أحببت زوجة أخي بقلم منال كريم

كانت قاعدة علا في البيت و تتفرج على التلفزيون و مش شايلة هم حاجة، و اللي حاسة با اللي يحصل من وراء ضهرها، لحد ما رن التلفيون ،فتحت الخط و قالت: الو

رد صوت مش غريب عليها و كانت اخت جوزها اللي قالت: جوزك اتجوز عليكي يا علا

ضحكت علا بسخرية،و قالت: ما تبطلي هزار يا سها، و بعدين ايه الكلام الفارغ ده؟

سها:زي ما بقولك يا حبيبتي أخوي فرحه النهاردة على حور بنت عمي و أنا علشان طيبة قولت أقولك تفرحي معانا.

صرخت علا بصوت عالي و هي بتقول:
بطلي كدب يا سها، أنا مش عارفة ليه من يوم ما أتجوزت اخوكي و أنتِ كرهني اوي كده انتي و أمك ؟

ضحكت بشماتة و قالت:
براحتك بقي لو مش عايزة تصدقي أن النهاردة فرح حسام اخويا على حور ، عادي أنا قولت أقولك علشان حرام تبقي نائمة على ودنك.

و كملت سها بحقد و كراهية ظاهرين في نبرة صوتها:
و أيوة بكرهك اوي كمان، كان وشك نحس على اخويا.

نزلت دموع علا و هي تسأل:

_مش مصدقة كلامك، حسام وعدني أنه عمره ما يعمل كده.

ردت سها بسخرية: واثقة من نفسك اوي، ضحك عليكي زي كل الرجالة
علا بحزن : عايزة اتاكد بنفسي

سها بسعادة: اكتبي عنوان القاعة عندك..

وقع التلفيون من أيدها، و نزلت دموعها بانهيار و هي ترتعش،قعدت على الكرسي و قالت: يارب يكون كلامها كدب ، علشان أنا مش هقدر أتحمل الراجل اللي وفقت جنبه يعمل فيا كده،و يغدر بيا.

مسحت دموعها و قامت تلبس علشان تروح الفرح، لبست فستان بسيط و شيك مع حجابها الطويل و مشيت على مكان الفرح ،و تدعي ربها الموضوع يطلع مقلب من سها
//////////////////
و للاسف كلام سها صح، و حسام جوز علا ،عامل فرح كبير كأنه اول مرة يتجوز بس هو ميعرفش أن أخته عرفت مراته الاولى ،كان يرقص بسعادة مع مراته الجديدة و قال: الف مبروك يا حور

حور بسعادة:الله يبارك فيك ،رغم أني زعلانة منك

حسام: ليه بس يا جميل

حور بزعل: علشان انا كنت قدمك من زمان و أنت روحت تتجوز واحدة غريبة عن العيلة

حسام: كانت غلطة و اديني جيت ليكي علشان تجبيلي ولي العهد اللي علا معرفتش تجيبه..

حور: أن شاء الله يا حبيبي احبيلك دستة عيال

ضحك حسام و قال: أن شاء الله

على ترابيزة ام العريس و العروسة و اخت العريس