أميرة القصر بقلم منال كريم

أما عند عهد كانت ماشية في الشارع و ماسكة كيس الاكل في ايديها و تعيط ، تعبت من المشي قعدت على الرصيف ،و علشان تكمل معاها عدت ليليان و هي راكبة  عربيتها، وقفت قدمها و افتكرت أنها شحاتة..

مدت ليليان ايديها من الشباك و قالت باحترام : اتفضلي حضرتك

رفعت عهد عينها من الارض،فقالت ليليان: وشك مش غريب عليا، انا اعرفك

عهد: لا يا هانم،احنا منعرفش بعض

و خدت الفلوس منها و مشيت ليليان بعربيتها و قالت عهد بحزن: في يوم من الايام ،كنت بركب عربيتي مع السواق  زي الأميرة ،و دلوقتي صاحبتي معرفتش شكلي ،ما طبعا شكلي اتغير من البهدلة، الكل كان صح و أنا غلط،ياريت الزمن يراجع ،كنت سمعت كلام اهلي ..

/////////
في البيت

جمال كان مستني عهد بفارغ الصبر، اول ما وصلت ،سال : ها ابوكي وافق نعيش معاهم في القصر.

عهد قعدت بتعب و قالت: لا

خبط على  الترابيزة و قال بصوت عالي: انتي فاشلة في كل حاجه، حتي دي صعبة عليكي، كنتي وطي على رجله تبوسيها علشان يوفق

عهد بصدمة: ترضاه لمراتك

جمال بعصبية: أيوة

عهد بصدمة: انا ازاي عملت في نفسي كده ،ضيعت كل حاجه علشان حتة عيل مش راجل

قالت كده و هو نزل فيها ضرب زي العادة هي خدت على الضرب ،بس اللي زاد المرة دي اعتراف بالحقيقة: بقولك ايه من الاخر أنا مش بحبك و عملت عليكي تمثيلية علشان اتجوزك و اعيش في العز، ب ابوكي راجل وطي و بخيل و  عايش في العز و سايب بنته في الفقر

صرخت عهد و هي بتقول: اخرس أقطع لسانك ابويا احسن منك،هو مش مسؤول عنك و عني ، انا اللي غلطانة و عملت في نفسي كده

ضحك و هو بيقول: كنتي غبية و صدقتي  اني بحبك

عهد: طلقني

مسكها من شعرها و قال: تبقي بتحلمي ،علشان انا مش هسيبك،،،و متحلميش انك تهربي من ايدي، انتي اللي عملتي كده، لما خسرتي أهلك علشاني ،انتي بالنسبة ليا ورقة ينصيب لو عايزة ترتاحي من الضرب يبقي تقنعي أبوكي نعيش عندهما

عهد بانهيار: حرام عليك يا جمال انا بحبك و رغم كل حاجه لسه بحبك، ارحمني و خلينا نعيش كويس.

جمال: انتي غبية بقولك مش بحبك، اتجوزتك علشان فلوس ابوكي

و شاف كيس الاكل،فسأل: ايه ده

عهد: بابا بعت معي اكل   زي الشحاتين

شد الاكل و قعد على الأرض و بدأ ياكل ،فقالت: انا كمان جعانة