جحيم أمرأة بقلم منال كريم

حنان: يارب و يريح قلبك يا  بنتي.
///////
بعد الاكل طلعت حنان مع سارة

دخلت حنان و قالت: السلام عليكم

سكينة: و عليكم السلام

قعدت حنان و قالت: عاملة ايه يا ام حسن

سكينة : الحمد لله،عاملة ايه أنتي.

حنان: الحمد لله بخير

سالت ندى  سلفة سارة : تشربي ايه يا خالتي

حنان: كوبية  شاي يا حبيبتي

كانت سكينة و حسن مش طايقين حنان و مضايقيني أنها تتصرف عادي و تطلب شاي كأنها في بيتها.
زعلانين علشان طلبت شاي و هما عادي ياخدوا اكل منها..

بصت حنان على حسن و قالت: طلعت الحاجة ل امك يا حسن

حسن: أيوة

سكينة بكل بجاحة و طمع،قالت : و هي دي الحاجات اللي تعبانة و جاية لحد هنا علشانها ، تعبتي نفسك على الفاضي يا ام محمد..

حنان بعصبية: و الله انا تعبانة و جاية على نفسي علشان بنتي مش علشان حد تاني، و الحاجات دي جاية ل بنتي و جبت الحاجات اللي عارفة انها بتحبها،اصل انا مش ملزومة اجيبلك حاجة و بدل ما تتكلمي كده المفروض تغلطي ابنك.

سكينة: اغلط ابني و دي الأصول، بنتك تاكل في خيرنا يعني الحاجة دي لينا..

حنان: يا اختي ل انتي و لا ابنك عارفين حاجة عن الاصول، بدليل انك نسيتي ان لما الراجل ياكل مراته ده فرض مش واجب عليه يا أم حسن يللي تفهمي في الأصول.

زعقت سكينة و قالت: انتي جاية بيتي تغلطي فينا

حنان ببرود: انا مكنتش عايزة أطلع ،ده ابنك اللي  طلب مني، مع أن الأصول تقول انتي اللي تنزلي

سكينة بغضب: اطلعي برة بيتي

ضحكت حنان ببرود و قالت: انا هقضي هنا و بكرة أن شاء الله امشي.

مسكت سارة من أيديها و قالت: تعالي يا قلب امك

نزلت سارة مع امها و هي مرعوبة علشان حسن و امها مش هيستكوا على كلام حنان.

سكينة بعصبية: شايف مجيبك  يا عرة الرجالة

حسن: ما خالص بقي يا امه كل شوية شايف مجيبك، مكنش لازم تفتحي معها الموضوع،ما انا قولت أنها شايفة أننا غلطانين
////////////
في شقة سارة

سارة بخوف: ماما ،مكنش لازم تتكلمي  مع حماتي كده.

حنان: حماتك عينها قوية و مش عايزة اللي يتساهل معها،متخافيش منها،و اسمعي مني تعالي معايا..

سارة : متخافيش عليا..

سكتت سارة علشان متخوفش امها بس هي معاها النهاردة و بكرة لا.

حسن بأمر من منزلش شقته.
////////
تاني يوم