أميرة القصر بقلم منال كريم

عهد: هبدا من جديد و ادخل ثانوية عامة و أن شاء الله هدخل جامعة و الحق اللي رح من عمري، و اهم حاجه تكون في عقلي أني أميرة في أي مكان و مش هقبل اتعامل أقل من كده.

عاصم: الحب مش عيب،بس لازم الاختيار يكون  بالعقل ،قبل الجواز لازم تشوفي هل البيئة مناسبة لبناء عائلة سوية و سعيدة؟ لازم يكون في تشابه بين الزوج والزوجة علشان العلاقة تنجح مش قصدي  الحالة المادية ،اقصد توافق فكري و مستوي تعليمي  و ده مكانش موجود بينك و بين جمال علشان كده الفشل كان متحدوم،الفقر عمره ما كان عيب،أو سبب فشل الجواز،السبب كان الفرق بينكم في التفكير، انتي فاكرة انك هتعيشي حياة سعيدة زي الروايات اللي أثرت على عقلك، و هو كان طمعان في فلوس ابوكي ،و خدك طريقة للكسب المال من غير تعب.

كانت عهد بتعيط بحزن على نفسها ،قعدت جميلة جنبها و قالت بحب : الحمد لله مرحلة وعدت و هي هتبدا من جديد و تغير كل أفكارها اللي كانت سبب دمار حياتها.

حمزة: كلامك صح يا ماما،،،و صحيح سنة ضاعت من عمرك بس كانت درس قوي ليكي

فريد: احنا كلنا معاكي و بنحبك و فراقك كان صعب علينا بس بابا قال لازم هي تتحمل نتيجة اختيارها..

عهد بندم: انا فهمت متأخر ،و أن شاء الله مش اكرر الغلط تاني..

جميلة : و انا جنبك

قرب عاصم من عهد و قال: انا جنبك

فريد و حمزة قربوا منهم و كان حضن عائلي جميل.

في الوقت ده خبط الباب و كانت ليليان ،دخلت و هي تعيط و قالت: عهد عاملة ايه؟

عهد: الحمدلله،وحشتني اوي يا ليليان

ليليان: انتي اكتر ،أنا اسفة لو زعلتك مني

عهد:  انتي كان كلامك صح،انا اللي اسفة على كل حاجه،كلما كنتوا صح الا انا اللي غلطت

ليليان: مش مهم مرحلة و عدت

عهد: طميني عليكي نتيجة الثانوية ظهرت عملتي ايه

ابتسمت بسعادة و قالت: الحمد لله هدخل هندسة و احقق حلمي

حضنتها عهد و قالت: الف مبروك يا حبيبتي

قال حمزة : يا محاسن الصدف ،هتكوني مع فريد، خلي بالك منها يا فريد ما هي زي اختك برضو

بص فريد لحمزة بغضب و كلم نفسه: اختي ايه،دي حبيبتي…

ليليان اتكسفت و واضح للكل أن فريد و ليليان معجبين ببعض.
////////
قدم اوضة عهد
قالت جميلة: احنا اتصرفنا غلط مع عهد، المفروض كنا سألنا عليها ،لكن احنا بعدنا عنها خالص