أحببت زوجة أخي بقلم منال كريم
الجزء الاول
علا بعصبية: بنتك ايه يا بابا ، انت مين و بتعمل ايه هنا.
رد الشاب اللي اسمه جاسر: ده بيتي، انتي اللي مين ؟
ضحكت علا و قالت: ما شاء الله الحرامية بقوا بجاحين اوي ، بيتك مين يا بابا دي بيتي انا ، انا عندي احساس أن النهاردة اليوم العالمي للبجاحة.
نفخ جاسر بضيق و قال :استغفر الله العظيم يارب، لا واضح أنتي اللي بجاحة و مجنونة و امشي من هنا يلا.
نفخت علا بضيق و قالت: بقولك ايه أنا فيا اللي مكفيني،امشي من هنا دلوقتي ..
جاسر: و انا كمان تعبان و عايز ادخل بيتي
علا بهدوء: طيب براحة كده و مين غير خناق، انت مين؟
ضحك و هو الحقيقة اعجب بيها، و قال: انا جاسر و ده بيتي و اهلي عايشين هنا و كنت مسافر من سنين .
فتحت بوقها بصدمة و قالت: اه انا سمعت عنك كتير ،بس بقولك هات البطاقة اتاكد
ضحك و طلع البطاقة و قال : اتفضلي يا ستي ،بس ايه مش هنعرف مين القمر ده.
شافت البطاقة و اتاكدت أن اخو حسام اللي مسافر من زمان، مدت ايديها بالبطاقة و قالت: انا علا مرات اخوك
اتصدم جاسر و حس بزعل بسيط و قال: اه اهلا و سهلا طيب مش هندخل
علا بصدمة : يادي الكسوف هندخل البيت لوحدنا ازاي مينفعش طبعا.
جاسر: ليه فين باقي الناس
قعدت قدم البيت و قالت: عقبال عندك عندهم فرح
قعد جنبها بس في مسافة بينهم و سال: فرح مين؟
صوتها اتخنق بالعياط و قالت: جوزي اللي هو حسام و بنت عمك حور
اتصدم و سال: انتي بتهزري صح، معقول فرح جوزك النهاردة و انتي عادي كده..
مقدرتش تتحكم في دموعها و قالت: لا مش بهزر، النهاردة فرح جوزي على حور، و انا مش عادي و لا حاجة .
جاسر: طيب أنتي ليه موافقة على كده
علا : أنا محدش عرفني أساسا، و لا حد طلب راي، غير الحرباية سها اللي اتصلت بيا علشان تشمت فيها و لما طلبت من عرة الرجالة يطلقني قال معندوش مانع بس لازم أتنازل عن حقوقي الجعان اللي من غيري مكنش يسوى حاجة و لا و كمان قالوا مش وقت كلام و بلاش أعمل مشكلة و اكسر فرحتهم فخدت بعضي و رجعت.
اتصدم جاسر و قال: ايه الجنان ده دول مجانين
ضحكت علا ضحكة ممزوجة بالدموع
جاسر بحزن : أنا اسف
علا : و أنت مالك
جاسر: للاسف هما اهلي
علا : كبر دماغكم
جاسر: طيب اطلعي شقتك علشان انتي اكيد محتاجة ترتاحي ،و أنا اوعدك هقعد هنا لحد ما يرجعوا