أميرة القصر بقلم منال كريم

جمال: أما اكل انا الاول،علشان  مفيش فلوس اجيب أكل لو فاض حاجة كليها.، بقولك معاكي  فلوس

مدت ايديها بالفلوس من غير ما تقول من مين،علشان توقعت لو قالت موقف ليليان مش بعيد  جمال يطلب منها تشحت  في الشارع

جمال: يلا زيارتك جت بفائدة

بصت عليه بقرف من طريقة اكله و تلوم نفسها على غبائها، و قالت:و ناوي تشرب بالفلوس القرف اللي تشربه..

رد عليها ببرود: اه

عهد: حسبي الله ونعم الوكيل فيك.

مردش عليها و خلص الاكل و مسابش حاجة لها.

صرخت بصوت عالي:انت حيوان و مقرف انا كمان جعانة و بقالي ايام ماكلتش،بعد ما كنت عايشة في العز ،وصل بيا الحال لكده ، كفاية، أنا مش عايزة أكمل في الجوزة دي   ، انا جبت اخري منك.

ابتسم بسخرية وقام من مكانه وهو بيقول :

مش قرارك، ده قراري أنا،مش هسيبك تبعدي عني….

حاولت تكون جامدة و قالت: لا قرري و احسنلك تنفذ،بالذوق ،بدل ما تشوف مني وش تاني ،انا خالص فهمت غلطي ،طلقني خليني اروح ابوس رجل بابا أنه يسامحني و قوله أنت كان معك حق يا بابا.

ابتسم  جمال بشر، و قرب منها  ولف ايديه حوالين رقبتها قال  بصوت مرعب:يبقى مع السلامة يا عهد،يوم ما تفكري تسبيني هيكون يوم موتك..

حاولت عهد تبعد عنه بس مش قادرة وصلت أنها مش عارفة تاخد نفسها ،تضرب أيدها بضعف على أيده أنه يسبها بس هو تحت تأثير المخدر و بالنسبة له  مش هيفرط فيها بسبب فلوس ابوها.

غمضت عيونها باستلام،اول ما لقها كده،سابها و وقعت على الأرض، و جمال بكل برود خرج من الاوضة وقفل عليها….

و هي فاقت بعد ما كان نفسها تموت،و عرفت انها صعب تبعد عن جمال…
////////////////////////
عدى سنة كاملة على جواز عهد و جمال

لسه عهد  أسيرة عند جمال بسبب اختيارها الغلط ،مش عارفة تتطلق و تبعد عنه و حياتها كلها ضرب و اهانة و جوع و فقر

أما أهلها محاولوش يتوصلوا معها و لا مرة.

كانت مرمية على الأرض و بتشوف المكان اللي زي مقلب زبالة، و افتكرت قصرها الجميل و حياتها ،و كلمت نفسها بندم : انا  المذنبة الوحيدة ،مقدرش ألوم حد على اللي وصلتوا و حصل معايا ،ازاي كنت عايشة كده، ازاي بعدت عن اهلي علشان  حد غريب، قصة حب مخدتش ثواني كنت متخيلة أنها تنجح يا عهد.