غيث و أرجوان بقلم منال كريم ١

كان صوت نسمة اللي قالت: مرات عمي عايزة ارجوان

بص في الساعة باستغراب و سال: لسه الساعة ٧ الصبح ،عايزها في ايه دلوقتي..

نسمة: معرفش، ابقي اسالها يا ابن عمي.

غيث: تمام

أتحركت نسمة و هي بتقول: خايفة عليها تصحي بدري ، فيها ايه اكتر مني علشان تحبها و أنا لا..

في الاوضة

ارجوان بخوف: اوعي تقولها

غيث: هي ايه

ارجوان: امك عايزة تاخدني من الدار للنار

غيث : اكيد لا،،قومي البسي و ننزل سوه

أرجوان:  حبيب قلبي أنت
///////
في المندرة

كانت قاعدة نحمده و البنات

غالية بغيظ: انا مش فاهمة،تصحيها برة كده ليه

قبل ما ترد نحمده ،ردت نسمة اللي قالت: تنزل تساعدنا في الشغل

هدير: و انتي شايفة أنها زينا

نسمة بغيرة’: لا شايفة أننا احسن منها

ضحكت غالية و هدير عليها و هما شايفين الغيرة عامية عينها،و انفجرت نحمده و نسمة من الغضب، لما شافوا غيث نازل مع أرجوان و أيده في أيدها

هدير: ما شاء الله عليهم، حلوين اوي مع بعض

غالية: ربنا يحميهم من عيون الحسود

غيث: صباح الخير

نحمده: صاحي بدري كده ليه

غيث: حضرتك طلبتي ارجوان

نحمده بصوت عالي: نازل معها ليه، هناكلها

غيث: ايه الكلام ده يا ماما، بس هي لسه غريبة هنا و مش عارفه حاجة و لا عارفة حد غيري، يبقي انا لازم اكون جنبها في كل وقت

نسمة: انت خايف عليها من امك

غالية: بطلي انتي يا حقنة هو مقالش  كده

غيث: لو سمحتي يا نسمة ،اسكتي، ماما ،عايزة مراتي في ايه.

نحمده: هيكون في ايه ،عايزها تكون معانا و نتعرف عليها و تساعدنا في شغل البيت

غيث: بس ارجوان ملهاش في شغل البيت، دي سيدة أعمال معروفة

نسمة : انت بتقلل من ستات البيوت يا ابن عمي

غيث بعصبية: مش قولتك اسكتي، ده مش قصدي ،اقصد هي معندهش وقت تتعلم شغل البيت

نحمده : براحة على نفسك ،خد مراتك و اطلع اوضتك

اخيرا اتكلمت ارجوان لما قالت: خالص يا غيث ،انا هقعد معاهم و انت اطلع كمل نوم

غيث: لا أنا هخرج اتمشي شوية

مد أيده بالتلفيون و قال::هنا في خط مصري و رقمي متسجل لو عايزة اي حاجه كلميني على طول

نحمده بسخرية: الصبر يارب، مالك كده خايف عليها، متخافش بطلنا نأكل بني ادمين

نفخ بضيق و هو يبص ل امه، و بعدين قال: انا خارج

  ارجوان كانت حاسة بالخوف من طريقة نحمده،حتي هدير و غالية متوقعين نحمده تضايق أرجوان