أحببت زوجة أخي بقلم منال كريم

علا : لا معلش بقي جينات عيلتكم زبالة فانا مش واثقة فيك..

و طلعت التلفيون علشان تشغل نفسها فيه، و جاسر عمل زيها،لحد ما رجعوا و اول ما شافوا جاسر جريوا عليه و رحبوا بيه، و محدش عبر علا ،حسام خد حور و طلع شقتهم و علا طلعت شقتها بحزن و باقي العيلة في شقة أبو حسام

جاسر: هو ليه حسام اتجوز تاني

صفاء: ابدا يا حبيب أمك ، اخوك متجوز علا من سنين و هي مش بتخلف و اخوك من حقه يكون له ابن

جاسر: بس مش بالطريقة دي يا ماما ، على الأقل كانت تاخد خبر..

سماح: و هي اللي قالتك كده

جاسر: انا وصلت هنا و هي رفضت تدخل البيت معي علشان مفيش غيرنا في البيت و لما سألته انتوا فين حكت ليا..

سها: سيبك منها يا جاسر و قولوا جبت هدايا ايه

و جريت صفاء على الشنط بطمع هي بنتها و كمان سماح،بس هو زعق و قال: محدش يقرب ،لما انا افتح الشنط ابقي اجيب ليكم الهدايا

و خد الشنط و دخل اوضته و معه الشنط و الوحيد اللي كان صعبان عليه علا..

////////
أما عند علا

اول ما دخلت الشقة وقعت على الأرض و بقت تعيط و هي حاطه ايديها على بوقها علشان تمنع صوت عياطها يطلع.

و بعد ما هديت شوية قالت: لازم أطلق بس اخد كل حقوقي و مينفعش أخرج من الجوزة أيد وراء و ايد قدم، منك لله يا حسام انت واهلك، انا كنت براعي ربنا فيك و في أهلك و اتحملت أن معكش فلوس و بقيت اساعدك على قد ما اقدر و اول ما تغدر يكون بيا أنا..
////////
في اوضة جاسر

طلع سلسلة من الشنطة و بص عليها و هو بيقول: انا اشتريت السلسلة دي و قولت هتكون هدية للبنت اللي هتكون حبيبتي ،بس أنا دلوقتي خايف من اللي الجاي، ازاي اعجب بيها من اول نظرة و هي مرات اخويا، صعبانة عليا اوي ،ربنا يهون عليكي يا علا.

///////////////
عند حسام و حور

حور تاكل حسام و قالت: بالهنا و الشفا على قلبك يا حبيبي

حسام: تسلمي يا حور

حور: بقولك احنا لازم نشتغل صح، علشان علا تسيب كل حاجه و تمشي

حسام: أيدي على كتفك يا حبيبتي

حور: زي ما قولت أنا و سها و معانا حماتي و مرات عمي نخليها تكره حياتها و نرمي كل الشغل عليها، مش كفاية أنت صبرت عليها سنين من غير ما تجبيلك حتة عيل يبقي تحمد ربنا لو خرجت بشنطة هدومها

حسام: انا موافق على كلامك.