جحيم أمرأة بقلم منال كريم

عباس بحزن:: بتعملي كده بسبب كلام عبير و لا علشان انا مش هقدر اصرف عليكي.

حبيبة: صدقني يا عباس انا مبسوطة هنا مش زي ما كنت ما فاكرة ، انا اشتغلت علشان ابدا من جديد، عايزة اشوف ناس تانية.

عباس: انتي كبيرة و فاهمة و هسيبك براحتك بس لو تعبتي من الشغل اقعدي على طول

حبيبة: حاضر

عباس: و بتشغلي ايه بقي..

حبيبة: عاملة نظافة في مستشفى

زعل عباس عليها و بيقول لنفسه: لو كان وضعي المادي احسن من كده مكنتش حبيبة نزلت تشتغل

رجع خالد تاني مع الماذون و تم الطلاق، و برضو خالد ما طلبش يتكلم مع حبيبة اللي عاش معها ٦ سنين.
//////(
رجع خالد البيت و اسماء كانت محضرة حفلة بمناسبة الطلاق

خالد باستغراب: ايه ده يا سوما اكل و شموع و ورد ،ليه كل ده..

أسماء  بسعادة :علشان طلقت اسماء و كده بقيت ليا لوحدي..

خالد: من يوم ما شوفتك في الشركة وبقيت مش شايف غيرك، أنا بحبك و مستعد اعمل اي حاجه علشان خاطرك و خاطر ابننا

حطيت ايديها على بطنها و قالت بدلع: انت لازم تعمل كل حاجه علشان خاطري ،انا عملت اللي حبيبة معرفتش تعمله.

الصراحة اسماء غبية علشان أنها حامل مش شطارة منها ده رزق من ربنا…
///////////(((
في المستشفى

كانت حبيبة بتنضف الحمام،دخلت سارة اللي شغالة مع حبيبة، و هي بتعيط،سالت حبيبة: مالك يا سارة

سارة بانهيار: تخيلي حسن كلمني و بيقول اني السبب في خراب البيت

حبيبة: انا مش فاهمة حاجة

سارة: اه نسيت انا محكتش ليكي حكايتي.

حبيبة: لا محكتيش انا اللي حكت ليكي حكايتي مع خالد..

سارة: طيب كملي شغل دلوقتي و احكيلك حكايتي في الاستراحة ، اصل انا هطق لو ما اتكلمتش

حبيبة: بعد الشر عليكي يا سوسو..

غسلت سارة و شها و خرجت و حبيبة كملت شغل
////((
في الاستراحة

حبيبة: احكي يا سارة ،حكايتك ايه أنتي كمان، هو احنا مكتوب علينا الهم و القهر

سارة بحزن: عارفة احنا حياتنا دي المفروض نسيمها ايه، جحيم إمرأة ،،علشان احنا كل واحدة فينا  عاشت و شافت جحيم بسبب راجل فاكر نفسه أنه راجل ،و في بنات كتير زينا،  تتجوز و كلها احلام ، بس الحقيقة المرة هو جحيم بسب راجل بالاسم..

حبيبة: عندك حق اسم لايق على حياتي و حياتك و حياة كل ست و بنت بتعاني في مجتمع ذكوري.