جحيم أمرأة بقلم منال كريم

في شقة بسيطة

كانت قاعدة رحمة و دموعها نازلة على وشها و هي تسمع جوزها بيقول: أنا خالص يا رحمة، خدت القرار، و هتجوز ،احنا متجوزين من  6 سنين،  للأسف أنتي  مش بتخلفي، و على يدك حاولنا بكل الطرق أدوية وعمليات وأطباء لكن مفيش نتيجة، والدكاترة أكدوا إن المشكلة من ناحيتك،،و أنا وصلت لمرحلة إني مش قادر أتقبل فكرة إني أعيش باقي عمري من غير أولاد.

استنا منها  رد بس هي تعيط بصمت ، فقال: المفروض تكوني  عارفة إن ده حقي ومش هتمنعني اعمل كدهو تفرحي ليا كمان..

اخيرا اتكلمت رحمة،و صوتها طالع مكسور : طبعة حقك يا خالد،ربنا يرزقك ببنت الحلال و يعوضك خير على السنين اللي فاتت، و تشوف ولادك و تفرح بيهم..

خالد: يارب يسمع منك، انا قولت انك بنت اصول و مش هترفضي علشان حقي.

خالد دخل الاوضة بسعادة علشان ياخد معاد يروح يتقدم، من زميلته في الشغل، اللي فكر في موضوع الجواز علشان اعجب بيها،مش بسبب موضوع الحمل بس.

خالد: ازيك يا اسماء

اسماء: الحمد لله،ايه الاخبار؟

خالد: الاخبار فل،كلمت مراتي وافقت

اسماء: و هي كان هيبقي ليها عين ترفض.

خالد: سيبك منها،عايز اجي اقابل ابوكي

اسماء: قبل بابا لازم تسمع شروطي الاول

خالد: اسمع و انا كمان عندي شرط

اسماء: ايه هو

خالد: تعملي  تحاليل وكشوفات قبل الجواز علشان اطمن من موضوع الحمل.

اسماء: موافقة.

خالد: ايه هي شروطك

اسماء: اعيش في شقة منفصلة، دي اول جوزة ليا و  انا علشان ارتاحت ليك و حصل  بينا قبول كنت رفضتك ،و  اتجوزت راجل مش متجوز و اخد لقب خاطفة الرجالة، و مش اجي في الاخر اعيش مع ضرتي في البيت، انا حبيتك يا خالد و علشان كده قبلتك رغم ظروفك الصعبة..

خالد بحيرة : و انا بحبك يا حبيبتي، و مش عارف اعمل ايه يا اسماء،الظروف مش مساعدة اجيب شقة كمان.

اسماء: معرفش ،اتصرف دي مشكلتك أنت

خالد : اتصرف ازاي ،تحطي العقدة في المنشار و تقولي اتصرف.

نفخت اسماء بضيق و قالت: معرفش اتصرف.

و قفلت الخط في وشه و هو طلع سيجارة و يشربه و هو يفكر يعمل ايه؟
///////////
أما في الصالة

كانت حبيبة تعيط و هي قلبها مكسورة ،قالت لنفسها:

استغفر الله العظيم يارب، اللهم لا اعتراض ، بس يارب أنا حياتي صعبة اوي و تعبت ، يتيمة من غير اب و أم و اخويا الوحيد حياته صعبة، يعني لو فكرت أطلق مش هلاقي مكان اروح فيها،يبقي لازم أصبر و أتحمل.