أحببت زوجة أخي بقلم منال كريم

//////////////
نامت علا بعد وقت طويل، و صحيت تاني يوم على صوت خبط على الباب ،فتحت الباب و كانت سها،اللي قالت: كل ده نوم زي ما تكوني عروسة جديدة

علا : عايزة ايه سها ،من غير رغي كتير..

سها ببرود: انزلي كلمي أمي

علا : و عايز ايه أمك..

سها: معرفش.

علا: طيب شوية و نازلة..

نزلت سها و بعد شوية نزلت علا و العيلة كلها مجتمعة حتي حسام و حور، سالت: خير

صفاء: هي الناموسية كحلي

علا : عايزة ايه؟

صفاء: حضري الفطار بسرعة

علا : و انتوا متحضروش الفطار ليه،عندكم شلل

حسام بعصبية: ما تلمي لسانك يا علا و اسمعي الكلام.

علا :و اسمع كلامكم ليه، كنت بسمع زمان و اقول معلش عائلتي بس طلعتوا عيلة زبالة.

حور ببرود: شايف يا حسام دي قليلة اداب و لسانها طويل كمان

اتعصب حسام و قام واقف قدمها و ضربها بالقلم ،بس هي معيتطش بالعكس هي ضحكت و بصت على حور و بعدين جزت على أسنانها و هي تصدم الكل لما ردت القلم لحسام.

و حرفيا اتجنن حسام و صرخ و لسه يهجم عليها،وقف جاسر قدمه و قال: اهدأ و بطل حنان..

صرخ حسام: ابعد عني يا جاسر، انتي ازاي تمدي أيدك عليا يا زبالة ،يا بت انتي متسويش حاجة،روحي شوفي الستات عاملين ازاي و تعالي اتكلمي.

كل كلمة وجعت قلب علا ،رغم أنها متأكدة أنها ست الستات و مش مستنية راي حد ،بس الكلام يوجع، و عكس اللي جواها، كانت بتضحك ببرود

و قالت صفاء بعصبية: بدل ما تمسك اخوك ،امسك مراته علشان يرد لها القلم العشر

جاسر بهدوء: اللي بيحصل ده غلط ، اهدوا و حلوا الموضوع بعقل..

سها: موضوع ايه اللي يتحل بالعقل ،سيبه يربها

علا : و الله يا سها اخوكي اللي عامل نفسه راجل عليا، لو كان ركز معاكي ،مكنش ده حالك

سها بصوت عالي:: و انا مالي يا علا

حور: مبقاش غيرك تتكلمي

علا : و مالي يا ضرتي.

حور: ارض بؤر

ضحكت علا و قالت: يعني قلة دين و قلة عقل و قلة اداب، الله يخربيت بيوتكم ، انتوا مش فاهمين حاجه خالص، دي حاجة بتاعت ربنا

رغم أن علا كانت قادرة ترد عليهم بس صعبت علي جاسر ، أنه لوحدها في وسط دول كلهم،و يمكن لو هو مش موجود أن الموضوع اختلف..

زعق جاسر بصوت عالي: ممكن تقعدوا بقي و نتكلم براحة و بلاش دوشة..

جاسر سافر من زمان اتعلم و عاش برة و هو مختلف عن باقي أهله.