غيث و أرجوان بقلم منال كريم ١
الفصل الاول
اتكلمت أرجوان بهدوء: مطلوب مني ايه يا طنط
نحمده: انتي بتعرفي تعملي ايه؟
أرجوان: قصدك في شغل البيت
نحمده : أيوة
أرجوان: زي ما غيث قالك، انا مبعرفش اعمل حاجه في شغل البيت
سالت نحمده و ياريتها ما سالت علشان الإجابة تخليها تولع من الغيظ: اومال مين بيعملك شغل البيت
نسمة: اكيد جايبة خادمة
ارجوان بحسن نية: لا غيث رافض اجيب خادمة، هو اللي يعمل شغل البيت.
انتفضوا الأربعة من مكانهم، همست هدير ل غالية: كده الساحة ولعت
غالية: يارب استر
ضربت نحمده على صدرها و قالت: يادي العار ،نخبي وشنا فين من الناس
نسمة’: اكيد البت دي عملت ل غيث سحر علشان يعمل كده.
أرجوان كانت مش فاهمة حاجة و ليه كل الدراما دي
نزل غسان من على السلم و سال : مالكم في ايه؟
صرخت نحمده و هي بتقول: المحروسة بتقول مبعرفش اعمل شغل البيت، سألتها مين اللي بيعمل، قالت غيث، شوفت المصيبة اللي احنا فيها
ضحك غسان بسخرية و قال: كنتي مستني ايه من واحد كل طلباته مجابة لازم يبقي كده و انتي و ابويا السبب.
حست أرجوان أنها عملت مشكلة كبيرة ل غيث
نحمده: بلاش تضايقني بكلامك ده.
غسان: انا خارج مش ناقص وجع دماغك
نحمده: احسن برضو
خرج غسان و قالت نحمده بعصبية : تعالي وراءي على المطبخ
مشيت ارجوان و باقي البنات
نحمده: اغسلي المواعين
اتكلمت بصدمة : كل دول
نحمده: ايوه
مدت ايديها و بدأت تعمل على قدها..
////////
الغريبة نحمده اللي كانت مضايقة من غيث مقدرتش تتكلم معه علشان ميزعلش و هي بتخاف على زعله أوي..
/////((((
عدت الايام و ارجوان تحاول تتأقلم معاهم بس الموضوع صعب عليها.
على الساعة تلاتة العصر
خرج غيث مع ابوه و أخوه ل الغيط و هدير و غالية رحوا السوق ،فكرت نسمة مع نحمده في فكرة حلوة علشان يخلوا ارجوان تخاف
كانت ارجوان تعبانة من الشغل، حاولت تنام، مجرد ما نامت على السرير، سمعت خبطات على الباب…
مسحت رأسها بتعب وقالت: مين؟؟
محدش رد
كررت السؤال تاني و محدش رد
قالت لنفسها: يمكن صوت الخبط من التلفزيون وأنا بيتهيألي.
وقررت تنام، بس اتكرر الخبط.
قامت بعصبية، وفتحت الباب وسألت بصوت عالي: مين اللي بيخبط؟
صرخت بعصبية، و من غير حساب لحد: مين الحقير اللي مستخبي وخايف يقول انه هو اللي بيخبط؟
ايه قلة الأدب دي؟