غيث و أرجوان بقلم منال كريم ١

و اتكلمت بطريقة الأمهات: بدل قعدتك على القصص أتعلمي حاجة تنفعك

بصت عليه بزعل طفولي و مشيت من قدمه و هي بتقول: لازم تحترم اهتماتي.

غيث: حاضر أن شاء الله

ضحك عليها و قال: مجنونة بس بحبك

ارجوان: و انا بحبك، تعال شوف هنضف الحلة دي ازاي و هناكل ايه، على ما اكمل القصة، الفضول يموتني

غيث: الف سلامة على فضولك، اخرجي انتي مكانك مش المطبخ ،

قالت بدلال: طبعا يا حبيبي،مكاني في قلبك

غيث: تعرفي تضحكي عليا

و فعلا خرجت ارجوان كملت القصة، و هو اللي حضر الاكل.
//////////
اليوم التالي
الساعة عشرة الصبح

صحي غيث على رنة التلفيون، رد بخوف لما لقي رقم من مصر: الو

جاه صوت صرخة امه و هي بتقول: الحق ابوك يا غيث

انتفض من مكانه و سال : ماله ابويا ،حصل ايه؟؟؟

نحمده بدموع مزيفة : تعبان اوي ،تعال بسرعة العمر مش مضمون، تعال شوف ابوك اللي بقالك سنين مشوفتش.

قالت كده و قفلت ،و هو كان هيجنن ، سالت أرجوان اللي صحيت على صوته: في ايه يا حبيبي ، مالك؟؟.

غيث بحزن : ابويا تعبان اوي

ارجوان: تعبان ماله

غيث: معرفش ،انا هحجز على اول طيارة نازلة لمصر

ثواني و فكرت ارجوان ،تسافر معه و تدعم جوزها في الوقت ده و لا لا ،اتنهدت و قالت: انا كمان هسافر معك ،مش هسيبك لوحدك في الظروف دي..

ابتسم بفخر و قال: كنت متاكد انك بنت اصول،و اني عرفت اختار صح.

حجز غيث للسفر و اعتذر من المعازيم عن الحفلة
//////(

في الصعيد

قالت نحمده بعد ما قفلت : ايه رايك فيا يا حاج

محمود: تمثيلك حلو

اتكلم  غسان اخو غيث الكبير بغيظ: و لازم خطة يعني علشان يرجع بلده ،طول عمرك مدلعه يا ابويا، بس أنا تقول الأمر و لازم ينتفذ

محمود: انت بتغير من اخوك

غسان بعصبية: اغير منه ليه هو مش احسن مني، انت و امي اللي طول عمركم شايفين أنه احسن مني،بس انا احسن منه الف مرة

و قام غسان خرج من البيت،و هو واضح عليه الغيرة من أخوه الصغير.

بص محمود عليه باستغراب و قال: هو ماله، كلامه غريب كده

نحمده: يمكن علشان انت قاسي معه و كل حاجة تقول عليه لا، و معملتش كده مع غيث

محمود: علشان هو الكبير لازم يكون شديد زي

نحمده: ابقي طيب خاطره بكلمتين

محمود: أن شاء الله ، سيبك منه خلينا في غيث
////////
بعد يومين