غيث و أرجوان بقلم منال كريم ١

غيث: مسخرة ايه يا امي ،دي حفلة بمناسبة عيد جوزانا ،محدش فيكم حضر الفرح على الأقل أحضروا الحفلة

نحمده بسخرية: لو انت عايزين نحضر ،كنت عملت الفرح في الصعيد أو حتي القاهرة مش اخر الدنيا ، بس انت عملت كده علشان ترضي المحروسة مراتك

اتنهد بضيق وقال بهدوء: ليه الكلام ده يا ماما؟انا اكيد عايز أنكم  تحضروا و عملت الفرح في المكان اللي عايش فيه، يعني هي ملهاش ذنب

نحمده  بعصبية: انا مش عايزة كلام كتير ،ابوك مش عايز يكلمك و قال أبلغك أننا مش جاين ،افرح بقي مع المحروسة و اهلها الأجانب .

غيث: يا ماما مراتي و اهلها مصريين

نحمده قفلت السكة في وشه من غير رد .

 
قال زين بصوت عالي: يا غيث  تعال  العامل عايز يسألك على حاجة.

مشي غيث عندهم بحزن،و هو بيفكر يلغي الحفلة أو لا
//////////////
في أوضة النوم

كانت نايمة أرجوان بعمق ومش حاسة بأي حاجة بتحصل في الجنينة، رن تلفيونها صحيت بانزعاج و كانت امها، ردت بنعاس: السلام عليكم ورحمه الله وبركاته،عاملة ايه يا ماما

حنين بابتسامه: و عليكم السلام ورحمه الله وبركاته، الحمد لله بخير ,انتي لسه نائمة

ارجوان: أيوة

حنين: فين جوزك

ارجوان: تحت ما العمال يجهزوا ل حفلة بكرة

حنين: مكنش لها لازمة

غيث: قولت كده، بس غيث ممصم

حنين: ربنا يسعدكم ،قولت اطمن عليكم،ارجعي نامي تاني،و كلميني لما تصحى

ارجوان: أن شاء الله،مع السلامة يا مامي.

قفلت ارجوان و رجعت كملت نوم.

تعالوا نتعرف على ابطالنا ،غيث شاب عنده ٣٠ من الصعيد، ساب بلده و جاه على لندن علشان يكون نفسه،، و بالتعب قدر يكون من افضل رجال الأعمال في لندن.

اتعرف على أرجوان اللي ٢٥ سنة  و مولدة هنا و عايشة مع اهلها طول حياتها ،بس هي اتربت على تعاليم الإسلام و العادات والتقاليد العربية ،ابوها راجل اعمال كبير و هي شغالة معه في الشركة وحيدة و ملهاش حد غير ابوها و امها و غيث..
///((/((((
في الجنينة

زين: مالك

غيث: امي بلغتني أنهم مش جاين

زين: اتوقعت كده

غيث: و الحل

زين: الصح انت اللي تسافر مع مراتك للصعيد

غيث: انت فاكر انا مش عايز كده، انا عايز بس مرعوب ، اهلي رافضين ارجوان من غير ما يعرفوها.

زين: يبقي تكبر دماغك و عيش حياتك هنا.