أحببت زوجة أخي بقلم منال كريم

صرخت صفاء و كأن بنتها بتحس و باقي البشر لا ، قالت: بعد الشر عليها و قطع لسان اللي يقول كده، ايه يا علا تتمني الشر للغيرك

ضحكت علا و قال: أنا عمري ما اتمني الشر لغيري حتي لو كان هو الشر نفسها.

صفاء: قصدك ايه؟ انا الشر

علا ببرود: كل واحد عارف نفسه كويس.

و مشيت علا على حسام اللي اتصدم و قام من مكانه و قال: علا بتعملي ايه هنا؟

ضحكت علا و قالت: جاية ابارك و أهنئ في فرح جوزي ،ده يوم الهنا يا ولاد لول الملامة كنت رقصت ،طيب كنت اقول يا حسام علشان اعمل حسابي و أجيب فستان جديد و اعمل مكيب دي فرحتي الغالي

حور ببرود: علا أنا عارفة أنك زعلانة، بس لو فكرتي صح تعرفي ده في مصلحتك قبل مصلحة حسام ، و اللي مش عارفه تعملي انا اعملوا و اجيب لحسام ولي العهد.

علا باستهزاء : زهقوتنا ب ولي العهد اللي هيجي يورث منكم قلة الأصل و النطاعة..

حسام بغضب: علا اتكلمي عدل و بلاش تعملي مشكلة و تبوظي يومي.

علا بعصبية: تصدق البجاحة لها ناسها، خايف ابوظ يومكم، لا حقك عليا يا حسام ،كمل يومك بس اعمل حاجه صغيرة،طلقني الاول..

حسام بكل ببرود: و ماله يا حبيبتي،بس الاول اتنازلي عن كل حقوقك

علا بصدمة : أنت بتحلم ،ده انت كنت جعان و اول ما اتجوزتك خدت دهبي علشان تعمل مشروعك اللي وقفك على رجلك و تقولي أتنازل عن حقوقي انت بتحلم..

جت سماح و قالت: نتكلم بعدين يا علا دلوقتي امشي علشان الناس بتتفرج علينا ، و لا عايزة تكسري فرحة بنتي .

حور بدموع مزيفة: لا ازاي علا عايزة تكسر فرحتي

ضحكت علا و قالت: عندكم حق انا همشي على البيت على ما تخلص ليلتك يا عريس ، اللي بعمله غلط ازاي ابوظ فرح جوزي و ضرتي ،ليلة سعيدة.

و مشيت علا و هي بتحاول تكون قوي و تدري قلبها المكسور.
////((
بعد شوية وصلت البيت اللي هو بيت عيلة
الدور الاول شقة عم حسام ابو حور

الدور التاني شقة ابو حسام

الدور الثالث شقة علا

و الرابع هيبقي لحور و حسام

و للاسف البيت ده الرجالة ملهاش لازمة علشان ابو حسام و عمه ملهماش كلمة.

أما علا كانت وصلت البيت و لقت حد يفتح الباب ،صرخت و هي بتقول: حرامي ،حرامي، الحقوني يا ناس .

بص الشاب عليها و قال بعصبية: انتي مجنونة يا بنتي، فين الحرامي ده