صرخت سمر و هي تقول: _ ماما ماما محمد أتصل على دكتور. كانت صباح تبص عليهم بلا مبالاه وكأنها مش السبب في مو،ت صباح. جه الدكتور بلغهم بو،فاة فاطمة. خرجت سمر من الاوضة كانت لسه صباح موجودة،مسكت في رقبتها و هي تصرخ: _ قت،لتي أمي ،مش اسيبك ،لازم تمو،تي زيها. زقتها صباح و هي تقول: _ بطلي جنان أنا كنت عملت حاجه. بصت لها باستغراب و ردت: _ امي ما،تت بسببك أنتِ مكانك الس،جن. و جربت قفلت الباب و بلغت البوليس. صباح كانت واثقة من نفسها و مفيش شعرها اتهزت على مو،ت فاطمة و أنها السبب، قلبها زي الحجر، قعدت ببرود و قالت: _ البو،ليس هيتاخر يا سمر. خرج محمد مع الدكتور من غرفة فاطمة ، و قال: _ افتحي الباب يا سمر. هزت راسها بالرفض ، قال محمد : _ افتحي الباب خلينا نبدا في تجهيز الد،فن. : مش هفتح علشان صباح هتهرب، البوليس جاي في السكة. قرب محمد منها ضمها إلى حضنه و قال: _ اهدي يا حبيبتي و خليها تمشي. نزلت دموعها و هي بتقول لا. وصل البوليس و قالت سمر: _ الست دي قت،لت أمي سأل الظابط: _ اي اللي حصل. حكت سمر اللي حصل. سأل مرة تانية: _ هي لمستها أو حاولت الاعتداء عليها. هزت راسها بالرفض ،قال : ـ كده مفيش جر،يمة حضرتك صرخت بجنون: _ ازاي بسب كلامها امي ما،تت. : طالما مفيش محاولة اعتد،اء يبقي مفيش جر،يمة. و أتحرك الظابط بقت تبص عليهم بذهول، ازي مفيش قانون يحاكم صباح. ابتسمت بخبت و قالت: _ عايزة حاجة تاني يا سمورة. وافقت قدمها بقوة و قالت: لو القانون شايف انك بريئة ،أنا شايفة أنك مذ،نبة و ظالمة و ربنا يعاقب الظالم عقاب كبير. مش عايزة حقي أمي اللي ماتت بس،ببك و ل حق امل المريضة بالقانون، حقي عندك ربنا و دي صعبة على اللي زيك في كل ركعة و كل صلاة و كل صوت أذان ادعي ربي أن بنتك يكون مصيرها نفس مصير أمل مع فرق بسيط أن أمل قضا و قدر بس بنتك الشيط،انة تكون بسبب أفعالها، و مصيرك يكون نفسي مصير أمي بس امي ماتت مقهورة من الظلم، بس أنتِ تعيشي بقهرتك و أنتِ شايفة عقابك، حسبي الله ونعم الوكيل فيكِ، اطلعي برة بيتي. كل الكلام ده مش فارق معها، و ده حال كتير زيها. قالت ببرود: براحتك كنت ناوية أقف جنبك بس انتوا عيلة وطية. مشيت صباح و سمر انهارت في حضن جوزها اللي كان طول الوقت مسك أيدها بدعم و حنان. بصت له و قالت: _ أمل. : مينفعش تعرف حاجه زي دي دلوقتي خالص. = ازاي يا محمد لازم تعرف أن ماما ماتت. : لما تعرف حالتها تسوء و مش بعيد ترفض العلاج. = صعبة عليها لو عرفت متاخر، و هتزعل مني. : صعبة اوي لو عرفت دلوقتي و هي في أول خطوة في العلاج، أنا كلمت حازم قولت اشوف الجو، قال إن أمل بدأت أول جلسة كيمياوي. قالت بعصبية: _ أنا لازم أقول ل أمل ان صباح ق*تلت أمي، لازم تبعد عن حازم : مش وقته. بدوا تجهيز الدفن و العز. في المستشفى خضعت أمل لاول جلسة كيمياوي. حازم فضل معها ورفض الخروج على ما الجلسة تخلص. يتكلم في أي حاجة ،و عامل ليها بلهون علشان تركز معه و تنسي الم العلاج. بص لها و سأل: ـ تعبانة. : شوية صغيرة. = أنتِ عارفة أنك قوية صح. ابتسمت من غير رد. كمل : _ و على فكرة بحبك. برضو مفيش منها رد : أنتِ اغلي حاجة في حياتي، و أيدي في ايدك و هنعدي المرحلة دي. نزل من على الكرسي و قعد قصادها على الأرض و مسك أيدها اللي متعلق فيها العلاج و قال: ـ لو أقدر أخد كل الألم بدلك كنت عملت كده. مشت أيدها على شعره و قالت: _ أنا بحبك اوي يا حازم. باس ايدها و قال: _ أنا بعشقك يا قلب حازم. : بقولك تعالي نتكلم على ترتيبات الفرح و مكان شهر العسل. بصت له بحزن: _ و قالت تفتكر أخرج من هنا. مردش على سؤالها و قال: ـ بقولك نروح الغردقة في شهر العسل. قررت هي كمان تسافر معه إلى الاحلام و لو مش مكتوبة تبقي حقيقة كفاية تعيشها في الاحلام = لا شرم الشيخ. : لا الغردقه. في البيت رفضت سمر أن يتم الدفن بليل، قاعدة جنب أمها و تبكي بانهيار ، دخل محمد و قال: كفاية يا سمر امسكي نفسك شوية، و أنا بقولك نستعجل في الدفن. : هتوحشني اوي. = ربنا يرحمها ويصبرنا، تأخير الدفن يزود النار في قلوبنا,يلا يا حبيتي حركت رأسها بالموافقة في شقة صباح حكت اللي حصل لسماح اللي شافت الموضوع عادي. سماح: _ و المحروس إبنك نوصله ازاي. = قفل التلفيون عارف أني مش اسكت على كده. :طيب و هنعمل ايه = عارفة أنا نفسي في ايه. : ايه = سمر تبلغ أمل أن فاطمة ماتت الموضوع ده يفرق في نفسيتها اوي. : ياريت و نخلص من أمل = و ابني يرجع لحضني و يتجوز علشان اشوف ولاده. : ساعات بحس أن موضوع أنك تشوفي ولاد حازم هوس عندك مش طبيعي. = و ماله متشوقة أشوف ولاد أبني الكبير. : لو يبعد عن أمل هنرتاح كلنا. = لازم يبعد عنها غصب عنه. كانت وافقة في البلكونة و هي شايفة أمها ماشية في النعش و أن خالص مبقتش موجودة في حياتها،وقعت على الأرض و صرخت صرخة وجع. عند أمل حطت أيدها على قلبها و قالت: _ اه. سأل بفزع: _ مالك تعبانة ،اروح أنده الدكتور. خرج بسرعة يجيب دكتور حطت أيدها على قلبها و انفجرت من العياط بدون سبب، مش بتعيط من وجع العلاج، قلبها وجعها. جاء الدكتور مع حازم، فحصها و قال: _ كل شيء طبيعي ، أنتِ حاسة بأيه. : قلبي وجعني. = ضربات القلب و النبض طبيعي ممكن يكون التعب نفسي، النفسية أهم حاجة في العلاج ،خليكي قوية. غمضت عينها من غير رد. قال الدكتور ل الممرضة: _العلاج خلص ، خليها ترتاح على السرير، و قياس الحرارة كل ساعة. خرج الدكتور و الممرضة عملت اللي الدكتور قالها عليها و خرجت. كانت نائمة على السرير و تبص على السقف و الدموع تنزل من عينها من غير سبب. قعد جنبها و سأل: أمل أنتِ تعبانة. : مش عارفه. = يعني ايه مش عارفه. مردتش ، قعد جنبها على السرير و رفع رأسها خدها في حضنه و هنا انفجرت بصرخات متتالية ، من غير ما تحس و لا تشعر و لا عارفة بتعمل كده ليه. دخلت الممرضة بسرعة، وقفت حزينة و هي شايفها كده. نفس الوقت كانت سمر تصرخ و الجيران يحاولوا يهدوا. كان حضنها بقوة و يبكي معها و يقرأ عليها آيات من القرآن الكريم ،و الممرضة خرجت. بعد ساعة كاملة تصرخ و تبكي نامت. كان ببص عليها بحزن. في البيت : شدي حيلك يا سمر علشان أمل محتاجة وجودك معها. قامت من مكانها بسرعة و قالت: _ أمل، أنا لازم اروح المستشفى حالا. : ليه بس. = أقولها اللي حصل و أخلي حازم يطلقها لا يمكن يكون جوز أختي و أمه قت*لت أمي. مسك أيدها و قال: _ اقعدي و اسمعني كويس. قعدت قصاده و اتكلم بهدوء و عقل: _ اللي حصل من صباح محدش يعرف عنه حاجة لحازم و ل أمل. بصت له باستغراب كمل: _ حازم من أول يوم كان راجل و محترم و عمره ما زعل أمل صح. هزت راسها بنعم ،كمل هو: _ يبقي ليه ناخد حازم بذنب أمه، دي أول نقطة. = و تاني نقطة. : تاني نقطة هي الأهم، تفتكري بعد وفاة ماما فاطمة نفسية أمل هتكون مد،مرة، كمان عايزة نبعد حازم عنها يبقي كده بنقضي عليها. قالت بدموع: _ أنا مش عايزة كده ،أنا بس مش أقدر اتعامل طبيعي مع حازم بسبب أمه. : ملناش دعوه بيها و الحمد لله أن أمل تعيش في بيت بعيد عنها , و حازم اثبت أنه قد المسؤولية. تفهمت سمر وجهة نظر محمد و قررت مع محمد أن حازم و أمل ميعرفوش حاجة عن اللي حصل من صباح.... عدي يومين وكل ما أمل ترن على فاطمة و سمر محدش يرد. رمت التلفيون بعصبية و قالت: _ مش فاهمة محدش بيرد عليا ليه. مردش حازم مش لقي سبب لكده. فتح تلفيونه و رن على محمد اللي رد على طول ، سأل حازم: بقولك يا حمادة أمل ترن على ماما وسمر محدش يرد. مبقاش عارف يرد يقول ايه، يقول الحقيقه أو يكدب. شاورت امل لحازم يفتح مكبر الصوت ،نفذ حازم. قال محمد: _ماما فاطمة تعيش أنت. صرخت أمل و التلفيون واقع من حازم ، جري عليها و يقول: _ اهدي علشان أنتِ تعبانة. : أنا ليه يحصل معي كده، ليه. = استغفر الله العظيم بلاش تقولي كده ده القدر. حست أنها مش قادره تتكلم أو مفيش كلام، بعدت عن حازم و غمضت عيونها. خرج علشان يبلغ الدكتور. تمر الأيام و أمل مش بتكلم خالص توقفت عن الحياة مش بترد علي سمر. كانت الحياة بالنسبة لها انتهت مع رحيل امها. مش بتصرخ أو تعيط كانت ساكتة بس. حتي العلاج مبقتش تحس بالمه. كان حازم يعمل المستحيل و يحاول يخرجها من الحالة دي لكن مفيش فايدة. ساءت الأمور لما الأعراض الجانبية ظهرت سقوط الشعر و غثيان و تكسير الضوافير ، بقت هزيلة و ضعيفة. اللي حازم يعمله كان فوق طاقة اي شخص، شايف حبيتها في اسوء حالتها، بس مينفعش يضعف لازم يكون قوي علشانها. في مكتب الدكتور : طمني يا دكتور. = للاسف مفيش تحسن : ازاي يا دكتور، دي خلصت كل الجرعات من الكيماوي. = أمر الله الحالة تسوء. : و الحل. = حل واحد هو استئصال الرحم. : حضرتك بتهزر صح، اكيد في حلول تانية يا دكتور الا كده. = صدقني مفيش حل غير كده او حياتها في خطر. قال برجاء: ـ لو سمحت أنا ممكن اسافر برة اعمل ايه حاجه علشان تتعالج بس بلاش الحل ده ، هي ممكن تمو،ت. = مفيش امل غير ده قام حازم و مش عارف يبلغ أمل ازاي دي كانت بستعد علشان تخرج من هنا، و تزور قبر أمها. دخل حازم و راسه في الأرض و قال : _ أمل. بصت له و قالت : ـ الدكتور وافق أننا نخرج صح. هز رأسه بالنفي. قعدت على السرير و سألت ـ ليه. من غير مقدمات قال: _ لازم تعملي عملية استئصال الرحم. : بس أنا يمكن أعمل كده مش موافقة أنا عايزة أخرج من هنا. = حياتك في خطر. : مش مهم حياتي لكن لا يمكن أعمل كده. و فجأة غابت عن الوعي بدون سابق انذار. و للحديث بقية رايكم يا حلوين ♥️ ♥️ مع محمد جوز سمر أنهم مش يقولوا عن اللي صباح عملته #أمل #مابين_الحياة_والموت #الفصل_السابع #روايات_بقلم_منال_كريم ❤️❤️❤️❤️❤️❤️❤️❤️ سبحان الله وبحمده سبحان الله العظيم استغفر الله العظيم و اتوب اليه لا اله إلا الله وحده لا شريك له له الملك وله الحمد وهو على كل شيء قدير اللهم صل وسلم وبارك على سيدنا محمد لا حول ولا قوه الا بالله العلي العظيم لا اله إلا أنت سبحانك إني كنت من الظالمين ❤️❤️❤️❤️❤️❤️❤️ رفضت تعمل العملية، أول ما سمعت الخبر اغمى عليها. جري حازم عليها و هو يصرخ : _أمل, أمل. خرج بسرعه لبره يجيب الدكتور. الدكتور فحص أمل و قال إن الاغماء بسبب الحاله النفسية خرج الدكتور بعد شويه. و حازم قاعد جنبها و حزين عليها ،اللي يحصل معها في الفترة دي فوق طاقة اي بشر. بعد وقت فاقت أمل، بصت عليه و قالت بصوت متعب: _حازم. : نعم يا حبيبتي. = عايزة امشي من هنا. : مينفعش =عايزة أمشي يا حازم. : علشان خاطري لو لي خاطر عندك اعملي العملية. قامت قعدت ،مسك أيدها و ساعدها تقعد، و قال: _ حاسة بتعب. نزلت دموعها و قالت: ـ مقدرش اعمل كده، ازاي أشيل حتة من جسمي، عارف ده معناه ايه، أني لا يمكن أكون أم، قول للدكتور أخد كيمياوي تأني ،حتي لو تعبت بس أحسن من كده،مقدرش أعمل كده. باس ايدها و قال بهدوء: _ الدكتور قال ده الحل الوحيد، لازم كده علشان صحتك. هزت راسها بالرفض و صرخت : _ بقولك لا عايزة أمشي من هنا، عايزة أمشي من هنا. : بلاش تعملي في نفسك كده، علشان خاطري. = علشان خاطري عايزة أمشي. : لو بتحبني أعملي العملية = و بعدين قعد جنبها و مسك و أيدها و بقي يعد على أصابعها: و بعدين, نخرج من هنا بالسلامة، و نجهز للفرح و نسافر شهر العسل و نعيش في حب و سعادة. باس ايدها،و حضن وجهها بين كفوف أيده: _و نقول الحمد لله على كل شيء ، نرضا بأمر الله يا امولة. قالت من غير مقدمات: _ طلقني. بص بصدمة و قال : _ بتقولي ايه. = أعمل العملية بس بشرط طلقني. : بطلي هبل و عبط ده نصيبي و نصيبك. = لا مش نصيبك ده نصيبي أنا، و بلاش اظلمك معي. : بطلي يا أمل علشان كلامك يزعل = أنت من حقك تتجوز و تخلف، أنا قدري الحرمان من الامومة. باس رأسها و قال بحب: قدري هو قدرك. = أنت بتعمل ليه كده. : علشان بحبك. ابتسمت و قالت: _ أنا بحبك اوي يا حازم : أنا بعشقك يا قلب حازم. بلغ حازم الدكتور بالموافقة على العملية، و كمان بلغ سمر علشان تكون موجودة كانت أمل خائفة أنه يبعد عنها، رغم أنها طلبت منه البعد لكن نفسه ترفض البعد، فرحانة أنه متمسك بيها، هو بالنسبة ليها الامان و القوة دلوقتي ليلة العملية سمر قاعدة جنب أمل على السرير و حازم قاعد على الكرسي، قالت أمل: _ وحشتني يا حبيبتي. : أنتِ أكتر يا أمولة، عاملة ايه؟ = الحمد لله. : بلاش تزعلي كله خير. = الحمد لله ،وجودك أنتِ و حازم عندي بالدنيا. : ربنا يعوضك و يكرمك على صبرك يا قلبي. أبتسمت بهدوء، و قضوا الليلة هما الثلاثة يتكلموا و الصبح كانت تستعد أمل للعملية. بصت للحازم و قالت : _ لول وجودك معي في المرحلة اللي عدت، كانت تبقي صعبة عليا ، شكرا على وجودك في حياتي. باس راسها و قال: ـ شكرا زعلان منك. : بحبك = لا زعلان. كانت تتحرك من قدمه،شدها في حضنه و قال بخوف: _ بحبك، بحبك،و مستني خروجك أوعي تأخري عليا. : أن شاء الله. بعدت عن حازم ورحت عند سمر اللي مش عارفة تسيطر على دموعها, حضنتها و قالت: أن شاء الله خير ، عندي ثقة في ربنا أني أخرج عايشة. زعقت بصوت عالي: _ اسكتي بطلي الكلام ده، أن شاء الله تخرجي و افرح بيكِ. دخلت أمل اوضة العمليات علشان تشيل جزء منها و معه يضيع كل أحلامها. كانوا برة على أعصابهم و الدقائق بتمر ساعات و الساعة تمر سنين. قال محمد : _ أن شاء الله تعدي على خير حازم و سمر: يارب، يارب. حازم: سمر أنا رجعة على طول. هزت راسها بنعم محمد : أجاي معك. : شكرا اتحرك بره المستشفى ، رن على عماد، اللي أول ما فتح: حمد لله على السلامه كل ده غايب عننا، اخيرا افتكرت اهلك. قال بسرعة: عماد ابعتلي فلوس. سأل بخوف: في حاجة أنت كويس : ابعت يا عماد = عايز كام. : اللي معك. بعت عماد فلوس، سحبها حازم، و مشي حوالينا المستشفى كل جامع أو صندوق مكتوب عليها تبرعات يتبرع فيه لو شاف حد غلبان يتبرع له بفلوس لحد ما كل الفلوس خلصت. و بعدين دخلت الجامع صلى ركعتين قضاء الحاجة بنية خروج امل من العمليات بالسلامة. خرجت أمل بعد ساعات طويلة و طبعا الحالة النفسية سيئة جدا، لكن دعم حازم و سمر كانت قادرة على المواجهة ، و اللي خلها تحب الرجوع للحياة ،فاطمة بنت سمر، اللي محمد قرر يسمي بنته فاطمة على اسم حماته. و بعد فترة أخيرا تخرج أمل و حازم من المستشفى اللي قعدوا فيها وقت طويل اول خطوة بعيد عن المستشفى ،سجد حازم سجدة شكرا. بصت عليه بسعادة و حب. في المقابر أول مكان قالت تروح عنده. : وحشتني اوي يا ماما، زعلانة أنك مشيتي من غير ودع، و حاسة بالذنب ، أكيد بسبب زعلك عليا ،حقك عليا يا ماما. الحمد لله أنا خفت صحيح لازم طول العمر امشي بعلاج و فقدت أني اكون ام، بس الحمد لله ،أنتِ عارفة حازم طلع رجل اوي معي، رفض يمشي بعد كل ده، الحمد لله اخترت صح، ربنا يرحمك يا ماما. أمل تكلم في سرها، و حازم واقف ساكت. قال: خلصتي. = عايز ايه. بص على قبر فاطمة و قال: _ بصي يا ماما يعلم ربنا أني زعلان عليكِ و أن الموضوع اللي اتكلم فيه مش وقته، بس ده ضروري. بصت امل عليه باستغراب، كمل هو: _ لازم نعمل الفرح على طول، امولة تستهل يتعمل لها احسن فرح، ممكن حد يقول ليه الاستعجال أمل محتاجة فترة راحة، الكلام ده يكون معي، اكيد مش نخلي أمل تعيش في البيت لوحدها أو تروح بيت سمر أو سمر تسيب بيتها و تعيش معها، يبقي الحل نتجوز بسرعة. سكت ثانية و قال: الله يبارك فيكِ، حاضر أمل في عيني. بصت له باستغراب ، و سألت: هو ايه ده. مسك أيدها و مشي و هو يقول: يلا الفرح الخميس الجاي مفيش وقت. بصت بذهول: أنت مجنون. : أيوة. بعد ما اتفق مع محمد و سمر على كل حاجة و كالعادة في البداية أمل مش موافقة و هو يقنعها يدخل البيت كان عماد و سماح و صباح قاعدين على السفرة . : السلام عليكم ورحمه الله وبركاته. قامت صباح من على السفرة بعصبية و قالت: حمد لله على السلامه ،لسه فاكر تجي، كنت خليك قاعد باقي عمرك في المستشفى جنب المحروسة، لحد ما تمرض زيها. قام عماد و قال: اهدي يا ماما مش كده. ردت سماح: اسكت أنت يا عماد ، خليها تتكلم ،أصل حازم نسي أهله علشان الست أمل. عماد: احترمي نفسك يا سماح حازم اخوكِ الكبير. صباح بصوت عالي: محدش يتكلم ،اي يا حازم معندكش كلام. رد بهدوء: ازاي طبعا عندي، فرحي على الست أمل الخميس الجاي. قال عماد بحماس: الف مبروك : الله يبارك فيك . = أنت جري ليك ايه تجوز واحد مريضة ليه ناقصك ايد أو رجل. رد بهدوء: قصدك اكيد فيا حاجة زيادة عن باقي البشر علشان أمل تقبل الجوز مني. و دخل اوضته و عماد وراه. : أنتِ تقبلي كده =لا طبعا على ج/ثتي يتجوز أمل، مش هو عايز يعمل فرح و ماله نخلي الكل يتكلم على العروسة. : ناوية على ايه = كل خير في الاسبوع ده كان حازم و أمل يجهزوا للفرح مع عماد و سمر و محمد. رفضت سماح و صباح المشاركة في أي حاجة. يوم الفرح رفضت نوار الحضور لأنها كانت منهارة بسبب أن حازم يتجوز. حازم و أمل كانوا طايرين من الفرحة. حازم حتي بينه وبين نفسه مفيش مرة فكر أن أمل تكون ناقصة حاجة ،كان كل اللي شاغل باله أنها تكون سعيدة.. أما أمل رغم حزنها على نفسها و على حازم إلا أنها كانت مبسوطة أن حازم متمسك بيها و قررت تفرح زي اي بنت في ليلة العمر... على جانب آخر الكل مبسوط و سعيد و صباح و سماح يلفوا على المعازيم و يتكلموا عن أمل بالسوء انها بنت مش محترمة و حازم كان قاعد معها قبل الجواز و أنها مريضة في ناس فاهمه و تخاف ربنا قالت إنها ملهش ذنب و دي حاجة بايد ربنا. و في ناس بدأت تنهش في شرف أمل. سمعت سمر واحدة بتقول: و هي أمل عاملة فيها محترمة و هي عايشة معه قبل الجواز دي طلعت قليلة ادب. ضرب،تها سمر بال،قلم مسكتها من شعرها و هي تصرخ: أخرسي قطع لسانك. و للحديث بقية رايكم يا حلوين ♥️ #أمل #مابين_الحياة_والموت #الفصل_الثامن #روايات_بقلم_منال_كريم نختم بالاذكار ❤️❤️❤️❤️❤️❤️❤️ سبحان الله وبحمده سبحان الله العظيم استغفر الله العظيم و اتوب اليه لا اله الا الله وحده لا شريك له له الملك وله الحمد وهو على كل شيء قدير اللهم صل وسلم وبارك على سيدنا محمد لا حول ولا قوه الا بالله العلي العظيم لا اله الا انت سبحانك اني كنت من الظالمين ♥️♥️♥️♥️♥️♥️♥️♥️
