غيث و أرجوان بقلم منال كريم ١

في لندن

و بالتحديد في  قصر فخم يعيش فيه زوج و زوجة مصرين.

اول ما ندخل البيت مرسوم علم مصر، و اثاث البيت يدل على الفخامة والرقي.

في المطبخ

واقف بطلنا غيث و يدندن بسعادة و الحب ظاهر عليه ، نزلت على السلم بطلتنا ،أرجوان،بطلالة بهية، فستان رقيق و جميل ،دخلت المطبخ و سالت: اساعدك يا حبيبي

بص غيث لها بغيظ و قال: اه ياريت تساعديني ورني شطارتك في المطبخ ،زوجتي الجميلة.

قعدت على الكرسي و قالت بدلع: كان على عيني ،انت عارف مليش في المطبخ

غيث: و طالما كده ،بتسالي ليه

ارجوان:تصدق انا غلطانة،انا عايزة اساعدك

غيث: أيوة يا ستي غلطانة ،اخرجي حضري السفرة ،اظن دي سهلة

قامت من مكانها و قالت: لازم تشغلني عندك.

غيث: حقك عليا

بعد شوية قعدوا الاتنين يفطروا بسعادة و مفيش اي هم و حزن في قلبهم

سالت أرجوان: غيث ، انت لسه مصمم على الحفلة دي

غيث: أيوة ،الموضوع مش قابل للنقاش،لازم عائلتي و عائلتك يجتمعوا

أرجوان: الصراحة شايفة ملهاش لازمة

غيث: أحنا هنعمل حفلة بمناسبة عيد جوزانا الاول،ازاي تقولي ملهاش لازمة

ارجوان: مش قصدي طبعا، انا بس خايفة انك تزعل ،علشان متأكدة أن أهلك مش هيحضروا ،هما رفضوا يحضروا الفرح ،يبقي يحضروا حفلة عيد جوازنا..

غيث: لا متخافيش ،أن شاء الله المرة دي هيجوا

أرجوان: يارب،، بس انا خايفة من مقابلة أهلك  لو جاهم،حاسة أنهم مش طايقيني من غير ما يشوفوني.

غيث: بلاش الأفكار اللي في دماغك

أرجوان::انت عارف أن كلامي صح، أهلك رفضوا الجواز لمجرد أني عايشة انا و اهلي هنا من زمان ،فاكرين اني أجنبية و انا مصرية اب عن جد

طبطب على ايديها بحنان و قال: مش مهم اي حاجه،المهم أني بحبك

ارجوان بابتسامه: و انا كمان بحبك..
/////
بعد اسبوع

في جنينة فيلا غيث

كانت الدنيا مقلوبة ، عمال كتير بيجهزوا للحفلة على أعلى مستوى .

غيث و صاحبه زين واقفين بيشرفوا على كل حاجة، أما أرجوان بأمر غيث ممنوعة من الخروج برة الاوضة علشان البيت مليان عمال..

رن موبايل غيث ، بص على الاسم ، فتح ورد بلهجة صعيدية: نعم يا أمي

ردت بابتسامة: عامل ايه يا حبيبي

رد بهدوء:الحمد لله بخير،اخبارك ايه

نحمده: بخير الحمد لله

غيث: ها يا امي هتيجوا امت

نحمده بعصبية: اتجنت اياك، عايزين نسافر كل ده علشان نشوف  المسخرة بتاعك