جحيم أمرأة بقلم منال كريم

/////////////(
و بدأ خالد يجدد الشقة، و رحمة تدور على شغل من غير ما تعرف اخوها

بعد اسبوعين

كانت قاعدة رحمة مع عبير و قالت: الحمد لله لقيت شغل يا عبير

عبير: اخيرا و هتشغلي ايه

رحمة: هشتغل عاملة نظافة في مستشفى

عبير بقرف: يع بقرف

مردتش رحمة عليها

عبير: و هتقولي ل عباس.

رحمة: لا علشان مش هيرضي، و الحمد لله هو خمس ايام  في الاسبوع  مسافر و الخميس و الجمعة هاخدهم إجازة.

عبير: و على كده القبض كام.

رحمة: الف و نص

عبير: و دول يعملوا ايه؟؟

رحمة بقلة حيلة: اعمل يا عبير انا مش معي شهادة و الحمد لله اني لقيت شغل

عبير: ما براحة شوية،انا اتكلمت..

قامت رحمة تدخل اوضتها من غير كلام..
//////////////
بعد سبع شهور.

خالد اتجوز أسماء و كمان حامل، و بقي عايش مبسوطة و حس أنه اخيرا هيكون عنده عيلة زي اي حد،، و مع الوقت  اتاكد  إنه  مش عايز يكمل مع حبيبة و يطلقها و يركز مع اسماء و ابنهم اللي جاي..

و حبيبة طول اليوم في الشغل و ترجع ميتة من التعب تاكل لقمة بسرعة مع كلمتين زي السم من مرات اخوها، و عباس ميعرفش عن شغل حبيبة
///////
عدى شهر كمان و بعد ٨ شهور  اخير خالد  قرر يزور حبيبة..

عباس: خير يا خالد ،ايه سبب الزيارة دي

خالد: بصراحة يا عباس انا مش عايز اكمل مع اختك.

عباس: و انت فاكر أن اختي عايزة تكمل معك..

خالد: تمام ،طالما احنا متفقين يبقي نخلص كل حاجه

عباس: أنزل هات مأذون ،خلينا نخلص من جوزة الندامة.

نزل خالد بسرعة و كأنها هم، و حتي مطلبش يتكلم معها.

دخل عباس الاوضة و قال: سمعتي كلام خالد

حاولت تدري حزنها و قالت: سمعت و من يوم ما خرجت من البيت و انا عارفة أن مفيش رجوع.

حضنها و قال: هو الخسران،حد يسيب القمر ده، انتي الكسبانة يا بت، من اول يوم و قولت بلاش خالد، و انتي على صرخة واحدة بحبه  ،بحبه.

ضحكت و قالت: أنا الله يسامحني ،اختياراتي مدمرة حياتي.

عباس: بعد الشر على دمار حياتك، أن شاء الله دي بداية جديدة

حبيبة خدت نفس و قالت: انا عايزة أقولك على حاجه.

عباس: قولي يا قلب اخوكي

حبيبة: أنا بشتغل و قبل ما تعترض، اسمعني للآخر ،أنا في البداية اشتغلت علشان المصاريف، بس لما اشتغلت حبيت الشغل اوي و كمان بقي عندي صحاب .