: الحمد لله، سامحوني كلكم انا مش عارفة عملت ايه حلو في حياتي علشان ربنا يعطيني فرصة تانية ، كنت غبية

عاصم : مش هنتكلم في الماضي، هنتكلم في الحاضر